Strandapósturinn - 01.06.2012, Page 85

85
Fórum upp Drangaháls, hann mjög brattur þó ei sem brekkan
í gær. Að of an örmjór, ca. 20 faðmar þvers. Eintómar sneiðingar
upp. Af honum skringileg útsjón mjög kaldranaleg: Dranga-
víkurdalur skorinn eins og með bjúghníf niður í fjöllin, allt hvítt
upp af, skafl við skafl, norður höfði fram af höfða, rauðleit og
fiolblá blika yfir íshafinu. Efsta bunga Drangajökuls sést og upp
úr höfði líkt og Sunnutindur í Þrándarjökli. Efst á Drangahálsi
ólafssúra, blóðrót, Salix her bacea, Polygonum viviparum. Niður
hálsinn var fyrst að fara snjóhengju all bratta og illt að koma
klárunum. Kemur þá í allstóran botn og er farið í hann að
vestanverðu.179 Þegar kemur niður fyrir brún hans er illur vegur,
klappir og svaðar og bretta mikil. Allt er hér gróðurlaust, aðeins
svolitlir blettir af fúamýr um fyrir neðan fjallið með illu grasi.
Slæmur vegur um klappir og kleifar inn með að Dröngum, er
maður þá lítið eitt kominn inn fyrir nýtt fjallshorn.180 Rekaviður
er að sjá mikill en mönnum hér þykir hann enginn. Gamlir menn
muna eftir að svo var mikið að þó tekið væri á einum stað á
áttæring þá sá varla högg á vatni en seinni ár hefir lítið rekið en
mikið verið sótt hingað.
Bærinn Drangar á litlu nesi innarlega í vík. Þar er ný
timburskemma allstór við bæinn. Vorum þar um nóttina, komum
þar um kl. 10 og var orðið dimmt. Pétur heitir bóndinn,
allreffilegur karl, 66 ára.181 Synir hans tveir búa með hon um.182
Þetta er besti bærinn fyrir norðan Ófeigsfjörð. Karlinn hálf-
forneskju legur, sagði er hann heilsaði mér: „Þér kvað vera, hefi eg
heyrt, lautinant sem ferðast til að mæla landið.“ Hér er í gamalla
manna minnum að lautinant fór hér norður um aldamótin.183
Björn Gunnlaugsson komst ei nema í Árnes184 og tveir lautinantar
áður ei lengra. Konu185 karls var illt í hálsi, illt að leita læknis,
179 Þarna eru tvö grunn dalverpi. Hið austara nefnist Kattardalur en hið vestara
Árdalir. Þor valdur hefur farið vesturhallann í Kattardal.
180 Hér er átt við Bæjarfjall ofan við Drangabæinn.
181 Pétur Magnússon, bóndi á Dröngum 1856–1887 (Jón Guðnason (1955), bls.
550).
182 Annar þeirra er með vissu Jón Pétursson sem skráður er sem húsmaður á Dröng-
um þetta ár. Hinn er að líkindum Guðmundur Pétursson sem tók við búi að föður
sínum látnum 1887 (Jón Guðnason (1955), bls. 550–551).
183 Lautinantarnir fóru norður Strandir og enduðu í Skjaldabjarnarvík sumarið
1808. Þeir mældu svo Hornstrandir sumarið 1809.
184 Þar var Björn Gunnlaugsson 2. september 1842 og sneri svo við.
185 Hallfríður Jónsdóttir (Jón Guðnason (1955), bls. 550).