Fréttablaðið - 02.12.2022, Side 66

starri@frettabladid.is
Fanney Dóra Sigurjónsdóttir, mat-
reiðslumeistari og eigandi veitinga-
staðarins Hnoss, ver alltaf jólunum
með foreldrum sínum í Ólafsvík
þar sem hún ólst upp. „Ég er frekar
íhaldssöm þegar kemur að jóla-
hefðum á aðfangadag, en hef aðeins
mýkst með árunum. Mér finnst
nauðsynlegt að hafa alltaf nóg af
smákökum og konfekti á borðum,
lagtertu í morgunmat með góðum
kaffibolla og svo er möndlugrautur-
inn hjá okkur í hádeginu. Við erum
„team“ hamborgarhryggur en ég
rétt narta í kjötið og borða þeim
mun meira af öllu meðlæti með
meira en nóg af sósu.“
Pakkarnir heilla enn að hennar
sögn þótt hún sé orðin fertug.
„Skemmtilegast er svo þegar við
verjum jólunum með börnum
bróður míns, það er svo hressandi
að ég sé ekki sú eina sem er æst
yfir gjöfum.“
Að öðru leyti snúast jólin um
að hafa það notalegt með öllu
fólkinu sínu. „Á aðventunni þykir
mér nauðsynlegt að hitta vini og
ná aðeins að njóta, þótt þetta sé
annasamasti tími ársins hjá okkur
kokkum. Kerti, spil, kampavín
og kósíheit – og matur! Það er
náttúrulega ekki hægt að fara
í gegnum þennan tíma án þess
að gera sem best við sig í mat og
drykk.“
Fanney Dóra Sigurjónsdóttir,
eigandi Hnoss.
FRÉTTABLAÐIÐ/ANTON BRINK
Lambatartar með
hvítlaukssósu og
Vesturós-osti
Fyrir 4
300 g lambafillet, fituhreinsað
3 msk. skalotlaukur, fínt saxaður
1 msk. kapers
1 tsk. fiskisósa
4 msk. mild ólífuolía
Lambafillet hreinsað mjög vel og
skorið í teninga á stærð við græna
baun. Skalotlauk, kapers, fiskisósu
og ólífuolíu blandað saman ásamt
salti og nógu af nýmöluðum svört-
um pipar. Ekki verra ef þið eigið
smávegis af þurrkuðu blóðbergi til
að bæta út í. Svo er olíublöndunni
hellt yfir kjötið og því leyft að
standa í a.m.k. 30 mín. Smakkað til
með salti, pipar og fiskisósu.
Hvítlaukssósa
4-6 confit hvítlauksrif (sjá neðar)
2 msk. dijon sinnep
2 msk. sítrónusafi
½ teningur sveppakraftur
2 eggjarauður
4-5 dl olía
salt, ef þarf
Byrjið á að mauka saman hvítlauk,
sinnep, sítrónusafa, sveppakraft
og eggjarauður í matvinnsluvél
eða blandara. Hellið svo olíunni í
mjórri bunu rólega saman við þar
til mæjónes verður til. Smakkið til
með sítrónusafa og salti.
Confit hvítlauksrif
Það er tilvalið að gera nóg af þessu
og eiga inni í ísskáp. Algjört nammi
ofan á ristað brauð, út í sósur, í
marineringar á kjöti, fiski og græn-
meti – eða eitt og sér með nasl-
plattanum.
Hvítlauksrif afhýdd og sett í
eldfast mót. Bragðlítil olía sett yfir
rifin svo fljóti yfir. Bakað við 160°C
í 1 klukkustund og kælt niður.
Geymist vel í lokaðri krukku inn í
ísskáp.
Þegar rétturinn er borinn fram er
hvítlaukssósa sett á disk, tartarinn
þar ofan á og svo er Vesturós-ostur
rifinn yfir. Gott er að skreyta með
garðakarsa eða fínt saxaðri stein-
selju og tilvalið að bera fram með
ristuðu brauði, stökku kexi eða
söltuðum kartöfluflögum.
Lambatartar með hvítlaukssósu og Vesturós-osti er spennandi forréttur.
FRÉTTABLAÐIÐ/ANTON BRINK
Verður að gera
sem best við sig
í mat og drykk
Matreiðslumeistarinn Fanney Dóra
Sigurjónsdóttir ver jólunum í faðmi
fjölskyldunnar í Ólafsvík. Kerti, spil,
kampavín, kósíheit og matur eru
ómissandi þættir á aðventunni hjá
henni. Hér gefur hún lesendum
uppskriftir að þremur spenn-
andi forréttum.
Grafinn lax í nýju hlut-
verki þar sem hann
er borinn fram með
sýrðu selleríi, eplum og
límónulaufum.

Saltbökuð seljurót er
borin fram í djúp-
steiktri maístortillu.
Vandaðir
krossar á leiði
Íslensk framleiðsla fyrir íslenskt veðurfar
Leiðiskrossar 12 volt,
24 volt og 32 volt.
Vönduð íslensk framleiðsla.
Skemmuvegi 34 - 200 Kóp.
Símar: 554 0661 - 699 2502 - 897 4996
44 fréttablaðið 2. desember 2022jól 2022