Fréttabréf Öryrkjabandalags Íslands - 01.06.1996, Blaðsíða 34
nú af Félagi heyrnarlausra, en vill
gjarnan kaupa það og þá með styrk
frá Framkvæmdasjóði fatlaðra svo og
Reykjavíkurborg. Guðlaug María
kvaðst undrast það að Framkvæmda-
sjóður fatlaðra gerði ekki svo mikið
sem anza umsókn LAUF og væri und-
arlegt vægast sagt, ef svo fjölmennur
og um margt illa settur fötlunarhópur
fengi ekki eðlilega fyrirgreiðslu úr
sjóðnum. Þarna væru félagasamtök
að inna af hendi ýmsa þjónustu fyrir
fatlaða, sem annars kæmi alfarið á hið
opinbera og hún tryði því ekki öðru
en Framkvæmdasjóður fatlaðra sinnti
þessu þó síðar yrði. Fiún sagði að
Tourette-samtökin fengju þarna
aðstöðu svo og Sorgarsamtökin.
Guðlaug María sagði að oft væri
talað um að 1% þjóðarinnar væru
flogaveikir, 60 - 70 börn greinast ár-
lega með einhver einkenni flogaveiki,
en af mörgum eldist þetta sem betur
fer. Hins vegar væri heildartala þeirra
sem árlega greindust með einhverja
flogaveiki nær 120.
Hún sagði að ýmislegt væri vissu-
lega á döfinni en öll fjáröflun
væri þeim afar tímafrek og erfið um
leið. Alltaf væri verið að afla tekna
með kökusölu m.a. í Kringlunni svo
og í Kolaportinu og þar lægi að sjálf-
sögðu mikið sjálfboðaliðsstarf að
baki.
Guðlaug María sagði frá móti í
Finnlandi í sumar, en þangað færu 8
héðan á aldrinum 18-26 ára. Hún
greindi okkur frá starfinu, m.a. klúbb-
starfi, ráðgjöf ýmiss konar m.a.
félagsráðgjöf vikulega, fyrirgreiðslu
við félaga, en enn meira þyrfti í raun
að gera í ljósi þess að 20% flogaveikra
eru í raun afar illa sett í samfélaginu
og fá hvergi þá þjónustu sem þyrfti.
Hún kvað fólk mikið leita til samtak-
anna sem sannaði þörfina fyrir slíka
félagsaðstöðu sem allra bezta. Eftir
að hafa þegið kaffi og góðgerðir var
þakkað fyrir fróðleik góðan, en stanz
þótti of stuttur og heitið betur að gera
síðar.
Aðeins þess svo getið í framhald-
inu að um mánaðamótin apríl - maí
mun enn fjölga á þriðju hæðinni á
Laugavegi 26 þar sem þá flytja inn í
sameiginlega aðstöðu Parkinson-
samtökin, Félag heilablóðfalls-
skaðaðra og Félag sykursjúkra.
Innlitið verður örugglega þangað
og þá annars staðar frá því greint.
Við flytjum gestgjöfum okkar að
Laugavegi 26 hina beztu þökk fyrir
móttökurnar og árnum öllum þeim
félagasamtökum sem þar eiga athvarf
farsæls framtíðarstarfs.
H.S.
Hlerað
í hornum
Frambjóðandi til þings kom á
sveitabæ og falaðist eftir stuðningi við
sig.
“Áður en ég ákveð nokkuð vil ég
spyrja þig hvort þú neytir áfengra
drykkja”, sagði bóndi. Þá sagði
frambjóðandinn: “Áður en ég svara,
spyr ég á móti hvort þú sért að bjóða
mér eða bara spyrja mig”.
Margrét Guðmundsdóttir:
í RÖKKRINU
Þegar sólin sest
milt rökkrið leggst yfir
bankar þú ofurlaust á dyrnar hjá mér
og kemur inn.
Þú hikar lítillega í fyrstu
en horfir svo í augun mín,
þá veistu allt
veist hvað ég vil.
Eftir það hikar þú ekki.
TIL BJARNA ÞORS 8 ARA
Stundum ertu svo stríðinn.
Stundum ertu svo hundleiðinlegur.
Stundum ertu dapur.
Stundum ertu kátur.
í öllum þessum litbrigðum lífsins
elska ég þig óendanlega.
Hlátur þinn er svo dillandi
og smitandi.
Það er dauður maður
sem ekki hlær með þér.
Sorg þín er djúp.
Spurningar þínar eru heimspekilegar,
þér finnst skemmtilegra að spjalla við fullorðna
en að leika þér í “pleimó”.
Stundum er eins og þú sért aftanúr grárri forneskju,
stundum ertu langt á undan okkur hinum.
Hendur þínar eru alltaf heitar.
Örlæti þitt er mikið.
í öllum þessum tilbrigðum lífsins
elska ég þig óendanlega.
M.G.
34