Strandapósturinn - 01.06.2021, Síða 168

167
Ferðasögur
Ég ætla nú að reyna að rifja upp nokkrar skólaferðir sem skólabörnin á
Borðeyri fóru meðan ég kenndi við skólann. Ég skráði ekki hjá mér ferða-
sögu hverrar ferðar og verð bara að reyna að treysta á minnið, sem ég veit
að farið er að svíkja mig.
Fyrsta ferðin var farin vorið 1962, frekar en árið 1961. Farið var með
rútu frá Norðurleið. Eftir að búið var að safna börnunum saman í rútuna
var lagt af stað suður yfir Holtavörðuheiðina og niður Norðurárdalinn.
Síðan var ekið um uppsveitir Borgarfjarðar, um Uxahryggi og á Þingvöll.
Síðan sem leið lá að Geysi í Haukadal, en þar áttum við vísan næturstað.
Við skoðuðum okkur um á meðan Anna matbjó handa okkur. Við skoð-
uðum Geysi, sem ekki vildi gjósa fyrir okkur, en það gerði aftur á móti
Strokkur. Það var ekki vandalaust að fara með stóran hóp barna út að
hverasvæðinu, en allt gekk þetta óhappalaust. Fleira var skoðað, sem of
langt yrði upp að telja. Síðan var farið að huga að svefnstaðnum okkar, sem
í ljós kom að var í íþróttahúsi gamla skólans á staðnum. Þar lögðumst við
síðan til svefns í svefnpokunum okkar og sváfum vel um nóttina. Reyndar
voru allir þreyttir eftir ferðalag dagsins. Næsta morgun, eftir að búið var
að ganga frá eins vel og við gátum, var farið aftur af stað í áttina heim
með stuttri viðkomu í Reykjavík. Síðan var ekið um Hvalfjörð og sem leið
liggur, með viðkomu á ýmsum stöðum af og til, því að sjálfsögðu þurftum
við öll að hreyfa okkur á milli. Sjálfsagt er að geta þess að Anna ráðskona
var með í þessari fyrstu skólaferð okkur öllum til halds og trausts.
Annað skólaferðalagið var farið sumarið 1965 úr Hrútafirði norður á
Akureyri. Ýmsir merkisstaðir á þeirri leið voru skoðaðir svo sem Víðimýrar-
kirkja og Bóla þar sem Bólu-Hjálmar bjó í allri sinni fátækt. Einnig Vatns-
skarðið og hið fagra útsýni þaðan yfir Skagafjörðinn og eyjarnar Drangey
og Málmey á firðinum eða öll fjöllin sem umlykja þann fagra fjörð. En
ekki má staldra of lengi við að sinni, því ætlunin var að fara norður á
Akureyri. Þaðan fórum við síðan alla leið lengst inn í Eyjafjörð. Við gistum
þar í skóla að Sólgörðum, sem er nærri gamalli torfkirkju, Saurbæjarkirkju.
Þá bjó þar gamall skólabróðir minn úr kennaraskólanum, Angantýr H.
Hjálmarsson skólastjóri með fjölskyldu sinni og vissi ég að þar myndi vera
gott að gista, sem varð líka raunin. Átti það líka við alla aðra sem liðsinntu