Heilbrigðisskýrslur - 01.12.1953, Blaðsíða 168

1953
— 166 —
herbergjum í íbúðarhúsum og 391, eða
2,4%, í ibúðarherbergjum innan um
heimilisfólk. Upplýsingar um loftrými
eru ófullkomnar, en það virðist vera
mjög mismunandi: í hinum almennu
skólahúsum er loftrými minnst 1,6 m3
og mest 7,2 m3 á barn, en jafnar sig
upp með 3,6 m3. í heimavistarskólum
2,7—17,4 m3, meðaltal 5,9 m3. í hin-
um sérstöku kennsluherbergjum í í-
búðarhúsum 2,4—10,2 m3, meðaltal 4,6
m3. í ibúðarherbergjum 2,4-—7,1 m3,
meðaltal 3,8 m3, sem heimilisfólkið
notar jafnframt. í hinum sérstöku
skólahúsum, þar sem loftrýmið er
minnst, er það oft drýgt með því að
kenna börnum til skiptis i stofunum.
Vatnssalerni eru til afnota í skólunum
fyrir 15490 þessara barna, eða 94,1%,
forar- og kaggasalerni fyrir 956 börn,
eða 5,8%, og ekkert salerni fyrir 24
börn, eða 0,1%. Leikfimishús hafa
11862 barnanna, eða 72,0%, og bað
12017 börn, eða 73,0%. Sérstakir
skólaleikvellir eru taldir fyrir 12037
börn, eða 73,1%. Læknar telja skóla
og skólastaði góða fyrir 12898 þessara
barna, eða 78,3%, viðunandi fyrir
3301, eða 20,0%, og óviðunandi fyrir
271, eða 1,7%.
Rvik. Ljósböð fengu 1630 (1320)
börn i skólunum. Lýsi fengu 2361 barn
í 3 skólum.
Akranes. Kvenfélagið hér i bænum
gaf barnaskólanum 2 lampa, háfjalla-
sólir. Var búið út herbergi í kjallara
skólans til þessara nota með steypi-
baði. En þegar farið var að starfrækja
ljósin, brá svo við, að allir aðstand-
endur barna vildu koma þeim þar að,
en þau eru um 370. Ákveðið var, að
öll 7 ára börnin skyldu fá ljósböð, en
önnur samkvæmt ráðleggingu heim-
ilislæknis og hjúkrunarkonu skólans.
Á þessu ári kom til athugunar og á-
kvörðunar vandamál i sambandi við
barnaskólann á Heynesi. Hreppurinn,
Innri-Akraneshreppur, á ekkert sam-
komuhús, en barnaskólinn hefur verið
notaður fyrir þinghús og til funda-
halda. í seinni tið hefur félagsskapur
unga fólksins eitthvað færzt i aukana,
og fékk ungmennafélagið leyfi skóla-
nefndar til að halda skemmtisamkom-
ur í skólanum, með samþykki kenn-
arans. En umgengni og viðskilnaður
þótti ekki í sem beztu lagi. Þegar mér
komu fregnir af þessu, mótmælti ég
þvi, að skólinn væri hafður til þess-
ara nota, meðan á kennslutíma stæði.
Átti ég síðan nánar tal um þetta við
skólanefnd, en oddviti hreppsins er í
henni, og við kennarann. Samkvæmt
fengnum upplýsingum mun svo vera
ástatt, að leyft hefur verið að nota
sama húsið fyrir skóla og samkomu-
hús af illri nauðsyn. Afskiptum min-
um af þessu máli lyktaði þannig að
þessu sinni, að kennarinn lofaði að
sjá um, að hreinsað væri eftir sam-
komur, svo að vel væri viðunandi.
Ekki hefur þó verið kyrrt um málið
i vetur, og mun námsstjóri hafa haft
af þvi afskipti. Skoðun mín á málinu
er sú, að ekki beri að leyfa afnot af
barnaskóla til samkomuhalds, meðan
skólatiminn stendur, en hitt er annað
mál, að það getur verið ill nauðsyn
að leyfa, að kennsla fari fram i sam-
komuhúsi, á meðan ekki er um annað
betra að gera, en þá á samkomuhúsið
ekki að ganga undir fölsku nafni eða
njóta þeirra opinberu hlunninda, sem
skólum eru ætluð. 1 sambandi við
skólaeftirlitið má geta þess, að bæjar-
stjórnin hér á Akranesi hefur samið
við Grim Björnsson tannlækni um
tanneftirlit og aðgerðir á börnum
barnaskólans. Er samið um 1 klst.
starf á dag, en það reynist of stuttur
tími og nægir varla til þess af afgreiða
elztu deildirnar.
Borgarnes. Á þessu ári er verið að
reisa heimavistarskóla fyrir börnin í
Mýrasýslu utan Borgarness, sem kem-
ur i not 1954. Er þetta því í siðasta
skipti, sem ég skoða skólabörn i þeim
hreppum Mýrasýslu, er Borgarnesliér-
aði tilheyra, þar sem börnin verða að
sjálfsögðu framvegis skoðuð i skólan-
um, sem er í Kleppjárnsreykjahér-
aði.
Ólafsvíkur. í Ólafsvík er vandaður
barnaskóli í byggingu, en taka mun
a. m. k. 2 ár enn að gera hann kennslu-
hæfan. Annars staðar við sama.
Búðardals. Sama ófremdarástandið
ríkir, að því er skólamálin áhrærir.
Farkennsla víðast hvar. í Miðdala-