Strandapósturinn - 01.06.2012, Blaðsíða 90

90
nokkuð mörgum árum timburfloti, 27 tré hvert greypt í annað, af
reka, tré auð sjáanlega höggvin úr skógi en eigi tiltegld, með
kvistum og öllu.211 – Eldra fólk sumt er ólesandi og óskrifandi, nú
flest yngra fólk betra í því, einkum af því aðkomumenn hafa sest
þar að. – Í Þaralátursnesi nærri lárétt lög. – Jón (?) gamli á
Óspakseyri212 kom fyrir sex árum í Trékyllisvík og sagðist þar hafa
séð þrjú náttúruundur: 1. grasið í Loðnugjótu í Árnesey því það
tekur manni undir hönd; 2. tré sem fyrir níu árum rak þar
(rauðaviður) 27 álna langur, einn og hálfur feðmingur að ummáli
rétt fyrir ofan rótina; 3. júfur á kvígu í Árnesi. – Kringum fjárhúsið
í Sigluvík er kafgresi eins og á besta túni, hvergi séð enn eins hátt
gras á Ströndum.
Inn með firðinum er riðið utan í skriðum tæpar götur213 uns
maður kemur inn að fjarðarbotni. Þar er fjaran214 alveg mjallahvít
af tré og fauskum. Á bæn um Reykjarfirði heyrði eg líka í fyrsta
sinn ei kvartað undan viðarbresti. Bóndi þar Benedikt
Hermannsson,215 besti smiður, smíðar alls konar kirnur og amboð
og svo skip. Út í fjörðinn rennur jökulá216 mórauð, hún getur
verið viðsjál að ríða hana vegna sandbleytu. Í dalnum flatar eyrar
yst með ánni og allur dalur inn er sléttur svo að segja upp að jökli
að undanteknum fáeinum holtum sem upp úr standa. Komum að
bænum Reykjarfirði, hann er norðanverðu í dalnum. Að
sunnanverðu við ána er Sæból, sem var byggt þangað til í fyrra,217
og Kirkjuból218 nokkru framar, þar var áður bænhús (einsetumaður
bjó til skamms á býli út með að sunnan á vegi til Sigluvíkur sem
211 Þeim hefur þótt það sæta tíðindum að rekaviðurinn var hogginn. Pétur
Friðriksson (f. 1887, d. 1979), sem var alinn upp á Dröngum, gat þess á gamals
aldri að fyrir aldamótin nítján hundruð hafi flest tré rekið með rót en síðar hafi
þau flest verið hoggin. (H.J.)
212 Gæti verið Jón Bjarnason sem var þingmaður um skeið. Hann bjó á Óspakseyri
1871–1878 og eftir það dvaldi hann á Skriðinsenni til dánardægurs 1892 (Jón
Guðnason (1955), bls. 153).
213 Undir Sigluvíkurnúpi.
214 Reykjarfjarðarsandur.
215 Benedikt Hermannsson, bóndi í Reykjarfirði 1880–1918 (Lýður Björnsson
(1992), bls. 92).
216 Reykjarfjarðarós.
217 Sæból fór í eyði 1885.
218 Búið var á Kirkjubóli til 1883.