Andvari - 01.01.2017, Síða 14

ANDVARI BJÖRN ÞORSTEINSSON 13
hana hafa verið stórmyndarlega konu og listhneigða og að hún hafi
veitt öllum af reisn og skörungsskap með aðstoð vinnukonu sinnar,
Ingigerðar Brynjólfsdóttur.11 Á öðrum stað greinir hann frá því að þeir
feðgar hafi kennt mörgum sveitapiltum til stúdentsprófs endurgjalds-
lítið, „og er ég einn í þeirra hópi, sem tóku stúdentspróf frá þeim“.12
Þetta gæti misskilist. Frá Fellsmúla fór enginn nemandi með prófskír-
teini upp á vasann, en sumir þeirra fengu þar sitt veganesti til að gang-
ast undir stúdentspróf við löggiltan menntaskóla. Meðal þeirra voru
synir prófastshjónanna, Ragnar og Grétar Fells, síðar kunnur rithöf-
undur og guðspekingur, – og Björn Þorsteinsson.13
Í skýrslum Menntaskólans í Reykjavík kemur fram að Björn hafi
verið brautskráður þaðan utanskóla 17. júní 1941 með góðum vitnis-
burði. Bestur var árangur hans í bókfærslu, en auk hennar náði hann
Björn ungur.