Arkitektúr og skipulag - 01.08.1992, Síða 30

mér heilmiklum fjárhagsáhyggjum.
Hreppurinn á húsið, en til þess að komast
inn í það varð ég að greiða sem svaraði
nálægt einum þriðja af kostnaðarverði
sjálfrar íbúðarinnar og leigi hina tvo þriðju
af hreppnum. Þetta hefir tvo stóra kosti í
för með sér. I fyrsta lagi losnaði um stóran
hluta þess fjár, sem ég átti bundið í
einbýlishúsi, og í öðru lagi er ég laus við
allar áhyggjur af viðhaldi hússins. Ef
eitthvað bilar þarf ekki annað en hringja í
áhaldahús hreppsins.
Heldurðu að það sé munur að geta setið
með góða bók og tebolla meðan hlutimir
gerast hvort sem það er nú niðri í kjallara
eða uppi á þaki og þurfa ekki einu sinni að
hugsa um að borga reikninginn.
Við hjónakomin þökkum okkar sæla fyrir
að ekki er ennþá kominn virðisaukaskattur
á lífshamingju. Ef svo væri er hætt við að
fljótt mundi saxast á sjóðinn, sem mynd-
aðist þegar við fluttum hingað.
Vertu svo ævinlega blessaður.
Gunnar Markússon. ■
KOSTNAÐUR
A verðlagi m.v. 187,3 kostuðu 8
íbúðir um 57.4 milljónir króna, eða
nálægt 7,18 milljónum hver, að
meðaltali. Þá er meðtalin full
hlutdeild í yfirbyggðum göngu-
skála.
SAMSTARF
Á mótunarstigi:
Pálmar Kristmundsson, arkitekt
Á útfærslustigi: Bergljót S.
Einarsdóttir, arkitekt
Við umhverfi:
Auður Sveinsd. landslagsarkitekt
Tækniráðgjafar:
Gunnar Ingi Ragnarsson, Þór og
Leifur Benediktssynir og Hermann
Jónsson.
VISTHÆF
BYGGINGAR-
LIST
ECO LOGICAL
ARCHIT ECTURE
EUROPEAN
CONGRESS
92
UNION INTERNATIONALE DES ARCHITECTES
Dagana 18-22 ágúst verður haldin ráðstefna um visthæfa bygingarlist (Ecological
Architecture) í Stokkhólmi og Helsingfors sem skipulögð er af sænska og
finnska arkitektafélaginu SAR og SAFA á vegum UIA (Union Intemationale
des Architectes). Þessi ráðstefna er þó ekki einungis opin arkitektum heldur geta
allir sótt hana sem hafa áhuga á vistfræði. Visthæf byggingarlist fjallar um það
hvemig nota má orku og byggingarefni á hagkvæman hátt og móta byggingar
og umhverfi þannig að það hafi ekki neikvæð áhrif á heilsu manna. Allar
umhverfismótandi stéttir þurfa að hafa haldgóða þekkingu á þessu sviði.
Markmiðið með ráðstefnunni er gefa þeim sem hafa áhuga á visthæfri
umhverfismótun kost á að skiptast á skoðunum og læra hver af öðm.m Á
ráðstefnunni halda 25 fagmenn frá 12 löndum erindi um þessi mál, en einnig
gefst þátttakendum kostur á að ferðast um Svíþjóð, Finnland, Eistland og
Rússland í tengslum við ráðstefnuna.
Þeim sem vilja fá frekari upplýsingar um ráðstefnuna er bent á að hafa samband
við Arkitektúr og skipulag eða S AR í síma 08-679 7230 eða fax 08-61149 30.
28