Saga - 2017, Síða 167

ólöf garðarsdóttir
Á mörkum sagnfræði og félagsvísinda.
Frumkvöðlastarf Lofts Guttormssonar í félagssögu
Loftur Guttormsson, prófessor emeritus í sagnfræði við Menntavís -
inda svið Háskóla Íslands, lést í desember 2016 á 79. aldursári. Með
honum er fallinn frá einn helsti brautryðjandi á sviði félagssögu hér
á landi en Loftur var afkastamikill rannsakandi á ýmsum sviðum
hennar, ekki hvað síst á sviði fjölskyldu- og fólksfjöldasögu, sögu
uppeldis og menntunar og sögu kristni. Það er mér heiður að fá að
minnast góðs vinar og samstarfsmanns um margra ára skeið hér í
Sögu en Loftur bar hag tímaritsins alla tíð mjög fyrir brjósti. Í Sögu
hafa birst fjölmargar greinar eftir Loft, sú fyrsta árið 1978. Hann sat
í stjórn Sögufélags um árabil, fyrst sem gjaldkeri og síðar sem forseti
félagsins 2001−2005.
Loftur sótti menntun sína til Frakklands og áhrifa þess gætir
glöggt í höfundarverki hans. Hann var fyrst við nám í Aix en Pro -
vence en síðar við Sorbonne-háskóla í París. Frá Sorbonne lauk hann
licence-ès-lettres-gráðu í félagsfræði og sagnfræði árið 1964 en dokt-
orsprófi í sagnfræði lauk hann frá Háskóla Íslands árið 1990. Loftur
hóf störf við kennaraskóla Íslands, síðar kennaraháskóla Íslands,
árið 1967 þar sem hann kenndi félagsfræði og sögu. Þar var starfs-
vettvangur hans nær alla starfsævina nema árin 1998–2002, er hann
var prófessor í sagnfræði við Háskóla Íslands.
Þótt sagnfræðingar minnist Lofts öðru fremur sem mikilvirks
fræðimanns átti hann ekki síður farsælan feril sem kennari og um -
bótamaður í menntamálum. Hann tók þannig virkan þátt í stefnu-
mótun fyrir grunnskólastigið og átti einnig ríkan þátt í uppbygg -
ingu kennaranáms á háskólastigi. Við upphaf starfsferils Lofts við
kennaraskólann stóð skyldunámsstigið á krossgötum og hann átti
aðild að umbótaferli sem leitt var af Andra Ísakssyni og Wolfgang
Edelstein. Skólarannsóknadeild hafði það hlutverk að móta gagn-
Saga LV:1 (2017), bls. 165–173
Í TA R D Ó M A R
Saga vor 2017.qxp_Saga haust 2004 - NOTA 18.5.2017 11:01 Page 165