Strandapósturinn - 01.06.1993, Blaðsíða 72
gert þetta áfram því vegna hristings gat ég ekki lesið bæjanöfnin á
kortinu. Hinsvegar kom kortið að góðu gagni til að ég gæti áttað
mig á landslaginu og mér fannst ég ekki geta án þess verið.
Við komum að Blönduósi klukkan 10:30 um kvöldið, og þar var
gist í Kvennaskólanum. Kostaði gistingin ekki nema 5 krónur á
mann, og var ágætur kvöldmatur og morgunverður innifalinn.
Frá Blönduósi var lagt af stað klukkan 8 árdegis þann 23. júní.
Fórum við um miklar og blómlegar byggðir, og á Sjónarhóli var
bílstjórinn fenginn til að staðnæmast, þaðan sem sést yfir hinn
fagra Skagaijörð, víðáttumikið graslendi og Drangey í baksýn. Að
Víðivöllum var komið klukkan 12 á hádegi. Þar var snæddur
ágætur hádegisverður, sem ekki kostaði uema 2 krónur. Aftur var
ekið af stað klukkan 1 eftir hádegi og komið til Akureyrar klukkan
5:30. Þar gistum við á Hótel Goðafossi. Strax um kvöldið heim-
sóttum við kunningjafólk okkar Jón Þorvaldsson og Maríu Guð-
mundsdóttur, og næsta dag þann 21. júní litum við m.a. inn hjá
Sigurði Eggerz og ljölskyldu.
Frá Akureyri sigldum við svo með Goðafossi klukkan 12 á
miðnætti 21. júní áleiðis til Isafjarðar. Snemma morguns var kom-
ið til Siglufjarðar. Þar var þá verið að grafa fyrir undirstöðum að
nýrri síldarbræðslustöð ríkisins, og margt fleira var þar að sjá, því
nú var verið að undirbúa síldarvertíðina. A leiðinni frá Siglufírði
til Isafjarðar var aðal umræðuefni farþeganna í reyksalnum
stjórnmál og kosningar, enda var verið að telja atkvæði og fréttum
útvarpað.
I reyksalnum var líka enskur fuglafræðingur meðal farþeg-
anna. Hann hafði verið við Mývatn allt vorið og tekið þar ágætar
myndir af fuglalífinu og háttum fuglanna. Hafði hann raðað
fuglamyndum sínum á borðin, og þótt einkennilegt megi virðast
af Englendingi, þá vildi hann ólrnur eiga viðtal við alla um þetta
áhugamál sitt. Flestir hinna farþeganna voru hinsvegar áhuga-
samari um atkvæðatalninguna en fuglalífið við Mývatn.
Til ísaijarðar komum við svo klukkan 9 að kvöldi þess 24. júní
1934, og er þá þessi ferðaþáttur okkar hjóna á enda.
70