Gátt - 2014, Side 6

6
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
ritstjórN
ú T T e K T C A P A C e N T Á F R A M H A L d S F R Æ Ð S L U -
K e R F I N U F y R I R M e N N T A - o G M e N N I N G A R -
M Á L A R Á Ð U N e y T I
Þegar á heildina er litið ríkir mikil ánægja meðal notenda með framhaldsfræðslukerfið. Fjármunir þeir sem ríkið
ver til málaflokksins eru nýttir á skilvirkan hátt og tilætluðum árangri hefur verið náð á flestum sviðum. Þetta eru
meginniðurstöður úttektar sem Capacent ehf. gerði fyrir mennta- og menningarmálaráðuneytið og birtast í skýrslu
úttektaraðila sem gefin var út í júní 2014. Helstu sóknarfæri liggja meðal annars í aukinni kynningu á framhalds-
fræðslukerfinu, eflingu náms- og starfsráðgjafar og í skýrara mati á námi milli kerfa. Lagt er til að hagsmunaaðilar
hefji á næstu misserum vinnu við að móta sameiginlega framtíðarsýn framhaldsfræðslunnar og tilgreini helstu
verkefni sem vinna þurfi að svo framhaldsfræðslan verði raunveruleg fimmta stoð íslensks menntakerfis.
Í lok júní 2013 fól mennta- og menningarmálaráðuneytið
Capacent að gera heildstæða úttekt á framhaldsfræðslu-
kerfinu (Mennta- og menningarmálaráðuneyti, 2014b), sem
beindist að hlutverkum, verkaskiptingu og samstarfi Fræðslu-
miðstöðvar atvinnulífsins (FA), Fræðslusjóðs, fræðsluaðila,
annarra hagsmunaaðila og ráðuneytis. Meginmarkmið
úttektarinnar var að leggja mat á þróun framhaldsfræðslu-
kerfisins, skilvirkni þess og nýtingu fjár, að athuga hvaða
árangri það hefur skilað síðastliðin fimm ár og að kanna
hvernig samskiptum milli hagsmunaaðila og þeirra sem taka
ákvarðanir er háttað. Sérstök áhersla var lögð á að leggja mat
á áhrif og skilvirkni kerfisins.
Úttektin náði til FA, Fræðslusjóðs og mennta- og menn-
ingarmálaráðuneytis. Þá náði hún einnig til framkvæmda-
stjóra/forstöðumanna og tiltekinna starfsmanna (t.d. náms-
og starfsráðgjafa og kennara) hjá eftirtöldum fræðslu- og
símenntunarmiðstöðvum:
• Austurbrú
• Farskóli Norðurlands vestra
• Framvegis – miðstöð um símenntun í Reykjavík
• Fræðslumiðstöð Vestfjarða
• Fræðsluskrifstofa rafiðnaðarins
• Fræðslunet Suðurlands
• IÐAN – fræðslusetur
• Miðstöð símenntunar á Suðurnesjum
• Mímir-símenntun
• Símenntunarmiðstöð Eyjafjarðar
• Símenntunarmiðstöðin á Vesturlandi
• Starfsmennt – fræðslusetur
• Viska í Vestmannaeyjum
• Þekkingarnet Þingeyinga
Samhliða úttektinni var gerð viðhorfskönnun meðal notenda
þeirrar þjónustu sem framhaldsfræðslukerfið veitir. Það verk-
efni var fjármagnað af Fræðslusjóði og voru niðurstöður
könnunarinnar bornar saman við aðrar greiningar og annað
efni sem aflað var í vinnu úttektaraðila. Tilgangurinn var að
komast að því hvaða reynslu notendur hefðu af þjónustunni
og að leggja mat á stöðu svarenda fyrir og eftir þjónustuna.
Með könnuninni var unnt að bera saman afstöðu notenda og
þeirra sem veittu þjónustuna til kerfisins.
Í skýrslunni er gerð grein fyrir niðurstöðum viðtala,
vinnustofa og vettvangsheimsókna. Úttektaraðilar tóku
viðtöl við alla forstöðumenn, haldnar voru vinnustofur með
þverskurði starfsmanna og vettvangur á hverju landssvæði
fyrir sig var skoðaður. Einnig voru haldnar vinnustofur með
starfsmönnum FA og mennta- og menningarmálaráðuneytis.
Þátttakendur í vinnustofum og þeir sem úttektaraðilar ræddu
við voru 73 talsins. Val á þátttakendum byggðist á ákvæðum
verksamnings við ráðuneytið og þeirri afmörkun sem þar er
kveðið á um. Skýrsla með heildarniðurstöðum úttektarinnar
var birt á vef mennta- og menningarmálaráðuneytis í júní
2014.
M e G I N N I Ð U R S T Ö Ð U R ú T T e K T A R -
A Ð I L A
Að mati úttektaraðila eru meginniðurstöður þær að fram-
haldsfræðslukerfið hafi náð þeim markmiðum sem sett eru
fram í 2. grein laga nr. 27/2010 um framhaldsfræðslu og að
þannig hafi þeir fjármunir sem ríkið ver til málaflokksins verið
nýttir á skilvirkan hátt. Augljósasti árangurinn felst í þeim
jákvæðu áhrifum sem þátttaka í fræðslutilboðum eða þjón-