Strandapósturinn - 01.06.2021, Page 62

61
Útdráttur úr dagbók, sem haldin var um borð í jaktinni SIGURÓSK
meðan skipið var að fiskveiðum undan norðvestur strönd Íslands
eftirfarandi ár:15
Árið 1833
1. maí: Áhöfnin kom til Ófeigsfjarðar þar sem skipið lá. Byrjaði strax
að taka til og búa skipið til fiskveiða. Þessi vinna hélt áfram næstu
daga, allt til þess 7. maí að hægt var að draga seglin upp og reyna
fyrir okkur á fiskimiðunum.
8. maí: Kl. 6 f. m. [fyrir miðdag ] vindurinn vestlægur og stóð út af
fjörðunum með kalda. Kl. 7 e. m. [eftir miðdag] mældist „Cap de Nord“
[Hornbjarg ?] í suðvestur í 3ja mílna fjarlægð. Reyndum að fiska og
fengum 25 þorska.
10. maí: Hægviðri. Lögðumst fyrir akkeri og reyndum við hákarl og
fengum 13 hákarla í dag.
25. maí: Stormur af vestri. Urðum að létta. Drógum upp segl og
sigldum inn til Ísafjarðar til að losa okkur við þann afla sem við
höfðum fengið. Lögðumst á Pollinum kl. 3 e. m. og byrjuðum strax að
flytja aflann í land. Vorum tilbúnir til brottfarar kl. 11.
26. maí: Vindurinn á vestan. Tókum dálítið af vistum [proviant] um
borð, léttum akkerum kl. 9 f. m. og sigldum úr höfninni. Stinnings-
kaldi af suðvestri.
18. júní: Vindur á vestan. Stinningskaldi. Héldum inn á Önundarfjörð
til að liggja af okkur storm sem fer vaxandi.
19. júní: Sama veður. Birgðum okkur upp af vatni og snjó. Léttum
akkeri um miðdag og sigldum út og reyndum að fiska og fengum 7
þorska.
22. júní: Veður batnandi. Vorum út af Súgandafirði á 36 faðma dýpi.
Fiskuðum 12 þorska.
1. júlí: Minnkandi vindur með kvöldinu. Lögðumst fyrir akkeri og
renndum fyrir hákarli, fengu 3.
3. júlí: Stormur á suðaustan. Urðum að létta akkeri og sigla í var.
6. júlí: Vindur af austri, stinningskaldi, sigldum til Ísafjarðar, komum
í höfn kl. 9 e. m. Gerðum seglklárt og settum bátinn út.
15 ÞÍ / Rentekammer 1928 / B23 / 0013