Morgunblaðið - 27.11.2020, Page 20

VIÐTAL
Höskuldur Daði Magnússon
hdm@mbl.is
„Ég vildi búa til íslenskt gin en ég ekki ein-
hverja túristavöru með víkingum og lundum.
Ég vildi frekar vera með gæðavöru og ein-
beitti mér því að því að tengja hana við sjóinn
og strandlengjuna. Svo nota ég söl til að
bragðbæta ginið,“ segir Birgir Már Sigurðs-
son, stofnandi Þoran Distillery ehf.
Birgir framleiðir hið alíslenska gin Marberg
sem hefur heillað marga síðustu mánuði og
misseri. Framleiðslan er gott dæmi um þá ný-
sköpun sem hefur blómstrað hér á síðustu ár-
um en ekki endilega farið hátt. Með trú á vör-
unni og einurð hefur Birgi tekist að skapa
henni nafn á veitingamarkaði og nú er hægt
að fá Marberg í fjölmörgum vínbúðum. Þá er
dreifing hafin á þessu íslenska hágæðagini úti
í heimi.
Marberg er af London Dry gin-gerð, sem
þýðir að fara þarf eftir ströngum stöðlum við
framleiðsluna. Ginið er framleitt í Hafnarfirði
og er gert þannig að hlutlaus spíri sem unninn
er úr lífrænu hveiti frá Champagne-héraði í
Frakklandi er endureimaður í voldugu 500
lítra framleiðslutæki. Hann er svo kryddaður
með átta kryddjurtum; einiberjum, sítrónu-
berki, svörtum pipar, íslenskri hvannarrót,
kóríanderfræjum, greipaldini, fjólurót og ís-
lenskum sölvum og blandaður íslensku vatni
úr Kaldárbotnum.
Erfitt lagaumhverfi á Íslandi
„Ég var með vissar hugmyndir um hvaða
krydd ég vildi nota í ginið. Ég vildi ekkert
exótískt, bara gott gin,“ segir Birgir um upp-
haf framleiðslunnar sem kallaði á mikla rann-
sóknarvinnu. „Ég gerði fyrst 100 útgáfur og
fékk fólk til að smakka þær. Svo fækkaði ég
þeim niður í 50 og fékk fagaðila til að smakka
þær. Við það var fækkað niður í þrjár útgáfur
og ég ákvað sjálfur þá endanlegu. Það krafðist
þess að ég þurfti mikið að taka vinnuna með
heim og smakka,“ segir Birgir. Þetta var árið
2018 sem „kryddprófíll“ Marbergs var tilbú-
inn. Í janúar 2019 var varan svo fullbúin að
hans sögn. Eftir það hefur hann unnið að því
að breiða út fagnaðarerindið ef svo má segja
og óhætt er að segja að vel hafi tekist til. Mar-
berg hefur náð fótfestu á okkar litla markaði
en Birgir horfir líka út fyrir landsteinana.
„Ég er kominn með dreifingu í Bretlandi, er
með stóran aðila þar. Marberg er líka komið í
sölu í Svíþjóð og svo er ég kominn með pöntun
frá Færeyjum.“
Hann segir reyndar aðspurður að mark-
aðurinn á Íslandi sé ekki beint eftirsóknar-
verður, í það minnsta ekki um þessar mundir.
Sala í fríhöfninni hafi hrunið og há áfengis-
gjöld séu ákveðinn þröskuldur. „En svo er
þetta lagaumhverfi. Ég er með Ginakadem-
íuna þar sem fólk kemur og fræðist um fram-
leiðsluna og fær að smakka. Ég má hins vegar
ekki selja gestum sem koma til mín flösku eft-
ir heimsóknina. Af hverju erum við að remb-
ast eins og rjúpa við staurinn með þetta
kerfi?“
Draumurinn að framleiða viskí
Birgir stofnaði Þoran Distillery árið 2013 og
í upphafi var hann ekkert að pæla í gini.
„Ástríðan liggur í viskíi,“ segir Birgir, sem er
menntaður grafískur hönnuður frá Lista-
háskólanum. Í einum áfanganum þar gerði
hann viðskiptaáætlun um framleiðslu íslensks
viskís og lokaverkefnið var svo íslenska viskíið
Skógar. Eða umbúðir og útlit þess, sjálft
viskíið var ekki á ábyrgð Birgis.
„Eftir þetta sótti ég í kjölfarið alls konar
námskeið og varð algjör svampur á upplýs-
ingar um viskí,“ segir Birgir. Hann fór í Start-
up Reykjavík með Þoran fyrir nokkrum árum
og er enn að dunda sér í viskígerð meðfram
ginframleiðslunni. „Það er enn þá 100%
draumurinn að gera íslenskt viskí. Ég hef til
dæmis verið að leika mér með íslenskt bygg
við framleiðslu þess og þroska á eikar-
tunnum.“
Hann kveðst raunar hafa mikinn áhuga á
því að skilgreina hvað sé íslenskt viskí og hvað
sé íslenskt gin, hvað slík vara þurfi að hafa til
að bera til að geta talist íslensk. „Alveg eins
og það hefur verið skilgreint með íslenskt
lambakjöt og íslensku lopapeysuna. Það ligg-
ur inni umsókn hjá Mast um hvað þurfi til að
viskí geti kallast íslenskt og ég hef áhuga á að
gera það sama með íslenskt gin.“
Framleiðir hágæða-gin í Hafnarfirði
 Birgir Már Sigurðsson notar íslensk söl við framleiðslu Marbergs sem er hágæða-gin  Marberg
er komið í sölu í Bretlandi og Svíþjóð  Vill skilgreiningu á því hvað einkennir íslenskt gin og viskí
Nýsköpun Birgir Már Sigurðsson við vegleg framleiðslutæki Þoran Distillery í Hafnarfirði.
20 FRÉTTIRInnlent
MORGUNBLAÐIÐ FÖSTUDAGUR 27. NÓVEMBER 2020
Bæjarlind 4, Sími: 510 7900, www.fastlind.is
Byggingaraðili: Hönnun:
LIND FASTEIGNASALA KYNNIR NÝJAR OG GLÆSILEGAR ÍBÚÐIR
VIÐ SKÓGARVEG 6-8 Í FOSSVOGSDALNUM Í REYKJAVÍK
GLÆSILEGAR
NÝJAR ÍBÚÐIR
Vandaðar innréttingar, myndavéladyrasími,
gólfhiti. Sér þvottahús í flestum íbúðum.
Öll hjónaherbergi með fataherbergi.
Íbúðirnar afhendast fullbúnar án gólfefna
en flísar verða á votrýmum.
Húsið er steinsteypt, einangrað að utan og
klætt með álklæðningu. Timbur-álgluggar.
Öllum íbúðum fylgir stæði í bílageymslu.
Stærð: 73,7-163,9 m2
Herbergi: 2-4
Verð frá: 47.900.000 kr.
Afhending er áætluð í
lok árs 2021 og vor 2022.
LÁRA ÞYRI
EGGERTSDÓTTIR
Löggiltur fasteignasali
B.A. í lögfræði
899 3335
lara@fastlind.is
Nánari upplýsingar veitir: