Strandapósturinn - 01.06.2012, Síða 112

112
2. september. Rokhvass um nóttina en þó þurr. Um morguninn
kl. 8 farið að rigna og fremur illt útlit. Hestarnir lagðir til stroks
og náðust á Ingólfsfjarðar brekkubrúnum. – Eyvindarfjarðará
fellur í gegnum tvö allstór vötn uppi á heið inni.331 – Kl. 10 kom
húðarrigning.
Kl. 12 fórum við á stað og Guðmundur bóndi332 með okkur.
Riðum við upp Húsárdal, hann er langur dalur og fell og klappir
á báðar hliðar. Var mjög hvasst og rigning. Innarlega í dalnum
riðum við upp á fjallið að austanverðu333 og kemur maður þá
brátt fyrir botninn á Ingólfsfirði og sér ofan í hann þar. Ná lega á
brúnunum að norðvestan við dalinn er töluvert vatn, Mjóavatn.
Alltaf hækkar fjallið og verða fleiri og fleiri snjóskaflar og
hvassviðrið óx svo illt var að komast áfram. Þegar kom upp undir
brúnina á allrahæsta fjallhryggnum334 áður maður kemur ofan í
Reykjarfjarðardalinn var orðið slíkt bálveður að varla var hægt að
sitja á hestinum. Við stöldruðum svolítið við þar hjá brúninni og
ætluðum með allri harðneskju ekki að geta komið hestunum
upp, skarann reif svo af snjónum framan í okkur að eigi var
mögulegt að horfa á móti, verra en í mestu haglhríð. Við börðum
hestana áfram af öllum lífs kröftum. Eg reið Blesa og hann datt
tvisvar af veðrinu en loks komumst við niður fyrir að sunnan nið-
ur skafl með nokkurri ófærð og í hlé. Var þá hið versta afstaðið.
Eg man ekki til að eg hafi verið úti í hvassara veðri eða eins hvössu
áður. Riðum við síðan niður dalhvilftina eða bæturnar upp af
honum og var þar allt mjög vetrarlegt en betra er neðar kom. Var
alltaf mjög hvasst og smáfossarnir í giljunum á brún unum stóðu
eins og hverareykir hátt upp í loftið. Upp af Reykjarfirði nokkuð
undirlendi grasgefið og á í bugðum. Ofarlega í miðjum bótunum
var að sjá trachytmyndun eða þess konar með smásúlum.
Komum að bænum Reykjarfirði og var oss þar vel tekið. Þaðan
sáum við að Laura, póstskipið, var að sigla inn. Riðum svo út í
kaupstað335 og komum þar um kl. 6. Þar hitti eg á skipinu marga
331 Stærra vatnið er neðar og heitir Eyvindarfjarðarvatn, hitt mun vera nafnlaust.
332 Guðmundur Pétursson, bóndi í Ófeigsfirði 1875–1934 (Jón Guðnason (1955),
bls. 544–545).
333 Þeir ríða annaðhvort svonefnda Biskupsgötu eða upp frá svonefndu Seli fram á
Húsárdal og síðan Ófeigsfjarðarfjall.
334 Glissutagl eða aðeins Tagl.
335 Kúvíkur.