Studia Islandica - 01.06.1970, Page 55

53
Konungsglíman var frumsýnd í Reykjavík á annan í jól-
um 1917 og fékk heldur daufar undirtektir, og var aðsókn
lítil.1 Reykvíkingar voru leikritinu ekki alls ókunnir, þvi að
sumarið 1915 las höfundur það upp í Bárubúð,2 en hann
var afbragðs upplesari.
I Danmörku setti Konunglega leikhúsið það ekki á svið
fyrr en haustið 1920, eftir að leikritið Vér morðingjar hafði
verið sýnt við geysimikla hrifningu í Dagmarleikhúsinu
nokkru áður sama ár.3 Varð sýning Konungsglímunnar sízt
til að auka á hróður höfundar síns,4 og má raunar undarlegt
heita, að Kamhan skuli ekki eftir svo mörg ár hafa séð galla
verksins og lagzt gegn því, að það yrði sýnt.
Með Konungsglímunni heíur Guðmundur Kamban vafa-
laust viljað færast meira í fang en áður í Höddu Pöddu, og
því urðu viðtökur hennar í Danmörku honum mikil von-
brigði. Árið 1913 hafði Konunglega leikhúsið tekið leikritið
nýsamið til sýningar, en þar lá það óhreyft í sjö ár.5 Árið
1915, um sama leyti og leikritið var gefið út, birtist í Ber-
lingske Tidende yfirlýsing frá Guðmundi Kamban, þar sem
hann segir, að sig taki sárt, að Konungsglíman skuli ekki fá
að njóta sín á sviði, þar eð hún sé fyrst og fremst leiksviðs-
verk. Sé hann orðinn þreyttur á þeirri tilgangslausu baráttu,
sem hann hafi orðið að heyja til að koma verkum sínrnn á
framfæri, og sé Konungsglíman að öllum líkindum síðasta
bókin, sem hann skrifi í Danmörku. Að lokum biður hann
blaðið að flytja Dönum þakkir fyrir þær hlýju móttökur,
sem Hadda Padda hafi fengið hjá þeim.6
1 Sbr. Leikfélagið 50 ára, 259. Sjá leikdóma í Isafold 5. 1. 1918, Lög-
réttu 29. 12. 1917 og Vísi 7. 2., 8. 2. og 10. 2. 1918.
2 Sbr. Vísi 25. 8. 1915.
3 Frumsýning Konungsglímunnar var 1. 9. 1920, sbr. t. a. m. frétt
í Berlingske Tidende 1. 9. 1920. Lárus Sigurbjörnsson segir (í Skírni
1945, 27), að leikritið hafi einnig verið sýnt í Osló, en um það hef ég
elcki aðrar heimildir.
4 Sjá t. a. m. Berlingske Tidende 2. 9. 1920.
5 Sjá Berlingske Tidende 26. 9. 1915; Teatret, Oktober 1920.
6 Berlingske Tidende 26. 9. 1915.