Fréttablaðið - 03.12.2022, Síða 108

Nú er fjöldi viðburða á næsta
leiti og ljóst að margir munu
skemmta sér æðislega vel og
oftar en ekki spariklæddir. Það
þarf að ganga hægt um gleð-
innar dyr og varast slysin, og
þetta á að sjálfsögðu líka við
um svokölluð tískuslys. Við
lítum á nokkur klassísk tísku-
tengd neyðartilfelli og bjóðum
handhægar lausnir við þeim.
ninarichter@frettabladid.is
Snjallræði af
tískuslysadeildinni
Straujað á hlaupum
Ef skyrtukraginn er krumpaður eða ermin ómöguleg
og þrjár mínútur í brottför má grípa næsta sléttujárn
og bjarga sér.
Gat á sokknum
Ef gat kemur á svartan
sokk skal hóa í næsta
tískugúrú sem vafa­
laust er með svartan
augnblýant eða
eyeliner í töskunni. Svo
málarðu bara húðina
undir gatinu svarta,
í sama lit og flíkina.
Einnig má notast við
ofnæmisprófaðan túss
úr barnaherberginu.
Bónus: Svo ertu með
flott tattú af sól­
myrkva þegar þú ferð
úr sokknum.
Diskóaugnaráð
Ef þú ert með rauð augu vegna svefnleysis og amma
heimtar ljósmynd geturðu bjargað þér með augn­
dropum úr apóteki sem hannaðir eru til þess að
draga úr roða. Svona glundur ber að nota afskaplega
sparlega enda fer það ekki vel með augun til lengri
tíma. Best er að drekka nóg af vatni og vinna upp
svefninn og leita læknis ef roðinn er til kominn af
þurrki eða óþekktum orsökum.
Lykkjufall
Ef nælonsokkabuxur rifna má
bjarga málinu með glæru nagla­
lakki og lakka yfir lykkjufallið. Svo
má auðvitað líka leggjast á
sófa og hylja þannig lykkju­
fallið þangað til hjálp
berst.
Laus faldur
Skátar og annað skynsamt fólk gengur með nál og
tvinna á sér fyrir neyðartilfelli sem snúa að saum­
sprettum, lausum földum og flóttalegum hnöppum.
Einhvern tímann var ónefndur blaðamaður upp­
tekinn af svokallaðri vintage­kjóla tísku og oftar en
ekki áttu kjólarnir til að hrökkva í sundur á saum­
unum. Ónefndur blaðamaður gekk þá með heftara í
töskunni fyrir verstu
neyðartilfellin. Að
sjálfsögðu er þetta
ráð ekki fyrir fínar og
dýrar flíkur, en þar má
bjarga sér með límbandi.
Gult hár
Margir lentu í tískuslysi af
þessum toga í heimsfaraldrinum
þegar aðgengi að hárgreiðslu­
stofum var takmarkað. Ef hárið
hefur fengið gulan blæ eftir litun
og þú kemst ómögulega í hendur
fagaðila, kemur litafræðin til
bjargar í formi fjólubláa litarins, í
tóner eða skolformi. Ef þú finnur
ekki tóner geturðu bjargað þér
með skoli eða lit og haft hann
skemur í hárinu. Svo má auðvitað
bjarga sér með fallegri jólasveina­
húfu.
Fleiri vandamál og lausnir
Blettir eftir meik eða
svitalyktareyði
Að nudda gömlum nælonsokk
á efnið getur náð verstu
ummerkjunum eftir meik og
ljósan svitalyktareyði úr fatn­
aði. Ef um er að ræða fljótandi
meik getur uppþvottalögurinn
aftur reynst fínasta húsráð.
Fastur rennilás
Ef rennilásinn er fastur má
nota varasalva eða hárnæringu
til að koma honum af stað.
Latar skyrtutölur og lausir skór
Hársprey getur gert tölurnar
stamar og fengið þær til að
tolla heima hjá sér. Ef hæll­
inn er stöðugt að dúa upp
úr skónum er hársprey inn í
skóinn aftur ágætis lausn.
Varalitur í fötum
Glær fituleysandi uppþvotta­
lögur getur reynst fínasta
húsráð til að leysa upp
fituna sem festir litinn
og er til á flestum
heimilum. Grænn
lögur getur litað
efnið og ber að
varast.
Of litlar buxur
Hér er klassískt meðgöngutrikk sem má nýta í jólaboðin. Ef þú hefur
notið matarins svo vel að þú getur ekki lengur hneppt buxunum
þínum, skelltu þá hárteygju utan um töluna, þræddu hana í gegnum
hnappagatið og smelltu endanum á teygjunni aftur á töluna. Buxna­
strengurinn er nú nokkrum sentimetrum rýmri og þér líður betur.
Smelltu svo bara skyrtunni yfir eða haltu á góðri jólabók í mittishæð
restina af boðinu, ef þú vilt fela ummerkin.
Flest viljum við
halda í stílinn
um hátíðarnar
en suma daga
eru örlögin ekki
með okkur í liði
og þá er gott að
eiga nokkur ráð
uppi í erminni.
FRÉTTABLAÐIÐ/
GETTY
76 Lífið 3. desember 2022 LAUGARDAGURFRÉTTABLAÐIÐLÍFIÐ FRÉTTABLAÐIÐ 3. desember 2022 LAUGARDAGUR