Bændablaðið - 24.09.2020, Blaðsíða 14

Bændablaðið | Fimmtudagur 24. september 202014
HLUNNINDI&VEIÐI
FRÉTTIR
Demantshringurinn formlega opnaður. Þórdís Kolbrún Reykfjörð Gylfadóttir ferðamála-, iðnaðar- og nýsköpunarráð-
herra, Katrín Jakobsdóttir forsætisráðherra og Sigurður Ingi Jóhannsson samgöngu- og sveitarstjórnarráðherra
klippa á borðann. Myndir / Markaðsskrifstofa Norðurlands
Deiliskipulag á Þeistareykjum:
Framtíðaruppbygging á svæðinu
fyrir ferðamenn
Sveitarstjórn Þingeyjarsveitar
hefur lagt til að unnið verði deili­
skipulag á Þeistareykjum með
áherslu á stefnumörkun og fram­
tíðaruppbyggingu svæðisins fyrir
ferðamenn.
Allar líkur eru á að umferð um
svæðið muni aukast verulega á næstu
árum með bættum samgöngum
og nýjum vegi frá Húsavík til
Mývatnssveitar. Deiliskipulagið
mun ná yfir land Þeistareykja, sem
er í eigu Þingeyjarsveitar. Innan
þess er afmarkað deiliskipulag
Þeistareykjavirkjunar sem mun halda
gildi sínu. Skipulagssvæðið er alls
um 280 km². Deiliskipulagssvæði
Þeistareykjavirkjunar er um 85,1
km². Norðurmörk Þeistareykjalands
liggja að jörðum í Kelduhverfi.
Skipulagslýsing var kynnt
frá 15. júní til 9. júlí 2020 fyrir
umsagnaraðilum, hagsmunaaðil-
um og almenningi þar sem þeim
var gefinn kostur á að leggja fram
sjónarmið og ábendingar sem
að gagni gætu komið við gerð
deiliskipulagsins. Athugasemdir/
umsagnir bárust frá Minjastofnun,
Landgræðslunni, Norðurþingi,
Vegagerðinni, Skipulagsstofnun og
Náttúrufræðistofnun Íslands. /MÞÞ Demantshringurinn formlega opnaður:
Stór áfangi fyrir ferðaþjónustu
á Norðurlandi
Demantshringurinn var opnað­
ur við hátíðlega athöfn sunnu­
daginn 6. september, þegar þrír
ráðherrar klipptu á borða sem var
strengdur yfir nýjan Dettifossveg,
mitt á milli Dettifoss og Ásbyrgis.
Þessi ferðamannaleið er 250
kíló metra löng og tengir saman
Húsavík, Goðafoss, Mývatnssveit,
Dettifoss og Ásbyrgi auk fjölda
annarra einstakra áfangastaða.
Ferðaþjónustufyrirtæki á þessum
hring eru fjölmörg og bjóða upp á
margvíslega möguleika í gistingu,
afþreyingu, mat og drykk.
Nafnið Demantshringurinn
hefur verið notað um árabil um
þessa leið og ferðir verið seldar
undir því nafni en Markaðsstofa
Norðurlands hefur undanfarin
misseri unnið að undirbúningi
að markvissri markaðssetningu
á ferðamannaleiðinni í samstarfi
við Húsavíkurstofu og fyrr í vetur
var nýtt merki fyrir hana kynnt.
Sú vinna var unnin í samhengi
við framkvæmdir við Dettifossveg
en stefnt er að því að ljúka þar
framkvæmdum á næstunni. Því
verður hægt að keyra alla leiðin á
bundnu slitlagi en í áraraðir hafa
forsvarsmenn ferðaþjónustu á
Norðurlandi og fleiri kallað eftir
því að vegurinn á milli Dettifoss og
Ásbyrgis yrði byggður upp. Gamli
vegurinn var seinfær og lokaður
stóran hluta ársins. Þetta kemur fram
í tilkynningu frá Markaðsskrifstofu
Norðurlands.
Opnar norðausturhornið
enn betur
Katrín Jakobsdóttir forsætis ráðherra,
Sigurður Ingi Jóhanns son samgöngu-
og sveitarstjórnarráðherra og Þórdís
Kolbrún Reykfjörð Gylfadóttir
ferðamála-, iðnaðar- og nýsköp-
unarráðherra klipptu á borð ann að
loknum ræðum.
„Demantshringurinn gerir okkur
kleift að heimsækja fjölmargar
náttúruperlur á einum degi og
mun opna norðausturhornið enn
betur fyrir innlendum og erlendum
gestum,“ segir Katrín og gat þess að
stórkostlegt hefði verið að heimsækja
Dettifoss. Samgöngubótin yrði til
þess að mun fleiri myndu heimsækja
hann og aðra fallega staði í
landshlutanum.
„Opnun Demantshringsins er
stór áfangi fyrir ferðaþjónustu
á Norðurlandi. Á óvissutímum
í ferðaþjónustu er mikilvægt að
huga að uppbyggingu til framtíðar.
Ferðamannaleiðir á borð við þessa
eru mjög góð nálgun til að vekja
athygli á einstakri náttúru svæðisins.
Allir sem hafa unnið lengi að þessu
verkefni eiga hrós skilið. Ég gleðst
fyrir hönd þeirra ferðamanna sem
munu í fyllingu tímans upplifa
náttúruperlur og menningu svæðisins
fyrir tilstilli þessa verkefnis en hefðu
mögulega annars farið á mis við
þær,“ segir Þórdís Kolbrún.
Styttir vegalengdir á milli byggða
„Með nýjum Dettifossvegi er
langþráðum áfanga náð fyrir
samfélagið á Norðausturlandi. Nýr
heilsársvegur bætir samgöngur
á svæðinu til mikilla muna og
styttir vegalengdir á milli byggða.
Vegurinn skapar mikil tækifæri og
Demantshringurinn, stórbrotin 250
kílómetra leið um náttúru Íslands,
verður fyrir vikið enn meira
aðdráttarafl fyrir Íslendinga og gesti
okkar í framtíðinni. Við samgleðj-
umst íbúum svæðisins með glæsilega
samgöngubót,“ segir Sigurður Ingi.
/MÞÞ
Kampakát með hluta úr borðanum góða. Katrín Jakobsdóttir, Örlygur
Hnefill Örlygsson og dóttir hans, Ylva Breiðfjörð, en Örlygur stundar
ferðaþjónustu á Húsavík.
Goðafoss er innan Demantshringsins, hér staldra þau við þann fagra
foss, Sigrún Brynja Einarsdóttir, skrifstofustjóri á skrifstofu ferðamála og
nýsköpunar í atvinnu- og nýsköpunarráðuneytinu, Þórdís Kolbrún, Viggó
Jónsson og Dagbjört Jónsdóttir, sveitarstjóri í Þingeyjarsveit.
Fjölmargir staðir eru innan Demantshringsins, meðal annars Mývatnssveit,
þar sem hin vinsælu Jarðböð eru.
Kópasker. Mynd / HKr.
Sveitarstjórn Norðurþings:
Frumherji leggur niður
skoðunarstöð á Kópaskeri
„Það er afar slæmt að ekki sé hægt
að tryggja lágmarksþjónustu sem
þessa við bifreiðaeigendur sem búa
lengra frá stærri þéttbýliskjörnum
á lands byggðinni. Skorar sveitar­
stjórn Norðurþings á Frumherja,
í samtali við ríkisvaldið, að snúa
þessari ákvörðun við og finna leið
til þess að þjónusta íbúa sveitar­
félagsins austan Húsa víkur með
viðunandi hætti.“
Þetta kom fram í bókun sveitar-
stjórnar Norðurþings fyrir skömmu
vegna þeirrar ákvörðunar Frumherja
að leggja niður þjónustu á Kópaskeri.
Frumherji hefur sagt upp samstarfs-
samningi við verkstæðið Röndina á
Kópaskeri en þar hefur bifreiðaskoðun
verið sinnt. Engin þjónusta á vegum
Frumherja er því á stóru svæði á
norðausturhorni landsins. Á heima-
síðu Frumherja segir að lokað sé um
ófyrirsjáanlegan tíma.
Hverfisráð Raufarhafnar tók
málið upp á dögunum og lýsti yfir
vonbrigðum með þessa ákvörðun
og voru stjórnendur hvattir til að
endurskoða ákvörðun sína.
260 kílómetra akstur
til að skoða bílana
Íbúar á Kópaskeri, Raufarhöfn og í
dreifbýli Norðurþings þar um kring
þurfa nú að aka um 260 kílómetra til
að skoða ökutæki sín á Húsavík og
þykir hverfisráði það óboðlegt. Bent
er á að menn þurfi jafnvel að taka sér
frí úr vinnu í einn dag til að láta skoða
bíla sína. Þetta fyrirkomulag getur
einnig haft slæm áhrif á verktaka með
vörubíla.
Hverfisráð Raufarhafnar óskaði
eftir því að sveitarstjórn Norðurþings
taki málið upp og aðstoði íbúa við að
þoka málum til betri vegar sem og að
koma mótmælum á framfæri. Einnig
að leita til annarra aðila sem mögulega
gætu sinnt þessari þjónustu við íbúa
sveitarfélagsins. /MÞÞ
Óviðunandi gsm-samband í Laxárdal
Íbúar í Laxárdal hafa óskað lið­
sinnis sveitarstjórnar Þingeyjar­
sveitar vegna lélegs gsm­sambands
í dalnum. Sambandið á svæðinu er
stopult og vilja íbúar að sveitar­
stjórn beiti sér af krafti í von um
að gerðar verði nauðsynlegar
úrbætur.
Sveitarstjórn Þingeyjarsveitar
tekur heilshugar undir áhyggjur íbúa
Laxárdals og telur mikilvægt, ekki
síst í ljósi öryggismála, að gsm-sam-
band verði bætt á svæðinu sem og
víða annars staðar í sveitarfélaginu
hið fyrsta.
Sveitarstjóri Þingeyjarsveitar hefur
áður sent erindi til fjarskiptafyrirtækja,
almanna varnanefndar og stjórnvalda
um mikilvægi þess að bæta gsm-
samband í Laxárdal en án árangurs.
Fram kemur í bókun frá fundi
sveitarstjórnar nýlega að sveitarstjórn
muni beita sér enn frekar við að bæta
þetta óviðunandi ástand sem nú er og
felur sveitarstjóra að vinna áfram að
málinu. /MÞÞ
Sveitarstjórn Grímsnes­ og Grafn­
ings hrepps hefur samþykkt að
taka Félagsheimilið á Borg úr
útleigu á almennum markaði.
Ástæðan er m.a. sú að síðustu
ár hefur Kerhólsskóli leigt félags-
heimilið sem mötuneyti bæði fyrir
leik- og grunnskóla. Samhliða því
hefur félagsheimilið verið leigt út á
kvöldin og um helgar og svo á sumrin
hefur félagsheimilið einna helst verið
leigt út um helgar.
Í bókun sveitarstjórnar kemur fram
að þetta hafi stundum verið útleigur
í bara einn dag í viku, stundum
ekkert í margar vikur og örsjaldan
meira en tvo daga í röð. Síðustu ár
hefur útleigan heldur minnkað og á
þessu ári hefur orðið hrun í útleigu á
félagsheimilinu og telur sveitarstjórn
sérstakar aðstæður í samfélaginu
eiga þar stóran þátt. Engu að
síður hafa þær aðstæður orðið til
þess að fyrirkomulag á útleigu á
Félagsheimilinu Borg var tekið til
skoðunar og ljóst er að nauðsynlegt
er að draga úr rekstrarkostnaði
hússins. Niðurstaða sveitarstjórnar
er því að húsið verði tekið úr útleigu
á almennum markaði. /MHH
Félagsheimilið Borg tekið úr útleigu