Strandapósturinn - 01.06.2012, Qupperneq 96

96
og íleppar. Á veggjum hanga harður fiskur, riklingur, skítugir
garmar.
Alltaf sömu ókjör af rigningu. Fórum samt frá Furufirði út með
Bolungar víkurbjargi. Þar er allramesti tröllavegur og auk þess var
nú illviðrið, um há flóð og mesta brim. Fer maður alltaf í fjörunni
og er þar stórgrýtisurð og brim sorfnir hnullungar. Í miðri hlíðinni
er Ófæra246 svokölluð, þar skellur brimið upp í klettana um flóð.
Við fórum fyrst gangandi að reyna hvert hægt væri að fara fyrir
hana en vegna flóðsins og brimsins var það þá lítt reynandi og
biðum við undir kletti einn og hálfan tíma í húðarrigningu og
bleytukafaldi. Loks fór um við með hestana af því þá var flóðið
svolítið farið að bresta en brimið stór hrikalegt, hver holskeflan
brotnaði eftir aðra og brimið þeyttist hærra en hest arnir og
kastaði þangblöðum í háaloft. Tvö klif247 var að fara áður en kom
að sjálfri ófærunni, voru steinar og klappir hálar svo hestarnir
gátu aðeins með herkjum fótað sig á því. Varð að fara selflutning
með hvern einn og sæta færi milli laga að berja þá yfir klifin.
Stundum þeyttist þó brimlöðrið á þá. Í Ófær unni var verst. Þar
eru háir standar sem brimið spýtist upp með, verður að fara um
brattar klappir, hála steina, þang, gegnum örmjóar skorur. Tókst
það þó með þolinmæði og snarræði að koma þeim yfrum. Betra
kvað vera að fara þetta með háfjöru og álitið nærri ófært annars.
Fyrir utan Ófæruna er alltaf stórgrýt isurð og stóreflis malarsteinar
út á nesið, hált þang og brim um hestafæturnar. Á nesinu er í
sjónum fjarska hár drangur248 og heitir það eftir honum Drangs-
nes. Drangur þessi er hærri og einkennilegri en nokkur sem eg
hefi áður séð og ótrúlegt að hann svo mjór skuli geta staðið.
Komum í Bolungarvík. Hún er lítið inn en undirlendi mikið,
slétt og grös ugt eins og í Furufirði, mjög há fjöll í kringum þenna
skeifulagaða flata botn, um 2000 feta há. Á leið að bænum fórum
við yfir læk249 við sjóinn og rann hann í jarðveginum á eintómum
rekavið og voru smáfossar yfir drumbana.
246 Bolungarvíkurófæra.
247 Hér á Þorvaldur við Hamarinn og Skjólklett. Hamarinn er nær Furufjarðarbæn-
um.
248 Nefnist einfaldlega Drangur og er í Drangsvík. Víkin er norðanhallt á nesinu.
249 Líklega svonefndur Naustalækur.