Bændablaðið - 24.09.2020, Blaðsíða 40

Bændablaðið | Fimmtudagur 24. september 202040
Talsverðar brotalamir á eldvörnum í útihúsum bænda
Talsverðar brotalamir eru á
eldvörnum í úti- og gripahúsum
bænda hér á landi samkvæmt
könnun sem Gallup gerði fyrir
Eldvarna bandalagið síðastliðið vor.
Ljóst er að ástand viðvörunarbún-
aðar, brunahólfunar og slökkvibún-
aðar er slæmt hjá mörgum. Þannig
segja 62 prósent bænda að ástand
viðvörunarbúnaðar sé frekar slæmt
eða mjög slæmt og þar af segja 42,6
prósent að ástandið sé mjög slæmt.
Þá kemur í ljós að aðeins 27,3 pró-
sent hafa gert rýmingaráætlun
fyrir gripahús.
Eins og Bændablaðið greindi
frá í síðasta tölublaði leiddi könnun
Gallup í ljós að eldvarnir á heimilum
í dreifbýli eru betri en gengur og
gerist á íslenskum heimilum miðað
við sambærilegar kannanir sem
Gallup hefur gert meðal almennings.
Önnur staða blasir við þegar kemur
að gripa- og útihúsum.
Engin rýmingaráætlun
eða viðvörun
Að meðaltali segjast aðeins 27,3 pró-
sent bænda hafa gert rýmingar áætlun
fyrir gripahús, eða rétt rúmlega fjórði
hver. Áberandi er hve ársvelta virðist
ráða miklu um hvort gerð er rýming-
aráætlun. Þar sem ársvelta er fimm
milljónir eða minni hafa aðeins 19
prósent gert rýmingaráætlun fyrir
gripahús. Þegar ársvelta er komin
í 51 milljón eða meira segist nærri
helmingur hafa gert slíka áætlun,
eða 46 prósent.
Þátttakendur í könnuninni voru
síðan beðnir um að lýsa ástandi
nokkurra mikilvægra þátta í eldvörn-
um úti- og gripahúsa. Þegar spurt var
um viðvörunarkerfi sögðu 62,1 pró-
sent ástand viðvörunarkerfa frekar
eða mjög slæmt. Aðeins 3,3 prósent
kváðu það mjög gott og önnur 8,7
prósent frekar gott.
Hér virðist ársvelta í rekstri
einnig hafa mikil áhrif því þeir sem
hafa mesta ársveltu voru líklegri
til að segja ástand viðvörunarkerfa
mjög gott eða frekar gott.
Slökkvibúnaði og
brunahólfun áfátt
Ástandið er skárra þegar litið er til
slökkvibúnaðar en þó segja 47,6 pró-
sent það frekar eða mjög slæmt. Á
hinn bóginn segja 22,9 prósent það
frekar gott eða mjög gott. Þeir sem
hafa mesta veltu skora hér einnig
hærra en aðrir. Í þeim hópi segja
47 prósent ástand slökkvibúnaðar
gott eða ríflega helmingi fleiri en
að meðaltali. Aðeins 27 prósent
þeirra segja ástandið slæmt. Vegna
fjarlægðar að næstu slökkvistöð og
lengri útkallstíma slökkviliða vegna
eldsvoða í dreifbýli er afar mikil-
vægt að hafa góðan slökkvibúnað
í útihúsum.
Sé litið til ástands brunahólf-
unar segir um fimmtungur að það
sé frekar eða mjög gott en nærri
helmingur, 47,7 prósent, segir það
frekar eða mjög slæmt. Áberandi er
að ástand brunahólfunar virðist vera
mun verra á Vesturlandi/Vestfjörðum
og á Austurlandi en í öðrum lands-
hlutum. Brunahólfun getur ráðið
miklu í baráttu slökkviliða við
útbreiðslu elds og því mikilvægt að
hún sé í lagi.
Rafmagnið í lagi
Loks var spurt um ástand rafmagns
í útihúsum, en rafmagn er ein
algengasta orsök eldsvoða hér á
landi. Þá bregður svo við að 27,6
prósent telja ástand rafmagns mjög
gott og önnur 50,4 prósent segja það
frekar gott, eða samtals 78 prósent.
Aðeins 5,2 prósent segja ástand
rafmagns í útihúsum frekar slæmt
og aðeins örfáir svara að það sé mjög
slæmt.
Eldvarnabandalagið
Eldvarnabandalagið er sam­
starfs vettvangur um auknar
eldvarnir. Aðild að því eiga:
Eignarhaldsfélagið Bruna-
bótafélag Íslands, Félag
slökkviliðsstjóra, Húsnæð-
is- og mannvirkjastofnun,
Landssamband slökkviliðs-
og sjúkraflutningamanna,
Sjóvá-Almennar tryggingar
hf., Slysavarnafélagið Lands-
björg, Slökkvilið höfuðborgar-
svæðisins, TM hf., VÍS hf. og
Vörður tryggingar hf. www.
eldvarnabandalagid.is
Mjög gott; 4,3%
Frekar gott;
16,5%
Hvorki né;
31,5%
Frekar slæmt;
21,5%
Mjög slæmt;
26,2%
Ástand brunahólfa í útihúsum
Heimild: Gallup Graf / Bændablaðið HKr.
Mjög gott;
27,6%
Frekar gott;
50,4%
Hvorki né;
15,9%
Frekar slæmt;
5,2%Mjög slæmt; 0,9%
Ástand rafmagns í útihúsum
Heimild: Gallup Graf / Bændablaðið HKr.
Mjög gott; 3,4%
Frekar gott;
19,4%
Hvorki né;
29,5%
Frekar slæmt;
24,7%
Mjög slæmt;
22,9%
Ástand slökkvibúnaðar í útihúsum
Heimild: Gallup Graf / Bændablaðið HKr.
Mjög gott; 3,3%
Frekar gott;
8,7%
Hvorki né;
25,8%Frekar slæmt;
19,5%
Mjög slæmt;
42,6%
Ástand viðvörunarkerfa
í útihúsum
Heimild: Gallup Graf / Bændablaðið HKr.
Um könnun Gallup
Gallup gerði könnunina í apríl
síðastliðnum. Úrtakið var
1.522 manns af meðlimaskrá
Bændasamtakanna. Þátt töku-
hlutfall var mjög gott eða 45,7
prósent og bárust 696 svör. Svörin
voru greind eftir eftirfarandi
breytum:
• Staðsetning eftir landshlutum
• Ársvelta
• Fjöldi á heimili
• Tegund búskapar
Auk spurninga um eldvarnir á
heimili var spurt um ástand eldvarna
í útihúsum, aðgang að slökkvivatni,
fjarlægð að næstu slökkvistöð og
fleira. Áfram verður fjallað um
niðurstöður könnunar Gallup í
næsta tölublaði Bændablaðsins.
Sundlaugin í Selárgljúfrum í Selárdal 70 ára:
Framkvæmdin er dæmi um dug, metnað og samstöðu Einherja
Liðin voru 70 ár frá vígslu sund-
laugarinnar í Selárgljúfrum í
Selárdal í ágúst mánuði síðast-
liðnum. Einherji í Vopnafirði
hafði sundlaugarbygginguna
með höndum og tóku allar deildir
íþróttafélagsins þátt í verkefn-
inu.
Fyrstu hugmyndir um byggingu
sundlaugar á Vopnafirði komu
upp árið 1936 samkvæmt elstu
fundargerðum en ýmislegt var í
veginum fyrir því að hafist væri
handa. Að lokum var byrjað á
framkvæmdum vorið 1947 og var
unnið að byggingu laugarinnar
og sundlaugarskála næstu sumur.
Laugin var svo vígð með pomp og
prakt í ágúst árið 1950.
„Þessi framkvæmd er dæmi um
dug, metnað og samstöðu Einherja
en sundlaugin var eign félagsins þar
til sveitarfélagið tók að sér rekstur
hennar“, segir á vef Einherja þar sem
greint var frá sögu Sundlaugarinnar
í Selárgljúfrum. Á þessum tíma
var sundlaugin eina heita laug
Austurlands og strax talinn einn
fallegasti baðstaður landsins.
„Laugin er Vopnfirðingum kær og
geta þeir verið stoltir af forfeðrum
sínum er lögðu mikið á sig til að geta
tryggt ungum sem öldnum öruggan
baðstað.“ /MÞÞ
Sundlaugin í Selárgljúfrum í Selárdal er Vopnfirðingum kær. Í sumar voru liðin 70 ár frá vígslu laugarinnar sem á
sínum tíma var eina heita laug Austurlands.