Bændablaðið - 24.09.2020, Blaðsíða 63

Bændablaðið | Fimmtudagur 24. september 2020 63
Nýtt söguskilti um Holt, hús
Öldu Halldórsdóttur, hefur verið
afhjúpað í Hrísey. Markmiðið
er að varðveita merkilega sögu
hússins og eigandans.
Alda heitin, sem oft var nefnd
„amma Hríseyinga“, arfleiddi á
sínum tíma Hríseyjarhrepp að
Holti og öllu innbúi sínu. Það er
nú eign Akureyrarbæjar og hefur
Ferðamálafélag Hríseyjar haft
umsjón með því í samstarfi við
sveitarfélagið.
Alda fæddist árið 1913 og er
húsið fallegt og vel varðveitt safn
um það hvernig fólk bjó á þessum
tíma. Alda var mikil hannyrðakona
og eru mörg verk eftir hana í húsinu.
Markmiðið að gera söguna
aðgengilegri
Hollvinahópur um húsið átti
frumkvæði að skiltagerðinni og
óskaði í fyrra eftir samstarfi við
Akureyrarstofu sem var vel tekið,
auk þess sem hópurinn fékk myndar­
legan styrk frá Norðurorku vegna
verkefnisins. Hugmyndin var að gera
söguskilti með myndum og texta líkt
og Akureyrarbær hefur látið gera og
setja upp meðfram strandlengjunni
og í Innbænum á Akureyri um sögu
húsa og byggðar. Hópurinn vildi
þannig gera sögu Holts og Öldu
aðgengilegri og auka áhuga gesta
á því að heimsækja og fá leiðsögn
um húsið.
Stefnt er að því að gera sam­
bærilegt söguskilti um Hús Hákarla­
Jörundar og standa vonir til þess
að það verði afhjúpað á næsta
ári. Þetta kemur fram á vefsíðu
Akureyrarbæjar. /MÞÞ
Alþingi hefur samþykkt breytingu
á lögum um loftslagsmál sem ætlað
er að styrkja umgjörð skuld­
bindinga Íslands gagnvart Parísar­
samkomu laginu til 2030.
Guðmundur Ingi Guðbrandsson
umhverfis­ og auðlindaráðherra
segir á vef ráðuneytisins að sam­
þykkt frumvarpsins marki tíma­
mót í loftslagsmálum á Íslandi því
með þessu hefur Alþingi staðfest
alþjóðlegar skuldbindingar okkar
gagnvart Parísarsamkomulaginu
í gegnum samstarf við Noreg og
Evrópusambandið. „Þessi niðurstaða
Alþingis er því stórt skref í loftslags­
málum og henni fagna ég innilega.“
Ætlað að styrkja umgjörð
skuldbindinga Íslands
Alþingi hefur samþykkt breytingu
á lögum um loftslagsmál sem
ætlað er að styrkja umgjörð skuld­
bindinga Íslands gagnvart Parísar ­
samkomulaginu til 2030. Með
breytingunni er lögfest sam­
starf Íslands, Noregs og Evrópu­
sambandsins um 40% heildarsam­
drátt ríkjanna í losun gróðurhúsa­
lofttegunda fram til 2030, miðað við
losun ársins 1990.
Sameiginleg ábyrgð
Ísland og Noregur náðu í lok árs 2018
samkomulagi við Evrópusambandið
um þátttöku í sameiginlegu markmiði
30 ríkja innan Parísarsamningsins.
Samkvæmt samkomulaginu eru
teknar upp tvær lykilreglugerðir
ESB á sviði loftslagsmála, auk
reglna um bókhald og skýrslugjöf
og fleira.
Með samþykktri breytingu á lofts­
lagslögum er veitt heimild til að inn­
leiða þessar reglugerðir, en þær fjalla
annars vegar um landnotkun, breytta
landnotkun og skógrækt og hins vegar
um sameiginlega ábyrgð, sem nær til
losunar utan viðskiptakerfis ESB, svo
sem frá samgöngum, sjávarútvegi,
land búnaði og meðferð úrgangs.

Auknar vöktunarskyldur
flugrekenda
Þá eru í lögunum ákvæði um breyt­
ingar á viðskiptakerfi ESB með los­
unarheimildir (ETS) á fjórða tímabili
viðskiptakerfisins sem varir frá 2021–
2030 sem og ákvæði um auknar vökt­
unarskyldur flugrekenda vegna hnatt­
ræns kerfis Alþjóða flugmálastofnunar
sem ætlað er að taka á losun frá flug­
umferð frá 2021. /VH
Glerárgata 34b við Hvannavelli • S 461 1092 • asco.is
OKKAR ÆR OG KÝR
— STARTARAR OG ALTERNATORAR —
Meiraprófsbílstjóri óskast
Fyrirtæki í Mosfellsbæ óskar eftir
að ráða meiraprófsbílstjóra. Gott
að viðkomandi hafi líka reynslu af
dráttarvélum og traktorsgröfum,
en ekki nauðsyn.
Upplýsingar í síma 699-7233
Viðgerðir og sala á alternatorum og startörum
í flestar gerðir bíla, báta og vinnuvéla.
Hjólastillingar, úrval af ljósum á kerrur og
eftirvagna, kerrutenglar, kaplar, perur og tengi.
Sendum um allt land.
www.pgs.is
pgs@pgs.is
s 586 1260
Viðarhöfði 1, 110 Reykjavík
Alternatorinn eða
startarinn bilaður?
BÝ TIL HVAÐ SEM ER - GERI VIÐ ALLT
Laghentur smiður ferðast um landið og tekur að sér verkefni.
• Kjarnaborun, allar stærðir af borum.
• Steypusögun, múrbrot. Fræsun fyrir gólfhita.
• Viðhald og viðgerðir á öllu, s.s. raftækjum.
• Geri við sumarbústaði, smíða hvað sem er inn í hús.
Drífandi ehf.
S. 777-8371 - Netfang: gunnariceman@gmail.com
Vinsamlega hafið samband við Björgvin Guðjónsson, búfræðing
og löggiltan fasteignasala í síma 510-3500 og 615-1020
eða á netfangið bjorgvin@eignatorg.is
Skipholt 50b, 105 Reykjavík
Vegna aukinnar eftirspurnar óskum
við eftir bújörðum á söluskrá
VÉLBOÐA mykjudreifarar!
VÉLBOÐI
S: 565-1800
www.velbodi.is
Í fjórum útfærslum
og mörgum stærðum
Í lögunum er ákvæði um auknar vöktunarskyldur flugrekenda sem ætlað er að taka á losun frá flugumferð frá 2021.
Umhverfis- og auðlindaráðuneytið:
Skuldbindingar staðfestar gagnvart
Parísarsamkomulaginu
Söguskilti sett upp um Holt í Hrísey
Þorgeir Jónsson og Brynja Höskuldsdóttir afhjúpuðu skiltið fyrir hönd
Hollvinahópsins, sem hefur staðið veglega að umhirðu garðsins við húsið
og enduruppbyggingu á gróðurhúsi.