Strandapósturinn - 01.06.1993, Síða 29

formaður sambandsins sjötta árið í röð. Á þinginu voru afhent
verðlaun til þeirra, sem sköruðu fram úr á íþróttasviðinu sumarið
1992. Jón Bjarni Bragason frá Heydalsá var kjörinn frjálsíþrótta-
maður ársins annað árið í röð, og bróðir hans Ragnar K. Braga-
son, skíðamaður ársins. Anton Rafn Ásmundsson á Hólmavík var
kjörinn sundmaður ársins. Knattspyrnumaður ársins var Árni
Brynjólfsson á Hólmavík og knattspyrnukona ársins Guðríður
Helga Þorsteinsdóttir á Víðidalsá. Þá var Smári Þorbjörnsson á
Hólmavík kjörinn leikmaður pollamótsins í knattspyrnu. Á þing-
inu voru í þriðja sinn kunngjörð úrslit í kjöri íþróttamanns HSS og
hlaut Steindór Gunnarsson titilinn að þessu sinni, en hann komst
m.a. á verðlaunapall í öllum sundgreinum karla á sundmóti HSS,
auk þess sem hann var í fremstu röð í frjálsum íþróttum og
knattspyrnu.
Síðsumars tók Umf. Geislinn á Hólmavík í notkun nýtt íþrótta-
svæði á Skeljavíkurgrundum. Þar hefur verið byggður upp
íþróttavöllur í fullri stærð, auk þess sem áhugamenn um golf hafa
komið þar upp 6 holu golfvelli. Á árinu var einnig tekið í notkun
nýtt íþróttahús og félagsheimili á Hólmavík, og á milli jóla og
nýárs var þar í fyrsta sinn haldið héraðsmót í stökkgreinum
frjálsra íþrótta innanhúss.
Menningarmál
Um páskana frumsýndi Leikfélag Hólmavíkur hið kunna leik-
rit „Tobacco Road“ eftir Erskine Caldwell í leikstjórn Skúla
Gautasonar. Að loknurn sýningum á Hólmavík og nágrenni var
verkið sýnt á nokkrum stöðurn við góðar undirtektir. Þ.á.m. var
verkið sýnt á Vestfjörðum, Vesturlandi og á höfuðborgarsvæð-
inu, og um miðjan júní var farið í leikferðalag um Norðurland.
Lokasýningin á verkinu var síðan í Trékyllisvík um Jónsmessu-
leytið, og var það jafnframt 100. sýning leikfélagsins frá stofnun
þess 1981. Eftir sýningu Leikfélags Hólmavíkur á „Tobacco Road“
í Félagsheimili Ivópavogs um vorið birtist mjög lofsamlegur leik-
dórnur í Alþýðublaðinu, enda þótti uppfærslan almennt einkar
vel heppnuð.
í lok nóvember var söngleikurinn Líf og friður eftir Per Harl-
27