Fjölrit RALA - 10.05.1992, Síða 60

TILRAUNASTOÐVAR
Haustið 1990 voru fluttar fjörutíu lambgimbrar og fimm lamb-
hrútar frá Reykhólum að Hesti og er það síðasti hópurinn sem
fluttur verður að Hesti. Alls hafa 120 lambgimbrar og 15
lambhrútar verið flutt að Hesti. Árið 1990 voru afkvæmapróf-
aðir 12 lambhrútar og 1991 voru þeir átta. I dætrahópum voru,
sömu ár, 110 ær á 1 .-3. vetri undan 10 feðrum og 118 undan níu
feðrum. Stærstu verkefnin sem unnið var að þessi ár eru: Notkun
hljóðmynda við ákvörðun vefjahlutfalla og til kynbóta á kjöti og
tilraun með mismunandi magn af próteini í fóðri tvflembna eftir
burð (sjá bls. 10). Auk þess var haustið 1991 farið af stað með
rannsókn á áhrifum gæðamunar rúllubundins heys á þrif og
afurðir ánna.
1990 1991
Ær 523 537
Ásetningsgimbrar 172 157
Fullorðnir hrútar 20 17
Lambhrútar 23 11
Alls 738 722
I. tafla. Fjárfjöldi á Hesti í árslok 1990 og 1991.
Eins og undanfarin ár hefur góð samvinna verið við Tilraunastöð Háskóla íslands í meinafræði að Keldum. Allur fénaður
búsins, sem misferst og næst í, er þangað sendur til rannsóknar.
Sigvaldi Jónsson
MÖÐR UVELLIR
Þóroddur Sveinsson Bjarni E. Guðleifsson
jarðræktarfræðingur, jarðræktarfræðingur
tilraunastjóri
Árið 1989 voru samþykktar skipulagsbreytingar á Rala sem fólu m.a. í sér
fjölgun starfsmanna á Möðruvöllum í þeim tilgangi að efla og bæta þann
rannsóknakjarna sem þar hafði myndast. Flest þau markmið sem þar voru
sett fram hafa náðst þótt enn vanti nokkuð upp á. Á undanförnum árum hefur
Ræktunarfélag Norðurlands (RN) verið með búreksturinn á Möðruvöllum
á leigu samkvæmt sérstökum samstarfssamningi við Rala. Þann 1. septem-
ber 1991 sagði RN upp samningnum og tekur uppsögnin gildi sumarið 1992.
Þegar þetta er ritað er verið að skoða nýtt rekstrarform.
I upphafi ársins 1991 tók Þóroddur Sveinsson við starfi tilraunastjóra af
Jóhannesi Sigvaldasyni. Bjarni E. Guðleifsson, sem áður vann að kalrann-
sóknum í hálfu starfi, kom síðari hluta sumars 1991 aftur til starfa eftir árs
rannsóknardvöl í Norður-Noregi og er hann nú í fullu starfi við stöðina.
María Guðmundsdóttir Líndal var haustið 1991 ráðin til að sinna fóður-
tilraunum en um sumarið gegndi Guðrún J. Stefánsdóttir því starfi. Þá hefur
Stefán Magnússon bústjóri verið í hálfu starfi við rannsóknir.
Fjárstuðningur frá Landssambandi kúabænda árið 1991 gerði kleift að
ljúka að mestu innréttingasmíði og tækjakaupum í tilraunafjósið og er nú
hægt að gera þar tilraunir með smákálfa, ungneyti og mjólkurkýr við
allgóðar aðstæður. í fjósinu eru 47 kúabásar og 36 básar sem notaðir eru
í einstaklingsfóðrunartilraunir á ungneytum. Þá hefur fjárhúsum verið
breytt í geldneytafjós og er það notað þegar rýma þarf pláss í tilraunafjósi
vegna fóðurtilrauna. Sumarið 1991 var tilraunafjósið málað að utan í fyrsta sinn og þá var unnið við lagfæringar á hlöðu við
svonefnt Eggertsfjós en hana á að nota sem verkstæði og vélageymslu. Enn er þó talsvert verk óunnið þar og er á meðan notast
við gamlan bragga til viðgerða.
María G. Líndal
búfjárfræðingur
Stefán Magnússon
bústjóri
Allgóð aðstaða er að skapast fyrir jarðræktartilraunir í Eggertsfjósi en þar er bæði kalstofa og fræstofa auk þess sem verið er að
innrétta herbergi fyrir vigtun, meðhöndlun og geymslu á tilraunasýnum. Uppbygging í Eggertsfjósi hefur verið kostuð af
Vísindasjóði og verkefnapeningum. í desember 1991 var í samvinnu við Veðurstofu Islands komið upp hálfsjálfvirkri
veðurathugunarstöð. Veðurmælar eru tengdir tölvu og upplýsingarnar eru sóttar gegnum síma. Stöðin gefur nánast ótakmark-
aða möguleika á skráningu ýmissa veðurfarsgagna.
58