Strandapósturinn - 01.06.1993, Side 41

hákarlaskip víðsvegar að úr sýslunni, auk smærri fiskibáta, er
heimamenn áttu. Þessi mikla sókn í hákarlinn byggðist á því, að
lýsið, sem fékkst úr lifur þessarar skepnu, var verðmæt og eftirsótt
útflutningsvara, en sjálfur hákarlsskrokkurinn var hirtur sem
aukaafurð og verkaður til manneldis.
Meðan á vertíðum stóð var mannmargt á Gjögri og ekki annar
staður fjölmennari í sýslunni. Skipshafnirnar höfðust við í sjóbúð-
um, sem flestar voru kenndar við þá bæi, er höfðu þær til afnota,
t.d. Broddanesbúð og Fellsbúð fyrir skipverja úr Kollafirði,
Hellubúð, Kleifabúð og Húsavíkurbúð fyrir áhafnir úr Stein-
grímsfirði, o.s.frv. Þessar vistarverur voru torfbæir með h.u.b. 20
m2 svefnlofti þar sem 9 menn nutu næturhvíldar í 5 rúmum.
Aðeins formaðurinn naut þeirra þæginda að sofa einn í rúmi. En
reyndar voru svona þrengsli ekki fátíð fyrr á tímum, því að víða í
sveitum var algengtjafnvel fram undir miðja tuttugustu öldina að
tveir menn deildu með sér einu rúmi.
Geta má nærri, að oft hefur verið glatt á hjalla hjá Gjögrurum í
landlegum, þar sem svo margir ungir og harðfrískir menn voru
samankomnir. Þegar brugðið var á leik var glíman sú íþrótt, sem
mest var iðkuð. Bættu margir leikni sína í þeirri grein og voru
orðnir liðtækir glímumenn eftir eina vertíð. Sumir lásu bækur sér
til skemmtunar eða stunduðu sjálfsnám í tómstundum sínum.
Heyrst hefur, að einn sjómaðurinn1' hafi um skeið fengist við
enskukennslu í landlegum og er gaman að gera sér í hugarlund,
hvernig óhrjáleg verbúðin breytist allt í einu í skólastofu og
skeggjaðir og veðurbarðir sævíkingar í fróðleiksfúsa nemendur.
En sjómannalífið var sannarlega enginn leikur hjá þeim, sem
stunduðu hákarlaveiðar í gamla daga á opnum bátum. Róið var út
á Húnaflóa og legið sólarhringum saman við stjóra fyrir opnu
hafi. Það var kaldsöm vist að vetrarlagi, sem reyndi bæði á þrek og
úthald manna. Veðrabrigði urðu oft snögg og þar sem heimsigl-
ingin af miðunum gat tekið langan tíma kornust menn stundum í
11 það var Benedikt Guðbrandsson frá Smáhömrum, er lært hafði í Möðruvalla-
skóla. Hann fór síðar alfarinn til Ameríku.
39