Strandapósturinn - 01.06.1993, Blaðsíða 16
brot af því. Klettakirkjan verður þó líklega flestum minnisstæð. Sú
hugmynd fínnskra arkitekta að hola innan klettahöfða í miðri
borginni verður að teljast afar sérstæð. Við komum einnig að
minnismerki Sibeliusar, sem er óvenjuleg smíð. Síðast skoðuðum
við Dómkirkjuna.
Svo var ekið niður að höfn. Þar kvöddum við okkar ágæta
bílstjóra, Peter Söderholm, sænskættaðan Finna, sem kvaðst
reiðubúinn að koma til Islands ef kórinn vantaði bílstjóra!
Ekki var ferðin til baka yfir Eystrasalt lakari um borð í ferjunni
Cindarella en í hinni fyrri, enda skipin aðeins 3—4 ára og sam-
keppni hinna tveggja skipafélaga Vikingline og Siljaline afar
hörð. Um kvöldið var lokahóf hópsins í veislusal skipsins. Þar var
sungið, færðar gjafir og farið yfir ferðina á léttum nótum Nokkrar
vísur augnabliksins komu fram. Læt hér eina fylgja með:
Kórstjórinn klár er í fagi,
kvenmannsins stálharði agi
vinnur úr kækjum,
veini og skrœkjum
og gerir að gidlfögru lagi.
Þetta var að sjálfsögðu ort til kórstjórans, Erlu Þórólfsdóttur, en
hún og undirleikarinn, Laufey Kristinsdóttir, skiluðu hlutverkum
sínum af stakri prýði.
Snemma á sunnudagsmorgni var lagt að bryggju í Stokkhólmi,
eftir að hafa komist aftur klakklaust gegn um skerjagarðinn. Þar
beið rúta sem ók okkur til Arlanda flugvallar, þaðan var svo beint
flug heim. Skemmtilegri ferð var lokið. Fararstjórinn leysti sitt
verk mjög vel af hendi og kunnum við honum bestu þakkir fyrir.
Eitt tókst þó ekki, — að koma öllum hópnum í finnskt sauna!
Við vonum að við höfum verið góðir fulltrúar Hólmavíkur í
vinabæjaheimsókninni. Átthagafélagi Strandamanna og öðrum
sem lögðu okkur lið vegna ferðarinnar færum við bestu þakkir.
14