Strandapósturinn - 01.06.1993, Side 87

Strandasýslu, auk þeirra er þar dvelja vetrarlangt við nám eða
störf og hverfa heim að vori. Taldi ræðumaður að stofnun sem
þessi gæti gert mikið gagn, bæði félagslega og menningarlega,
ef vel væri á málurn haldið. Líkti hann félaginu við brú, er
tengdi saman Strandamenn í Reykjavík og sýslungana í átthög-
unum“.
Fyrsta stjórn Atthagafélags Strandamanna í Reykjavík var
þannig skipuð: Þorsteinn Matthíasson frá Kaldrananesi forrnað-
ur, Sigvaldi Kristjánsson frá Kjörseyri féhirðir, Torfi Guðbrands-
son frá Heydalsá ritari. Aðrir stjórnarmenn voru: Haraldur Guð-
mundsson frá Kollsá, Magnús Guðjónsson frá Hólmavík og
Ólafur Guðmundsson frá Eyri við Ingólfsfjörð.
Það vekur athygli að fyrstu stjórnarmennirnir eiga rætur að
rekja um alla sýsluna, allt frá Kjörseyri í Bæjarhreppi að Eyri við
Ingólfsfjörð. Þetta sýnir að frumherjarnir hafa lagt kapp á að
íbúar frá öllum hreppum sýslunnar sameinuðust í einu öflugu
félagi.
I lögum Atthagafélagsins sem samþykkt voru á stofnfundinum
segir svo í 2. grein um markmið félagsins:
„a) Að efla og viðhalda kynningu meðal Strandamanna sem
dvelja í Reykjavík og nágrenni og þeirra sem búsettir eru
heima í héraði.
b) Að styðja eftir megni hvert það mál sem að dómi félagsins
horfir til hagsbóta og menningar fyrir sýsluna og íbúa henn-
ar.
c) Að varðveita frá gleymsku, sögulegar minjar frá Ströndum,
og sérhvað það er viðkemur lifnaðarháttum þar í héraðinu,
sagnir um einstaka menn og atburði, lýsingu athafnalífs og
menningar, staðalýsingar og örnefni og annað það sem snert-
ir sögu héraðsins og íbúa þess.“
Þessi stefna sem mörkuð var í upphafi er enn í fullu gildi. Ég
held að Atthagafélagið hafí alla tíð verið trútt þessum mark-
miðum.
85