Studia Islandica - 01.06.1983, Blaðsíða 39
37
áhrifaríkt (Islendzk Ævent. I, 159, 238, 304; Bisk. I, 607—8;
Bárðar s., 40-42; Klare 1933-34, 53), einnig önnur merki
trúarinnar, kertaljós, að ekki sé talað um klukknahringingu
(sjá Klare 1933—34, 53-54). Orð Guðmundar biskups góða
hafa einnig áhrif (Bisk. I, 607; sbr. Klare 1933-34, 53),
í eitt skipti a.m.k. bjargast maður fyrir áheit á Guðmund
góða (Bisk. I, 464), í annað skipti fyxir ákall til Jóns helga
(Bisk. I, 206-7=256-7), og á einum stað fyrir áheit á
Ólaf Tryggvason (Bárðar s., 43). Vígt vatn og helgir
dómar eru notaðir bæði í þessum tilgangi og öðrum (sjá
14.4.). Notkun þessara síðastnefndu ráða og annarra kristi-
legra við að koma af Fróðárundrum er eina atriðið í undr-
unum, sem augljóslega er komið úr kaþólsku.
Áhrif kristninnar virðast þó leynast víðar, eins og leidd
verða rök að síðar í þessari ritgerð. Rófan í skreiðarhlað-
anum hlýtur t.d. að tilheyra drýsildjöfli (13.2.), og selur-
inn (11.3.) verður vart skýrður á annan hátt en sem ári,
eins og sagt er frá Fróðárundrum i Eyrbyggju.