Fréttablaðið - 02.12.2022, Page 138

Uppskriftavefurinn Purely
Sigga er verkefni Sigríðar
Pétursdóttur, kvikmynda­
fræðings og sælkera. Á síð­
unni deilir hún uppskriftum
án sykur og glútens, sem hún
hefur þróað samhliða því
að borða sig til heilsu, eftir
gigtargreiningu árið 2018.
ninarichter@frettabladid.is
„Ég var komin með svolítið af upp­
skriftum og var að deila þessu inn í
þetta samfélag okkar sem vorum hjá
Hildi M. Jónsdóttur heilsuráðgjafa,“
segir sykurlausi sælkerakokkurinn
Sigríður Pétursdóttir, sem oftast
er kölluð Sigga. „Það er ótrúlega
margt fólk sem hefur náð bata hjá
henni. Ég þarf að útskýra fyrir fólki
að þetta er ekki neinn kúr heldur
uppskriftir sem voru gerðar til þess
að ná bata. Að borða sig til heilsu,“
segir hún.
Borðaði sig til heilsu
Að sögn Siggu var hún eitt af svo­
kölluðum tilraunadýrum á heilsu­
námskeiði hjá Hildi. „Hún hafði
verið að berjast við sjálfsofnæmis­
sjúkdóma áratugum saman. Hún
var búin að fara til Bandaríkjanna
og sækja sér fróðleik og var búin
að fá heilsuna aftur með þessum
breytta lífsstíl,“ segir Sigga og bætir
við að auk mataræðis hafi hún
hugað að hreyfingu og hugleiðslu
einnig, og ekki síst svefninum. Sigga
segir stórt samfélag hafa myndast
meðal þeirra sem sótt hafa nám­
skeið hjá Hildi. Sigga deildi þar
uppskriftum og segist hafa fengið
hvatningu til að setja upp vefsíðu.
„Vinkona mín sem rekur vefsíðu­
fyrirtæki gaf mér uppsetningu á
síðunni í sextugsafmælisgjöf. Það
var mér svo mikið í mun að þessi
síða yrði ókeypis af því að ég veit
að þeir sem þurfa mest á henni að
halda er fólk sem er veikt og jafnvel
á örorku og hefur ekki mikið á milli
handanna,“ segir hún. „Allir voru
að segja við mig að ég yrði að rukka
áskrift eða halda námskeið, og ég
sagði nei,“ segir Sigga, sem fór þá leið
að fá kostendur til að útvega hráefni
í staðinn, til að halda þróuninni
áfram. „Ég átti aldrei von á því að
þetta yrði svona stórt. Þetta er farið
að taka svolítið mikinn tíma en ég
hef mjög gaman af þessu,“ segir hún.
Tími sykurs og hveitis
Jólin eru tími sælkeranna og oft
fylgir mikill sykur og hveiti matar­
æðinu sem hátíðinni tilheyrir. Ekki
geta þó allir neytt þessara hráefna
og þar getur verið dýrmætt að styðj­
ast við uppskriftir frá reyndum sæl­
kerum.
„Það er enginn sykur í þessu
og ekki heldur það sem er oftast í
svona uppskriftum, hlynsýróp eða
hunang – sem ég má heldur ekki
borða,“ segir Sigga, létt í bragði. „En
það sem f lokkast undir hollustu­
rétti er oft með fullt af döðlum og
banönum og hlynsýrópi og svona,
og það er of sætt fyrir mig.“
Í staðinn notar Sigga stevíu, auk
mjöltegunda sem innihalda svolítið
sætt bragð, til dæmis kókosmjöl.
„Kókosmjölið er í eðli sínu svolítið
sætt. Svo nota ég granateplakjarna
sem eru alveg of boðslega hollir en
kannski minnst sætu ávextirnir, en
gefa samt sætt bragð,“ segir Sigga.
Hollari hátíðaruppskriftir
Á vefsvæðinu Purely Sigga má
finna fjöldann allan af aðventu­
og jólauppskriftum með hollara
ívafi. „Síðan mín er rúmlega eins
árs gömul, þannig að þar er fullt af
jólauppskriftum frá því í fyrra. Ég
er búin að vera að þróa þetta síðan
2018, þegar ég var greind,“ segir
Sigga. „Fyrstu uppskriftirnar voru
ekki burðugar. Þær voru svo bragð­
vondar og héngu ekkert saman. Ég
Hollari hátíð í ár með sykurlausa sælkeranum
Sigríður
Pétursdóttir,
kvikmynda-
fræðingur og
sælkeri, deilir
þrælvinsælum
uppskriftum
á vefsíðunni
Purely Sigga,
þar sem hún
sérhæfir sig í
hveiti- og sykur-
lausum réttum.
FRÉTTABLAÐIÐ/
ERNIR
var grátandi að reyna að búa þetta
til og þetta leit allt út eins og gubba,“
segir hún og skellihlær.
Sigga segir að finna megi fjölda
vegan­uppskrifta á netinu, en gjarn­
an séu þær ýmist fullar af sykri eða
glúteni.
Hugmyndin um jól án hveitis og
sykurs kann að hljóma illa í eyrum
margra. Aðspurð hvernig hafi verið
að fara inn í desember fyrst eftir
greiningu, vitandi að hún gat ekki
borðað það sem hún gat borðað
áður, svarar Sigga:
Fyrstu jólin algjör hörmung
„Ég ætla ekki að leyna því að mér
fannst það alveg hörmung. Ég var
alveg í grunninum á prógramm­
inu sem ég fór í. Eins og strákurinn
minn sagði: Mamma má bara borða
glútenlaust vatn,“ segir Sigga og
kímir. „Þetta var næstum því þann­
ig. Ég var og er enn rosalegur sælkeri
og mér fannst hrikalegt að fá engar
jólasmákökur, jólanammi og jóla­
deserta.“
Sigga segist hafa gert sitt besta til
að gera sínar útfærslur af jólamat.
„Sumt var skárra en ekkert, þessi
fyrstu jól. En nú er þessi tími liðinn
og mikið hefur breyst, þannig að
ég sakna hins ekki neitt,“ segir hún
og nefnir til dæmis piparkökuupp­
skrift sem hún þróaði í fyrra. „Þær
eru ekki alveg eins og þessar kökur
með glúteni, sem fólk er vant. En
fyrir þá sem ekki mega borða það
er mjög gott að fá eitthvað svona í
staðinn.“
Aðspurð hvernig hún beri sig að í
kringum jólaboð sem árstímanum
fylgja, segist Sigga gjarnan taka með
sér mat. „Ég geri það yfirleitt, og ég
tek gjarnan með mér eftirrétti. Ég
var með æskuvinkonunum í fyrra­
dag, þá tók ég með svampbotna­
köku með hafrarjóma og fullt af
ávöxtum og hinu og þessu,“ segir
hún. „En vinkonur mínar eru yndis­
legar og reyna að gera uppskriftir
sem ég má borða. Ég má borða fisk
og sjávarrétti þannig að það er oft
eitthvað svoleiðis í boði.“
Kokkur og kona með sérþarfir
Hún segist þó taka með sér mat
þegar hún fer í boð þar sem hún
þekkir ekki mikið til. „Við maðurinn
minn erum svona martraðar parið
að bjóða í mat, hann er kokkur.
Það eru allir hræddir við að bjóða
kokkum í mat, og ég er konan með
sérþarfirnar,“ segir Sigga og hlær.
„En sannleikurinn er sá að hann
er svo þakklátur. Hann er alltaf
að elda ofan í aðra. Þó að það væri
soðinn fiskur með smjöri yrði hann
glaður.“
Sigga segir þau hjónin yfirleitt
vera með humar á aðfangadag.
„Með miklu af salati og grænu. Við
gerðum hnetusteik í fyrra sem við
þróuðum og finnst alveg rosalega
góð. Það var mikið af fólki sem eld­
aði hana og sendi mér myndir. Það
var eins og auka jólagjöf fyrir mig,
að heyra frá öllum sem voru búin
að elda hnetusteikina og humarinn
sem er á vefsíðunni,“ segir hún.
Hissa á vinsældunum
Móttökurnar komu Siggu á óvart.
„Ég hélt að það myndu svona 10
manns skoða síðuna mína. Ég
verð alltaf svo hissa þegar ég heyri
frá ókunnugu fólki. Það eru 1.800
manns sem fylgja mér á Purely
Sigga Facebook­síðunni. Ég á mun
færri fylgjendur á Instagram og það
er örugglega aldurinn, en það væri
gaman að fá yngri fylgjendur af því
að það er svo mikið af ungu fólki
sem er vegan og veit ekki af þessu,“
segir hún.
Uppskriftirnar á síðunni eru ekki
allar vegan, af því að það eru fisk­
réttir einnig.
„Það má segja að ég sé pescet­
arian. Ég borða fisk og sjávarrétti
en ekki kjöt, og stöku sinnum
egg. Þær eru tvö til þrjú hundruð,
uppskriftirnar á síðunni. Þar eru
kannski fjórar með eggjum.
Ég þarf að útskýra fyrir
fólki að þetta er ekki
neinn kúr heldur
uppskriftir sem voru
gerðar til þess að ná
bata. Að borða sig til
heilsu.
Sítrónusmákökur með
kanilmöndlukurli
1 bolli hrísmjöl
½ bolli möndlumjöl (eða soja-
mjöl)
½ bolli kókoshveiti
1 msk. stevíuduft, eða 12 dropar
stevía
1 msk. kókosolía
1 egg
40 g vegan smjör, blokk frá Naturli
½ bolli möndlumjólk (eða önnur
jurtamjólk)
1 sítróna
½ tsk. hreint vanilluduft
¼ tsk. salt
Ofan á
1 eggjahvíta
1 tsk. stevíuduft eða nokkrir
dropar af stevíu
Saxaðar möndlur sem hafa verið
ristaðar aðeins á pönnu með kanil
og vegan smjörklípu eða sólþurrk-
aður sítrónubörkur frá Mabrúka
eða sesamfræ
Forhitið ofninn í 170°C. Bræðið kók­
osolíuna og kælið. Þvoið sítrónuna,
rífið börkinn og kreistið safann
úr sítrónunni í skál. Setjið eina
teskeið af sítrónuberki út í safann,
hrærið stevíuna saman við og síðan
jurtamjólkina. Sítrónubörkur frá
Mabrúka gefur sterkara og betra
bragð. Sigtið saman hrísmjöl,
möndlumjöl (eða sojamjöl), kókos­
hveiti, salt og vanillu í aðra skál og
blandið vel saman. Skerið vegan
smjörið í litla bita. Hellið kókosolí­
unni og vökvanum saman við þurr­
efnin og hrærið aðeins saman. Síðan
fer eggið saman við og að lokum
smjörbitarnir. Best er að hnoða það
saman í höndunum á svipaðan hátt
og þegar hefðbundið smjördeig er
gert. Mótið deigið í rúllu og kælið
hana í ísskáp í a.m.k. klukkustund.
Að fletja þetta deig út er erfiðara
en þegar um venjulegt smáköku­
deig er að ræða því það er lausara
í sér, þar sem ekkert glúten heldur
því saman. Það er þó vel gerlegt,
gætið þess bara að f letja lítið út í
einu og setja svolítið hrísmjöl bæði
á borðflötinn og kökukeflið. Einnig
er mikilvægt að þrýsta ekki köku­
keflinu fast niður heldur leyfa því
að rúlla létt yfir deigið.
Stingið út kökur og raðið þeim á
bökunarplötu með bökunarpappír.
Þeytið aðeins eggjahvítuna með
stevíunni og penslið hverja smáköku
með henni. Setjið kanilmöndlur,
sítrónubörk frá Mabrúka eða sesam­
fræ ofan á eggjahvítuna. Bakið við
170 gráður í 10 mínútur og kælið á
rist. Mér finnst gott að geyma smá­
kökurnar í frysti og borða þær beint
úr frystinum. Þær eru nefnilega ekki
jafn stökkar og smákökur úr hefð­
bundnum hráefnum, en hálffrosnar
líkjast þær þeim. n
28 Lífið 2. desember 2022 FÖSTUDAGURFRÉTTABLAÐIÐ