Fréttabréf Öryrkjabandalags Íslands - 01.06.1996, Blaðsíða 23
Frá Egmont-lýðskólanum.
ingarnir voru sendir í skoðunarferðir
og áttu að kynna sér dýra- og plöntu-
líf. Síðan var þeim kennt að nýta sér
umhverfið til ýmissa hluta, t.d. var
þeim kennt að tína sveppi til neyslu,
að meðhöndla jurtir til fatalitunar
o.s.frv. Tónlistarkennslan var ekki
síður athygliverð, því þar sameinuðust
ófatlaðir og fatlaðir og spiluðu saman
af ótrúlegri leikni. Aðstaðan var enda
ótrúlega góð, eiginlega öll hljóðfæri
sem hugurinn girntist. Eftir hádegi
skoðuðum við skólann og heimavist-
ina. Skólabyggingin sjálf var ekki
neitt arkitektúral meistaraverk, heldur
bara ósköp einföld, en tækjabúnaður-
inn var meiriháttar. Meðal annarra
kostagripa var skotbraut til að æfa
skotfimi, mjög rúmgóður íþróttasalur,
lyftingasalur, fullkomið upptöku-
stúdíó, risastór klifurveggur o.s.frv.
Danir virðast, öfugt við Islendinga,
hafa áttað sig á því að það er betra að
eyða fjármunum í rekstur en dýrar
byggingar. Seinnipartinn fórum við
síðan og skoðuðum litla skipasmíða-
stöð sem skólinn á og rekur. Þarna er
um að ræða stöð sem varð gjaldþrota
fyrir nokkrum árum og skólinn keypti
með aðstoð frá ýmsum aðilum. Nem-
endum gefst síðan kostur á að vinna
við smíðar og viðhald á bátum á vet-
urna og síðan er rekinn öflugur
siglingaklúbbur á sumrin. Um kvöldið
bauð síðan skólastjórinn til kvöld-
verðar þar sem hann hélt frábæra ræðu
um sögu skólans og mjög hreyfihaml-
aðs föður síns sem var fyrsti skóla-
stjórinn.
Föstudaginn 22. mars fórum við í
skoðunarferð til Vejlefjord-
endurhæfingarsjúkrahússins. Þar
dveljast einstaklingar sem hafa fengið
heilaskaða vegna slysa eða sjúkdóma.
Yfirmaður rannsóknardeildar sjúkra-
hússins tók á móti okkur og hélt fyrir-
lestur um hugmyndafræðilegan grunn
endurhæfingarinnar sem var mjög
nýstárlegur og athygliverður. Síðan
var okkur sýnd aðstaðan sem var
aldeilis frábær. Vejlefjord-sjúkrahúsið
var byggt sem berklahæli á síðustu öld
og minnir hreinlega á nýuppgert fimm
stjörnu hótel. Áætluð heimsókn til
“The Jytland Dynamo” féll niður og
því var deginum eytt í skoðunarferð
þar sem meðal annars var farið á
Himmelbjerget. Laugardagurinn 23.
mars byrjaði á því að hópurinn lagði
mat á heimsóknina. Allir þátttakendur
voru sammála um að hún hefði verið
mjög gagnleg og afar skemmtileg.
Kostirnir sem fólk benti á voru, að
fólki var gefinn kostur á að kynnast
hugmyndafræði Dananna sem án efa
er sú háþróaðasta í heimi, að við feng-
um tækifæri til að kynnast fólki víðs-
vegar að úr Evrópu og gátum miðlað
reynslu sem nýtist í framtíðinni, að við
eignuðumst tengla í 11 löndum sem
allir voru tilbúnir að halda áfram
samskiptum og við kynntumst hrein-
lega frábæru fólki sem er manni afar
dýrmætt persónulega. Gallarnir sem
hópurinn nefndi voru: að ekki var
gefinn tími til að þátttakendurnir gætu
kynnt starf sitt fyrir hinum á skipu-
lagðan hátt, að hópurinn samanstóð
af fólki sem starfar beint með fötluð-
um og því hefði mátt leggja meiri
áherslu á hagnýta hlið vinnunnar á
kostnað hugmyndafræðinnar. Að
loknu þessu mati yfirgáfum við
Egmont lýðskólann með söknuði og
héldum aftur til Kaupmannahafnar.
Sunnudaginn 24. mars kvöddust þátt-
takendur með virktum og hélt hver til
síns heima.
Fyrir mig persónulega var þessi
ferð hreint frábær og vil ég enn
og aftur koma á framfæri kærum
þökkum fyrir stuðninginn. Ég hef nú
þegar haft samband við allan hópinn
og er töluverður áhugi hjá þeim að
heimsækja Island og halda áfram að
miðla hugmyndum. Það er líka mjög
skemmtilegt að þó við Islendingar
séum að mörgu leyti á eftir öðrum
Norðurlandaþjóðum, þá getum við
líka miðlað ríkulega af reynslu okkar
í málefnum fatlaðra. Einnig hefur
hópur fatlaðra ungmenna hér heima,
sem ég sagði frá ferðinni, lýst áhuga
á að heimsækja þessa erlendu vini
mína sem ég tel að gæti verið mjög
gagnlegt fyrir þau.
Reykjavík 16. apríl 1996,
Arsæll Arnarson.
Vísur
um vor
Vor um veröld alla
vafið ilmi blóma.
Lífsins kraftar kalla
kveðja allt úr dróma.
Ylþeyr boðar yndi
angan loftið þrungið.
Tindrar sól á tindi
töfrum allt er slungið.
Man ég dýrðardaga
draumaveröld mína.
Lék um holt og haga
hugðist dáðir sýna.
Vakti vorsins strengur
villta þrá í hjarta.
Átti ungur drengur
unaðstíma bjarta.
Ennþá vorið vekur
von og þrá að nýju.
Fjöldann fanginn tekur
færir sól og hlýju.
Ekkert þó sem áður
aldið hjarta grætur.
Samt er hugur háður
heiði bjartrar nætur.
Helgi Seljan.
FRÉTTABRÉF ÖRYRKJAB ANDALAGSINS
23