Bændablaðið - 24.09.2020, Blaðsíða 56

Bændablaðið | Fimmtudagur 24. september 202056
MATARKRÓKURINN
LÍF&LYST – BÆRINN OKKAR
Ábúendurnir á Dunki keyptu
af ótengdum aðila á síðasta ári.
Tóku við búi fyrsta vetrardag, 26.
október 2019. Þeir bjuggu áður í
Grundarfirði.
Býli: Dunkur.
Staðsett í sveit: Hörðudalur í
Dalabyggð.
Ábúendur: Kári Gunnarsson og
Berghildur Pálmadóttir.
Fjölskyldustærð (og gæludýra):
Við, börnin okkar þrjú, Martin, 17
ára, Ísey, 8 ára og Snær, 8 mánaða.
Svo eru það hundarnir tveir,
Pollý og Skotti, og kettirnir Reynir
og Láki.
Stærð jarðar? Rúmlega 1700 ha.
Gerð bús? Fjárbú.
Fjöldi búfjár og tegundir? Um
600 ær og fjórir hestar.
Hvernig gengur hefðbundinn
vinnudagur fyrir sig á bænum?
Það er svakalega árstíðabundið.
Haustin fara í fjárrag og smala­
mennnskur en dagarnir eru einnig
notaðir í að klára að gera fjárhúsin
tilbúin fyrir veturinn ásamt því að
við erum að græja rými fyrir um
200 fjár í hlöðunni og erum að taka
hesthúsin í gegn.
Skemmtilegustu/leiðinlegustu
bústörfin? Sauðburðurinn
og smalamennskurnar eru
skemmtilegar. Leiðinlegast
er hins vegar að keyra skít úr
skítakjallaranum.
Hvernig sjáið þið búskapinn
fyrir ykkur á jörðinni eftir fimm
ár? Fleiri ær, fleiri hestar, kannski
nokkrar hænur og geitur.
Hvar teljið þið að helstu tæki-
færin séu í framleiðslu íslenskra
búvara? Aukin áhersla á hreinar
afurðir. Það eru svo eflaust ýmis
tækifæri sem mætti skoða frekar.
Hvað er alltaf til í ísskápnum?
Mysingur, ostur og mjólk.
Hver er vinsælasti maturinn á
heimilinu? Föstudagspitsan er alltaf
vinsæl og svo tortillapönnukökur
með hakki og grænmeti.
Eftirminnilegasta atvikið við
bústörfin? Allt þetta fyrsta ár
hefur verið lærdómsríkt og margt
er minnisstætt, til dæmis úr sauð­
burðinum.
Svo var það í sumar þegar Kári
keyrði utan í hlöðuhurðina, braut
afturrúðu á bíl með fjórhjóli og keyrði
yfir símann sinn, allt í sömu vikunni.
Ferskt íslenskt grænmeti og salat
Nú stendur uppskerutími sem
hæst og grænmeti flæðir í búðir.
Þeir sem eru með matjurtagarð
keppast við að elda og borða upp-
skeru haustsins sem er bragð góð
skemmtun.

Rauðrófusalat með geitaosti
Hráefni
› 1 stk. íslensk rauðrófa skorin þunnt
› 1 msk. balsamic edik
› 2 msk. ólífuolía
› 1 msk. ferskt kóríander
› salt og pipar
› Geitaostur eða annar góður ostur
eftir smekk
Fyrir fjóra
Litríkt rauðrófa er ferskt og góð með
öllum grillmat, má einnig nota hvaða
annað grænmeti sem mann langar ef
eitthvað í uppskriftinni er ekki til.
Aðferð
Má ekki vera einfaldara, allt græn­
metið er skorið þunnt eða skorið í
litla bita og smakkað til með olíunni,
balsamic og kryddunum.
Toppað með geitaost eða bragðgóðum
íslenskum osti eins og Tindi.
Avókadó og tómatar
Þetta er eins og suður­amerískt tómat­
moxarella og er hægt setja fersk
krydd eins og kóriander í stað basil
sem er notað á Ítalíu.
Hráefni
› 300 g þroskaðir tómatar
› 1 ferskt avókadó eða lárpera
› 1/2 tsk. hvítlauksmauk
› 1 msk. kóríander ferskt
› 1/2 safi úr 1/2 lime
› 3 msk. ólífuolía
› salt og pipar
Fyrir fjóra
Þetta ferska og einfalda salat eða
forréttur er alveg hægt að leika sér
með og ef maður á ekki eitthvað
eitt hráefni þá er bara að nota
hugmyndaflugið.
Það er frábært með hvaða mat sem er
eða sem morgunverður með steiktu
eggi.
Aðferð
Allt hráefnið skorið í svipaða stærð
og blandað vel saman.
Hrátt og ferskt salat með
framandi litríku grænmeti
Hráefni
› 1 stk. blómkálshaus skorinn í sneiðar
langsum (hægt að fá sum staðar í
nýjum litum)
› 1 stk. rauð paprika skorin gróft niður
› 1 stk. eggaldin skorið gróft niður
› 2 stk. rauðlaukur skorinn gríft niður
› 1 dl ólífuolía
› 1/2 dl balsamic
› 50 g ólífumauk
› 1/2 búnt basil ferskt
› salt
› 1 stk. grilluð sítróna
Þetta grænmeti stendur alltaf fyrir
sínu, bæði hér og við Miðjarðarhafið.
Aðferð
Byrjið á að grilla eða steikja á pönnu
allt grænmeti þar til létt eldað. Á
að vera hálfhrátt. Kryddið með ögn
af ólífuolíu, balsamic, basil og einni
teskeið af salti í um fimm mínútur.
Sigtið frá vökvann.
Eggjakaka með nýju grænmeti
Hráefni
› 100 g sætar eða venjulegar kartöflur
(skrældar, skornar í bita)
› 2 msk. blaðlaukur (saxaður)
› 2 msk. rauð paprika (skorin í fína
strimla)
› 1 stk. hvítlauksrif (fínt saxað)
› 1/2 tsk. cumminduft (ath. – ekki sama
og kúmen)
› 1 msk. kóríander, gróft saxaður
› salt og pipar
› 6 egg
Fyrir 4–6
Sætar kartöflur eru ekki aðeins hollar
heldur líka skemmtileg tilbreyting við
þessar venjulegu. Þær má líka krydda
skemmtilega eins og hér er gert.
Aðferð
Sjóðið kartöflurnar þar til þær eru
orðnar mjúkar (ca 15 mín., fer þó
eftir stærð) og skrælið. Þá er panna
hituð vel og kartöflurnar steiktar í
smá ólífuolíu þar til þær taka smá
lit. Þá er restin af grænmetinu og
cummin­duftinu bætt út í og kryddað
með salti og pipar. Bætið við gróft
söxuðum ferskum kóríander alveg
í lokin.
Setjið í pönnu og hellið eggi yfir,
bakið í ofni þar til eggið er stíft.
Bjarni Gunnar Kristinsson
matreiðslumeistari
Dunkur