Saga - 2017, Qupperneq 168

gerar breytingar á kennsluháttum og námsefni fyrir grunnskóla.
Wolfgang var ráðinn skólarannsóknadeild til ráðgjafar og varð hann
áhrifamesti mótandi þessara breytinga. Loftur vann alla tíð náið
með Wolfgang og var í forsvari fyrir hóp sem vann að stefnumótun
á sviði sögu- og samfélagsgreinakennslu.
Sú stefnubreyting sem varð í söguritun á Íslandi, er kennd hefur
verið við söguendurskoðun og einkenndist af fráhvarfi frá þjóð -
ernis miðaðri persónu- og stjórnmálasögu, eignaðist mikilvægan
liðs mann í Lofti. Menntun hans í félagsfræði í Frakklandi hafði aug-
ljóslega umtalsverð áhrif á val hans á viðfangsefnum þar sem hann
lagði áherslu á samspil einstaklings og samfélags. Sjálfur sagði
Loftur eitt sinn í viðtali að hann hefði framan af fræðimanns ferl -
inum gefið sig meira að félagsfræði en sögu en hefði snemma á ferl-
inum orðið þess áskynja að mikil gerjun ætti sér stað í íslenskri
sagnfræði og því snúið sér að sagnfræðinni. Það eru ekki ýkjur að
segja að Loftur varð einn af forvígismönnum þeirrar gerjunar sem
hann vísar til í þessu viðtali. Greinar hans í Sögu um sambúð sagn -
fræði og félags fræði, sem birtust á árunum 1978 og 1979, eru skýr
vísbending um þann viðsnúning sem varð í íslenskri sagnaritun á
þessum tíma.
En söguendurskoðunin birtist ekki einvörðungu í rannsóknum
Lofts heldur ekki síður í umbótastarfi hans á skyldunámsstiginu og
þeim áhrifum sem hann hafði á kennaramenntun hér á landi þegar
kennaranám var fært á háskólastig 1971. Þar voru sagnfræði og
félagsfræði kennd undir sama hatti undir forystu Lofts og sam-
starfskonu hans til margra ára, Dóru S. Bjarnason, prófessors í
félags fræði. Loftur hafði þó ekki einvörðungu áhrif á áherslur í þess-
um tveimur greinum heldur gegndi hann lykilhlutverki í breyting-
um á námsskipulagi og inntaki kennaranámsins almennt. Þessar
breytingar spruttu upp úr átökum um kennaranám eftir að það hafði
verið fært á háskólastig en upphaf átakanna má rekja til óánægju
kennaranema með námið, sem þótti fullíhaldssamt á tímum hinna
róttæku samfélagsbreytinga sem oft eru kenndar við árið 1968.
Loftur fór þar fyrir hópi breytingasinna í kennaraliði skólans. Undir
merkjum svokallaðs þemanáms gegndi hann lykilhlutverki í róttæk-
um breytingum á námsskipulagi og inntaki kennaranámsins en
þemanámið var afrakstur samstarfs kennaranema og kennara. Það
er til marks um áhuga Lofts á umbótum í menntamálum að 2015
birtist ítarleg grein eftir hann um aðdraganda þemanámsins í tíma-
ritinu Uppeldi og menntun og árið 2013 kom út í ritstjórn hans bókin
ólöf garðarsdóttir166
Saga vor 2017.qxp_Saga haust 2004 - NOTA 18.5.2017 11:01 Page 166