Strandapósturinn - 01.06.1993, Blaðsíða 38

Þorsteinn Ólafsson:
Vestflrðir
eftir Hjálmar R. Bárðarson
Ég vil vekja athygli Strandamanna og annarra lesenda Stranda-
póstsins á þessari stórmerku bók, sem kom út á öndverðum vetri.
Hjálmar R. Bárðarson fyrrv. siglingamálastjóri er löngu lands-
kunnur sem mikilvirkur og góður áhugaljósmyndari. Fjölmargar
ljósmyndir af landslagi og umhverfi eru í bókinni, teknar frá
ýmsum sjónarhornum, þar á meðal nokkrar nýlegar loftmyndir.
Einnig eru gamlar svarthvítar myndir, aðallega frá 1939. En í
júlímánuði það ár ferðaðist Hjálmar um Strandir og norðanverða
Vestfirði, mest fótgangandi.
Þessar gömlu myndir eru dýrmætar sögulegar heimildir og
fróðlegt að bera þær saman við nýlegar myndir frá sömu stöðum.
Ég nefni sem dæmi Djúpavík og Hólmavík.
Kápumyndin á forsíðu er af Drangaskörðum, þeirri tilkomu-
miklu náttúrusmíð. Frá Munaðarnesi er myndaröð af miðnætur-
sólargangi tekin á hálftíma fresti frá kl. hálf ellefu að kvöldi 16.
júní 1991 til kl. fjögur að morgni þann sautjánda. Myndir eru úr
öllum hreppum Strandasýslu og endað á Borðeyri.
Þó að ljósmyndir skipi að sjálfsögðu öndvegi í bókinni, þá er þar
líka margs konar annan fróðleik að finna. Sögð er saga staðanna í
stuttu máli, fjallað um þjóðtrú og mannlíf að fornu og nýju.
36