Morgunblaðið - 27.11.2020, Side 40

MORGUNBLAÐIÐ FÖSTUDAGUR 27. NÓVEMBER 2020
Gunnlaugur Snær Ólafsson
gso@mbl.is
Nýir eigendur meirihluta hlutafjár í
eignarhaldsfélaginu Fiskeldi Aust-
fjarða, Ice Fish Farm AS, stefna að
mikilli uppbyggingu á Austfjörðum
og benda á að það skorti öflugri inn-
viði til að skapa grundvöll fyrir fisk-
eldisgeirann til framtíðar. Nýju eig-
endurnir, norska fyrirtækið
Måsøval, voru
fyrir viðskiptin
með meirihluta í
Löxum fiskeldi
ehf. en hafa sjálf-
ir stundað fisk-
eldi í Noregi í um
hálfa öld.
„Mesti mun-
urinn á fiskeldi á
Íslandi og í Nor-
egi er að í Noregi
hefur verið byggður upp mikill þjón-
ustu- og flutningaiðnaður í kringum
greinina sem nauðsynleg forsenda
skilvirkrar og [efnahagslega] sjálf-
bærrar framleiðslu. Hvort sem það
tengist fiskiheilsu, þjónustubátum,
sílaframleiðslu, slátrun eða rann-
sóknastofum, sem og hagkvæmum
flutningaleiðum á markaðina. Það er
mikil vöntun á þessum markaði á Ís-
landi og það leiðir af sér meiri fjár-
magnsþörf á hvert framleitt kíló af
fiski. Síðan þarf ákveðið magn af laxi
til að það sé einfaldlega hægt að
byggja upp góðan og samkeppnis-
hæfan söluiðnað fyrir greinina,“ seg-
ir Lars Måsøval, stjórnarformaður
norska fyrirtækisins Måsøval Fiske-
oppdrett AS.
Måsøval kveðst hafa mikla trú á
að á Austfjörðum séu töluvert góðar
forsendur fyrir arðbærri fiskeldis-
grein. „Ég held að fiskeldi á Íslandi,
eins og í Noregi, mun verða mjög
mikilvæg atvinnugrein á lands-
byggðinni. Störf munu verða til á
svæðum þar sem þörf er á þeim og
síðan skapa grundvöll fyrir aðra
starfsemi og atvinnuþróun. Måsøval
hefur verið með viðveru á austur-
hluta Íslands frá því að við gengum
til liðs við Laxa fiskeldi árið 2016.
Með þeirri fjárfestingu höfum við
kynnst vel líffræðilegum aðstæðum
svæðisins og styrkst í þeirri trú að
fiskeldi geti orðið mjög mikilvæg at-
vinnugrein fyrir landshlutan og
landið allt.“
Útilokar ekki samruna
Fiskeldi Austfjarða og Laxar fisk-
eldi eru bæði fyrirferðarmikil í ís-
lensku fiskeldi. Samanlögð fram-
leiðsla fyrirtækjanna tveggja gæti
orðið, fái þau öll leyfi sem sótt hefur
verið um auk útgefinna leyfa, tæp-
lega 54 þúsund tonn sem er ríflega
helmingur þess hámarkslífmassa
sem Hafrannsóknastofnun hefur
ráðlagt fyrir landið allt. „Við gátum
einfaldlega ekki sleppt tækifærinu
að nýta reynslu okkar og vera leið-
andi í þróun greinarinnar á Austur-
landi,“ segir Lars Måsøval um fjár-
festinguna í Fiskeldi Austfjarða.
Spurður hvort líkur séu á sam-
runa fyrirtækjanna segir Måsøval
margt óráðið í þeim efnum þar sem
kaupin eru háð samþykki bæði
norskra og íslenskra samkeppnis-
yfirvalda og þarf að bíða eftir niður-
stöðum þeirra áður en nokkuð er
ákveðið um framhaldið.
„Almennt get ég sagt að þegar
rekstur er tengdur líffræði er mikil-
vægt að byggja upp trausta rekstr-
arferla til að vernda gegn sníkjudýr-
um og sjúkdómum, auk þess til að
gefa tækifæri til að hvíla svæði og
forðast nýtingu umfram líffræðilega
burðargetu,“ útskýrir hann og bend-
ir á að með því að samræma aðgerðir
svo sem nýtingu og hvíld svæða sé
hægt að þróa sjálfbæran fiskeld-
isiðnað.
Vilja fjölga störfum á Íslandi
Þá segir stjórnarformaðurinn,
sem einnig er annar tveggja aðal-
eigenda norska fyrirtækisins, að það
sé stefnt að áframhaldandi fjárfest-
ingum í rekstrinum á Íslandi.
„Á næsta ári er áætlað að koma
átta milljónum fiska í kvíar á Aust-
fjörðum og er það aukning um 50%
frá yfirstandandi ári. Árið 2022 eru
áætlanir um að sleppa yfir tíu millj-
ónum síla. Til að takast á við vöxtinn
er verið að byggja upp innviðina á
landi í báðum fyrirtækjunum. Til
viðbótar kallar þetta á verulegar
fjárfestingar í kvíum, bátum, netum,
hafnaraðstöðu og slátrun. Mikilvæg-
ast er þó að við þurfum miklu fleiri
starfsmenn, sem vilja þróa nýja og
flotta atvinnugrein með okkur.“
Hann segir fyrirtækið þekkja vel
til fiskeldisgreinarinnar og hvernig
byggja skal upp atvinnurekstur á
landsbyggðinni.
„Måsøval var stofnað á lítilli eyju í
Mið-Noregi sem heitir Frøya og hef-
ur um það bil fimm þúsund íbúa. Við
höfum tekið þátt í uppbyggingu
norsks fiskeldisiðnaðar frá byrjun
áttunda áratugarins og séð hversu
mikilvæg atvinnugrein okkar hefur
orðið fyrir heimabyggðina okkar.
Við höfum mikla trú á að við getum,
með krafti íbúa, þróað miðstöð fyrir
íslenska laxframleiðslu og við teljum
ekki hægt að stunda eldi á Íslandi
frá skrifstofum í Noregi. Hér ætlum
við okkur að þróa iðnaðarstörf sem
og sérhæfð störf á okkar sviði. Til að
ná árangri teljum við að þekkingin
þurfi að vera nálægt framleiðsl-
unni,“ segir Lars.
Vilja þróa miðstöð íslensks laxeldis
 Norskir fjárfestar telja að efla þurfi stoðkerfi laxeldis á Austfjörðum  Áætlanir krefjast tölu-
verðra fjárfestinga  Boða fjölgun iðnaðar- og sérhæfðra starfa  Hafa hálfrar aldar reynslu
Morgunblaðið/Þorgeir Baldursson
Laxeldi Nýir eigendur Fiskeldis Austfjarða stefna að samræmingu rekstrar fyrirtækisins og Laxa fiskeldis.
Í eigu bræðra
» Måsøval Fiskeoppdrett AS
er í eigu Måsøval Eiendom AS
sem er jafnt í eigu bræðranna
Anders og Lars Måsøval sem
fara með 99,8% hlutafjár. For-
eldrar þeirra, Karsten og Mar-
ion, eiga 0,2% hlut.
» Hafa fest kaup á 55,6% hlut
í eignarhaldsfélagi Fiskeldis
Austfjarða, Ice Fish Farm.
» Eiga fyrir 53,5% hlut í Löx-
um fiskeldi ehf.
Lars Måsøval
Afurðaverð á markaði
24. nóv. 2020, meðalverð, kr./kg
Þorskur, óslægður 400,38
Þorskur, slægður 443,54
Ýsa, óslægð 317,35
Ýsa, slægð 314,81
Ufsi, óslægður 168,33
Ufsi, slægður 182,43
Gullkarfi 260,00
Blálanga, óslægð 274,00
Blálanga, slægð 184,62
Langa, óslægð 201,76
Langa, slægð 199,70
Keila, óslægð 60,32
Keila, slægð 72,69
Steinbítur, óslægður 323,86
Steinbítur, slægður 477,83
Skötuselur, slægður 567,27
Grálúða, slægð 451,18
Skarkoli, slægður 515,13
Þykkvalúra, slægð 660,52
Langlúra, óslægð 158,18
Sandkoli, óslægður 124,00
Bleikja, flök 1.444,00
Gellur 1.159,67
Hlýri, slægður 370,05
Lúða, slægð 555,91
Lýr, óslægður 68,00
Lýsa, óslægð 28,62
Lýsa, slægð 25,00
Skata, slægð 81,41
Stórkjafta, slægð 36,39
Undirmálsýsa, óslægð 110,41
Undirmálsýsa, slægð 152,04
Undirmálsþorskur, óslægður 137,68
Undirmálsþorskur, slægður 120,47
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Vagnhöfði 7, 110 Reykjavík | Sími: 517 5000 | stalogstansar.is
2012
2020
HJÁ OKKUR FÁST
VARAHLUTIR
Í AMERÍSKA BÍLA