Strandapósturinn - 01.06.2012, Side 59

59
árum enda varðveittar í Kaupmannahöfn. Þegar við komumst að því að all-
mikið af forvitnilegu efni um Strandirnar, sem er að finna í dagbókunum,
hafði ekki ratað inn í Ferðabókina á sínum tíma var ákveðið að birta hér
í Strandapóstinum þann hluta þeirra sem fjallar um ferðir Þorvalds um
Strandasýslu og Hornstrandir sumarið 1886.
Dagbækurnar eru merkileg heimild um harða lífsbaráttu og fátækt á
þessum slóðum. Eins og þær bera með sér var veður afskaplega slæmt
þann tíma sem Þorvaldur var í ferðinni og má heita að það hafi verið
kalsarigning, slydda eða snjókoma flesta dagana. Framan af ferðinni er
athygli hans mest á jarðfræði svæðisins en eftir því sem norðar dró
versnaði veðrið og að lokum má heita að hann fjalli mest um fólkið sem
hann hitti og lífshætti þess. Þegar bækurnar eru bornar saman við aðrar
heimildir bæta þær víða við. Sem dæmi má nefna að fram kemur að Jón
Guðmundsson bjó mun lengur en heimildir geta í Bjarnarnesi og einnig
má allt að því færa til árs sagnir um framrás Reykjarfjarðarjökuls um
og fyrir miðja 19. öld. Merkileg er einnig örnefnalýsing sem Þorvaldur
hefur greinilega skráð eftir Stíg gamla á Horni og Jóni Guðmundssyni í
Bjarnarnesi og þar eru nokkur örnefni sem ekki eru kunn í dag. Þó verður
að telja að merkasti hluti bókanna fjalli um fólkið sjálft og harða lífsbaráttu
þess. Ljóst má vera að á þessum harðindakafla hefur búseta í raun hangið
á bláþræði og kemur oftar en einu sinni fram að Þorvaldur var efins um að
fólk myndi lifa af næsta vetur.
Þorvaldur Thoroddsen. Mynd tekin árið
1885 í Leipzig.