Bændablaðið - 24.09.2020, Blaðsíða 28

Bændablaðið | Fimmtudagur 24. september 202028
LÍF&STARF
Katrín Grétarsdóttir byrjaði að
vinna með íslenska ull árið 2003 og
eftir það var ekki aftur snúið. Nú
rekur hún verslunina Flókakonan
og hefur vinnustofu í sama húsnæði
að Brekkuhúsum í Grafarvogi
í Reykjavík þar sem dagarn­
ir fljúga við
þæfingu ullar
og margvís­
legan sauma­
skap. Það er
óhætt að segja
að maður komi
inn í litríkan
ævintýraheim
ullarinnar við
að heimsækja
Katrínu, sem
býr til skraut­
muni og nytja­
hluti úr íslensku
ullinni.
„Ég hef alltaf
verið mikil handavinnukona og
var lengi vel heimavinnandi með
börnin mín sem eru núna á þrítugs-
aldri. Á ákveðnum tímapunkti ákvað
ég að fara í hóp handverksfólks í
Mosfellsbæ þar sem ég lærði að nota
leir. Þar hitti ég konu frænda míns
sem er leikskólakennari og hún benti
mér á að ég þyrfti endilega að prófa
að vinna með ull. Þannig að ég byrj-
aði við eldhúsborðið heima að gera
tilraunir með íslensku ullina og þá
var ekki aftur snúið. Íslenska ullin
er alveg einstök, það er hægt að gera
svo margt við hana því hún er svo
viðráðanleg og hægt að móta eftir
hentisemi þegar hún er blaut,“ segir
Katrín, sem er lærð hárgreiðslukona.
Hátt í 900 flókar á viku
Katrín fær innblástur úr goða-
fræðinni en einnig einkenna flók-
arnir hennar eða fígúrurnar sem hún
býr til úr þæfðri ull hið þjóðlega ís-
lenska og þjóðtrúnni.
„Þetta vatt fljótlega upp á sig
og ég fór að hugsa hvað ég gæti
gert fyrir ferðamenn en jafnframt
Íslendinga. Þetta er létt vara og
kostar ekki mikið svo það er hent-
ugt fyrir ferðamenn að grípa með sér
slíkan minjagrip. Formið á flókunum
mínum er alltaf eins og síðan get ég
leikið mér að því að klæða þá í nýja
búninga og liti. Þegar mest var seldi
ég á bilinu 100 til 900 flóka á viku
og var með konur hér í vinnu enda
nóg að gera, en síðan fór auðvitað
allt á annan veg eftir að kórónu-
krísan skall á,“ útskýrir Katrín og
segir jafnframt:
„Þannig að túristabransinn er
auðvitað hruninn og síðan verður
maður að sjá hversu lengi það varir.
En að sama skapi hefur það gefið
mér aukinn tíma til að koma öllum
mínum hugmyndum í verk því það
er aldrei hörgull á þeim. Ég er til
dæmis barnaskóasjúklingur og hef
núna loksins tíma til að sinna því
ásamt því að ég er byrjuð að leira
aftur. Eftir að COVID skall á hef ég
líka verið að þróa kúlur sem skraut
í glugga og mottur undir hnakka og
í barnavagna ásamt undirlagi fyrir
göngugarpa sem þeir geta notað úti í
náttúrunni. Þó að ég sé orðin ein eftir
á vinnustofunni vegna ástandsins þá
líða dagarnir hratt og það er alltaf
nóg að gera.“
Katrín Grétarsdóttir hannyrðakona hefur unnið með íslenska ull
í 17 ár þar sem hún hannar og framleiðir alls kyns skrautmuni
og nytjahluti undir merkinu Flókakonan. Myndir / Úr einkasafni
Vörur Katrínar eru í senn litríkar og þjóðlegar og ættu flestir að geta fundið
eitthvað við sitt hæfi úr vörulínum hennar.
Eftir að kórónukrísan skall á hefur Katrínu gefist meiri tími til að þróa nýjar vörur og hér er eitt dæmi um það, mottur úr þæfðri ull undir hnakka fyrir hestamenn.
Erla Hjördís
Gunnarsdóttir
ehg@bondi.is
Flókakonan í Grafarvogi nýtir íslensku ullina í alls kyns skrautmuni og nytjahluti:
Þjóðlegar kynjaverur úr þæfðri ull
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf Bænda
8. október