Andvari - 01.01.2017, Qupperneq 56

ANDVARI BJÖRN ÞORSTEINSSON 55
ingar eða hugmyndir sem oft gengu þvert á hefðbundnar skoðanir.
Þetta var hólmganga við vanahugsun, og hún var ekki áreynslulaus,
það mátti ráða af andlitssvipnum. Hugmyndirnar streymdu fram af
alvöru og ákefð, svo mjög að hann neri saman höndum eða fitlaði við
úrið eins og ósjálfrátt og leit öðru hverju áhyggjufullur og afsakandi
til nemenda, eins og hann væri að ofbjóða þeim.
Ekki var öllum gefið að fylgja kennaranum eftir, en þeir sem það
gerðu hrifust af. Hann varð manna glaðastur, þegar nemendur sýndu
efninu áhuga og komu jafnvel með tillögur og skoðanir sem nýjabrum
var að. Þeir urðu skjólstæðingar hans, jafnvel löngu eftir að þeir höfðu
lokið námi.156
Haustið 1977 var Björn við fræðistörf í Kaupmannahöfn og bjó í
Jónshúsi fram undir lok nóvember.157 Honum varð þó minna úr verki
en stefnt var að, því að hann veiktist alvarlega og þurfti að leggjast inn
á sjúkrahús. Næsta vetur var hann frá vinnu, og 1. september 1979 var
Björn og Guðrún í Flórens á Ítalíu. Björn átti þar nafna sem hét Gabríel
Björn. Foreldrar drengsins höfðu kynnst í Grænlandsferð undir leiðsögn
Björns og buðu honum og Guðrúnu í heimsókn. Á myndina hefur Guðrún
skrifað „Lágur sess er lötum hægur“.