Bændablaðið - 24.09.2020, Blaðsíða 34

Bændablaðið | Fimmtudagur 24. september 202034
Á síðasta ári birtist grein í
Bændablaðinu um eitt sérkenni­
legasta safn sem hægt er að
fara á í Malmö í Svíþjóð þar
sem yfir 80 tegundum af versta
eða ógeðslegasta mat sem til er
í heiminum er gert hátt undir
höfði. Þar er til dæmis hægt að
sjá þykka drykki (smoothie)
sem innihalda froska frá Perú,
maðkaost frá Sardiníu og hinn
illa lyktandi ávöxt Durian frá
Taílandi. Nú hafa forsvarsmenn
safnsins bætt við sýningu um
ógeðslegasta alkóhól í heiminum
þar sem meðal annars bjórinn
Hvalur frá Steðja brugghúsi
kemur við sögu.
Á sýningunni er undar legustu
og áhugaverðustu áfengis drykkjum
stillt fram sem óhætt er að segja
að krefjist áskorunar að drekka.
Uppruni drykkjanna er ólíkur, eða
allt frá heimabruggi, sem á sér yfir
þúsund ára sögu, til tilraunaverk-
efna, sem svæðisbundin brugghús
hafa gert tilraunir með. Á sýn-
ingunni má meðal annars sjá eitrað
brennivín frá tímum Sovétríkjanna
sem getur valdið ýmsum heilsutrufl-
unum, jafnvel dauða, bjór sem er
55% að styrkleika og framleiddur
í flösku sem er settur inn í upp-
stoppaðan íkorna, suður-kóreskt vín
með saur í ásamt íslenska Hvala-
bjórnum sem framleiddur er með
súrum hvalseistum.
Suður-kóreska saurvínið hefur
9% styrkleika og kallast Ttongsul.
Saur úr börnum á aldrinum 4–7 ára er
safnað saman og blandað í vatn sem
síðan er gerjað yfir nóttu. Út í þessa
blöndu er síðan bætt við soðnum
hrísgrjónum og geri og látið gerjast
í að minnsta kosti sjö daga í leirpotti.
Ef það gerjast ekki nóg er hættulegt
að drekka það en þegar það er
fullkomlega þroskað trúa menn því
að það lækni verki, skrámur, bólgur
og jafnvel flogaveiki. Drykkurinn er
gulbrúnn á litinn og lítur út eins og
sambland af fráveituslími og ælu.
Bragðið er örlítið súrt og svipar til
hrísgrjónavíns. Af Ttongsul er mild
lykt af saur.
Frá Bretlandi og Danmörku er
á sýningunni nýr gindrykkur sem
hefur sítrusbragð sem kemur úr
maurasýru. Ginið er búið til með
því að 62 rauðviðarmaurar eru
settir í etanól sem síðar er eimað
til að búa til mauragrunn. Út í þetta
er síðan bætt brenninetlum, Wood
Avens-rót og fræjum til að framleiða
gin. Með því að nota maura í ginið
vilja framleiðendur þess opna augu
fólks fyrir þeim möguleika að nota
skordýr til að bæta bragð og almennt
í matargerð. /ehg
Austurvegi 69 // 800 Selfoss // 480 0400 // jotunn.is // jotunn@jotunn.is
LANDBÚNAÐARDEILD AFLVÉLA
Ný seNdiNg væNtaNleg
NC haugsugur, haugtaNkar, kastdreifarar, skrúfur og dælur
hægt að bæta við pöntun!
UTAN ÚR HEIMI
Disgusting Food Museum í Malmö í Svíþjóð:
Ógeðslegasta áfengi heims
samankomið á einum stað
Hér má sjá yfirlit yfir þær áfengistegundir sem eru á sýningu Disgusting Food Museum í Malmö í Svíþjóð en þar
má finna samansafn af ógeðslegustu vín- og bjórtegundum heimsins.
Sannarlega óvenjuleg flaska
utan um áfengi en innihaldið er
bjór sem er 55% að styrkleika og
tappað á flöskur sem er settur inn í
uppstoppaðan íkorna.
Poppkornslíkjör frá Spáni sem er
17% að styrkleika er kynntur með
mjúku og smjörkenndu bragði, alveg
eins og þegar þú hallar þér aftur í
bíósal með poppkorn í hendi.
Bannað er að halaklippa grísi innan ESB:
Einungis Finnland og Svíþjóð
fylgja eftir banni
Lönd Evrópusambandsins
fylgja lítt eftir banni við hala­
klippingum á grísum og eru það
einungis Finnland og Svíþjóð
sem fylgja banninu eftir.
Upplýsingar um þetta urðu
opinberar eftir að þingmaður
Evrópu sambandsins, Fredrick
Federly, óskaði eftir því að fram-
kvæmdastjórnin gerði opinbert
hvernig aðildarlönd sambandsins
innleiða reglugerðir um velferð
grísa.
Í ljós kom að einungis Svíþjóð
og Finnland fylgdu reglu-
gerðunum eftir. Federly var í áfalli
þegar hann fékk svarið og óskar
nú eftir að sambandið taki harðar
á málum.
„Bannið hefur verið í gildi í
Evrópusambandinu í yfir 17 ár en
samt sem áður stunda menn þetta
enn án afleiðinga. Það er ekki nóg
að senda áminningu í tölvupósti eins
og framkvæmdastjórnin gerir,“ sagði
Federly.
Árið 2018 var fullyrt að á Spáni,
í Danmörku og Þýskalandi hafi 95%
grísa verið halaklipptar í löndunum.
Framkvæmdastjórnin ver sig með
því að aukin krafa um dýravelferð
verði gerð í stefnumótuninni Farm
to Fork, sem verður tilbúin í lok árs
2023. /ehg - Bondelaget
Halaklippingar á grísum hafa verið harðlega gagnrýndar m.a. vegna þess að
þær séu sársaukafullar fyrir dýrin. Bændur hafa hins vegar bent á að ef það
er ekki gert þá sé hætta á að dýrin nagi halann hvert á öðru sem valdi bæði
sársauka og alvarlegum sýkingum sem kalli á stóraukna notkun sýklalyfja.
Kína:
Dregur úr loftmengun
Nýjar rannsóknir benda til að
dregið hafi úr loftmengun í Kína
á síðustu árum og að dauðsföll
af hennar völdum hafi dregist
saman. Mest loftmengun í dag
mælist í borgum á Indlandi.
Áætluð dauðsföll af völdum
loftmengunar í Kína eru sögð færri
en þau voru árið 1990 en þau náðu
hámarki árið 2013. Samkvæmt
Alþjóðaheilbrigðismálastofnun
inni má rekja færri dauðsföll til
markvissra aðgerða stjórnvalda til
að draga úr mengun frá umferð
og iðnaði í 74 borgum víðs vegar
um landið.
Þrátt fyrir góðan árangur er
talið að rúmlega 1,2 milljónir
Kínverja deyi á ári vegna slæmra
loftgæða. /VH
Bandaríkin:
Afföll í hamp- og
kannabisrækt
Eldar, skordýr, sveppasýking og
kuldi er meðal þess sem hamp­ og
kannabisræktendur í Bandaríkjum
Norður­Ameríku hafa mátt glíma
við á þessu ári. Áföll í ræktuninni
hafa orðið þess valdandi að víða
hefur uppskeran eyðilagst áður en
hún komst í hús.
Í Kaliforníu og Oregon-ríki hafa
stórir akrar af kannabis orðið eldi að
bráð og valdið miklu fjárhagstjóni
fyrir bændur í ríkjunum. Einn
talsmaður bænda sem rækta kannabis
og iðnaðarhamp sagði í viðtali að
hampur væri eins og hver önnur
ræktunarplantna og að ræktun hans
fylgdu sömu vandamál
Ekki er nóg með að eldurinn
brenni akrana heldur skemmir aska
einnig afurðirnar og reykurinn af
eldunum hefur áhrif á bragðgæði
kannabisins.
Bændur í Oregon og Montana-
ríkjum hafa einnig átt í baráttu við
plágu af engisprettum sem herjar á
akra þeirra og er talið að hamp- og
kannabisuppskera í ríkjunum tveimur
muni dragast saman um 25% af
völdum plágunnar.
Í Colorado snúast vandræði
bændanna um snemmkomin haustfrost
og jafnvel snjókomu. Ekki er þar
með öll sagan sögð því í Louisiana-
ríki lagðist sveppasýking á blöð og
rætur plantnanna og drap allt milli
20 til 50% þeirra og í Arkansas ollu
rigningar og flóð talsverðum skaða á
hamp- og kannabisökrum. /VH