Bændablaðið - 19.09.2019, Page 72

Bændablaðið | Fimmtudagur 19. desember 201972
LÍF&LYST – BÆRINN OKKAR
Þau Ágúst og Anna Margrét hófu
búskap á Stærri-Bæ árið 1994 og
tóku við búi af foreldrum Ágústs.
Býli: Bærinn okkar heitir Stærri-
Bær.
Staðsett í sveit: Bærinn er staðsettur
í Grímsnes- og Grafningshreppi í
nágrenni við Borg.
Ábúendur: Á bænum búa Ágúst
Gunnarsson, Anna Margrét, kona
hans, og elsti sonurinn, Sigurður
Yngvi.
Fjölskyldustærð (og gæludýra):
Ábúendurnir og yngri sonurinn
Guðjón sem er við nám í Reykjavík.
Stærð jarðar? Jörðin er um 700
hektarar.
Gerð bús? Við stundum kúabúskap
ásamt því að vera skógræktarbændur.
Fjöldi búfjár og tegundir? Gripir eru
um 100 talsins, þar af um 40 mjólk-
andi kýr. Einn pattaralegur krummi
sér um músaveiðar og nokkrir hestar
tilheyra okkur einnig.
Hvernig gengur hefðbundinn
vinnudagur fyrir sig á bænum?
Hefðbundinn vinnudagur hefst með
gjöfum og mjöltum. Gjöfum er svo
sinnt 2–3 á dag ásamt ýmsum öðrum
tilfallandi verkum eins og þrifum.

Skemmtilegustu/leiðinlegustu
bústörfin? Skemmtilegast er að
heyja og skera korn þegar tíð er
góð, rétt eins og var í sumar sem leið.
Leiðinlegast er að eiga við óþekkar
kýr og liggja andvaka vegna bleytu-
tíðar á sumrin.
Hvernig sjáið þið búskapinn fyrir
ykkur á jörðinni eftir fimm ár?
Nýverið hófst bygging á 60 bása
fjósi og eftir 5 ár má sjá fyrir sér
bætta aðstöðu fyrir gripi og betri
vinnuaðstöðu fyrir okkur að starfa
við. Jafnvel getur hugsast að bætt
hafi verið við kvóta verði það
mögulegt.
Hvaða skoðun hafið þið á
félagsmálum bænda? Við teljum
mikilvægt að bændur séu virkir í
félagsmálum og gætum sjálf verið
virkari þar.
Hvernig mun íslenskum land-
búnaði vegna í framtíðinni?
Íslenskur landbúnaður er í jákvæðri
þróun og mikilvægt að hann geti
blómstrað áfram. Til að svo megi
verða þurfa íslensk stjórnvöld
að skapa fordæmi með lögum og
reglum sem styðja við bændur og
búalið.
Ef vel er að því staðið og bænda-
forystan meðvituð um hvað gera skal
er framtíð í íslenskum landbúnaði
björt.
Hvar teljið þið að helstu tækifærin
séu í útflutningi íslenskra búvara?
Við látum aðra um að finna tæki-
færin varðandi útflutning á íslensk-
um afurðum en höfum fulla trú á
að hægt sé að gera enn betur á því
sviði. Gæðin og sérstaðan eru til
staðar.
Hvað er alltaf til í ísskápnum? Í
ísskápnum er „alltaf“ til mjólk eða
hún stutt undan. Skyr, smjörvi, lýsi,
rabarbarasulta og marmelaði ómiss-
andi líka.
Hver er vinsælasti maturinn á
heimilinu? Best þykir okkar að
snæða góða nauta- eða lambasteik.
Eftirminnilegasta atvikið við
bústörfin? Eftirminnilegt í
búskapnum er þegar blessaðar kýrn-
ar skreppa í heimsókn heim á bæ til
að kíkja á pallinn eða jafnvel að
kanna heita pottinn.
Grafinn lax og kalkúnabringa
Sítrus- og sinnepsgrafinn lax
Þessi vinnsluaðferð tekur sólarhring
og mun umbreyta óelduðum laxi
í grafinn silkimjúkan fisk. Ekki
ósvipað og graflax sem allir þekkja.
Hráefni
› 300 g salt
› 200 g sykur
› 100 g púðursykur
› 1 tsk. svört piparkorn
› 1 tsk. kóríanderfræ
› 1 tsk. fennelfræ
› 1 tsk. sinnepsfræ
› ½ teskeið muldar rauðar chiliflögur
› 1 beinlaust laxaflak
› ½ teskeið fínt rifinn sítrónubörkur
› ½ tsk. fínt rifinn lime-börkur
› ½ tsk. fínt rifinn appelsínubörkur
Aðferð
Blandið saman salti, sykri,
púðursykri, piparkornum, kóríander-
fræjum, fennelfræjum og rauðum
chilifræjum í miðlungsstórri skál.
Dreifið helmingnum af sykur- og
saltblöndunni á miðjuna á smjörpappír
(sem er aðeins stærri en fiskurinn)
ofan á bökunarplötu. Setjið fiskinn
á blönduna með roðhliðina niður.
Dreifið sítrónu-, lime- og appel-
sínuberki jafnt yfir fiskinn; hyljið
afganginn af flakinu með því sem
eftir er af salt- og sykurblöndunni.
Færið brúnir smjörpappírsins upp og
yfir laxinn.
Setjið aðra bökunarplötu ofan á laxinn
og þyngið með nokkrum stórum
dósum eða þungum potti. Slakið nú
á og látið þetta hvíla í sólarhring.
Skolið fiskinn, þurrkið og setjið roð-
hliðina niður á skurðarbretti. Notið
lengsta, skarpasta hnífinn ykkar og
þurrkið hnífsblaðið með röku þvotta-
stykki á milli skurðarsneiða. Skerið
á ská fallegar sneiðar og hendið roð-
inu. Rúllið hverri sneið upp í rós og
framreiðið með majónesi og sýrðum
rjóma, með ögn af safanum úr sítrus-
ávöxtunum og smá hlynssírópi.
Mandarínu-jólakalkúnabringa
Hráefni
› 1 kalkúnabringa
› 5 mandarínur, skornar í tvennt
› ½ msk. salt
› „Herbes de Provence“ kryddblanda
› 1/4 bolli smjör
Aðferð
Setjið bringuna í stórt, eldfast fat og
hyljið vel með salti á allar hliðar.
Setjið plastfilmu yfir og í ísskáp
yfir nótt.
Daginn eftir, hitið ofninn í 185 gráð-
ur og hjúpið bringuna bræddu smjöri
og stráið síðan „Herbes de Provence“
kryddi yfir. Kreistið mandarínurnar
yfir bringuna til að gefa henni smá
bragð. Setjið mandarínurnar yfir
bringurnar (eða inn í kalkúninn ef
þið eruð með skip eða heilan). Setjið
brjósthliðina niður á steikarpönnu
í um það bil 25 mínútur inni í ofni
og snúið henni síðan við. Gangið
úr skugga um að enn séu jurtir á
bringunni. Ef ekki, setjið þá meira
á bringuna.
Bakið í ofni þar til kjarnhiti nær 68
gráðum. Hjá mér var það um 45
mínútur til viðbótar.
Framreiðið með hvítum aspas og
rauðrófum og jólasósu að eigin vali.
Gott að gljá með ögn af hunangi og
setja aðeins undir grillið.
Hyljið létt með álpappír og látið sitja
í 20–30 mínútur áður en kjötið er
skorið.
Fimm mínútna snickers-mús
› 1 bolli marcapone-ostur, eða rjóma-
ostur
› 2 tsk. kakó/kakóduft
› 1/3 bolli hnetusmjör
› 2 msk. hlynsíróp
› 1 msk. dökkt súkkulaði plús aukalega
til að skreyta
Blandið vel saman öllum hráefnum
í skál.
Berið fram í bollum eða skálum og
toppið með auka súkkulaði – kælt
úr ísskápnum. Þetta þarf að vera í 30
mínútur til klukkustund í kæli.
Stærri-Bær
JÓLAMATURINN Bjarni Gunnar Kristinsson matreiðslumeistari
Þ að eru enn þá einhverjir að spá í jólamatinn og vantar innblástur fyrir einfalda, fljótlega en ekki síst hátíðlega jólamáltíð. Hér eru nokkrar hentugar útfærslur.