Gátt - 2014, Síða 30

30
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
sem veitir réttindi á vinnumarkaði á viðkomandi starfssviði.
Þannig er áherslan greinilega á námi sem þátttakendur geta
hagnýtt sér beint.
Áherslan á hagnýtingu náms kom einnig fram þegar
spurt var um hvaða námsfyrirkomulag viðkomandi myndi
vilja sjá. Hlutfallslega flestir myndu vilja sjá verklega kennslu
eða tæp 43%, um 33% myndu vilja kvöld- og helgarnám-
skeið og 30% myndu vilja sækja fyrirlestra. Síst myndu þátt-
takendur vilja vera í bóknámi, eða aðeins 12%.
Þátttakendur voru upplýstir um þá flokka námskeiða sem
Símenntunarmiðstöð Eyjafjarðar bauð upp á nám í. Spurt var
hvort viðkomandi hefði áhuga á að sækja námskeið í ein-
hverjum af þessum flokkum. Velja mátti fleiri en einn flokk.
Hlutfallslega flestir merktu við tölvur eða 51,6% og 48,5%
merktu við tungumál. Þátttakendur höfðu síst áhuga á nám-
skeiðum um almenna þekkingu, eða um 28,5%.
Á svipaðan hátt voru þátttakendur upplýstir um að VMA
bjóði upp á tilteknar námsleiðir. Spurt var hvaða námsleið
viðkomandi myndi hafa áhuga á. Hlutfallslega flestir höfðu
áhuga á styttri námskeiðum tengdum þeirra fagi og/eða
starfsgrein, eða 49,4%, og 18,6% höfðu áhuga á námi til
stúdentsprófs. Þátttakendur sem höfðu lokið iðn- eða starfs-
námi höfðu síst áhuga á námi til stúdentsprófs.
S A M A N T e K T o G H A G N ý T I N G
N I Ð U R S T A Ð N A
Af niðurstöðum könnunar meðal almennings má greina
nokkra megindrætti og má nýta þær vísbendingar sem könn-
unin gefur til þess að aðlaga námsframboð og námsfyrir-
komulag sí- og endurmenntunar frekar að þörfum almenn-
ings á svæðinu eins og þær birtast hér.
Um þriðjungur þátttakenda í heild sinnir ekki sí- og end-
urmenntun. Athygli vekur að hlutfallið er mikið hærra meðal
þeirra sem hafa minnsta menntun og að í sjávarútvegi,
landbúnaði og matvælaframleiðslu er hlutfallið um 55%.
Ástæður sem voru nefndar eru að viðkomandi hafi ekki efni
á að greiða fyrir slík námskeið, að það sé ekkert í boði á
svæðinu sem þau hafi áhuga á og að ekki sé tími til að sækja
slík námskeið. Sérstakt áhyggjuefni hlýtur að vera að hlutfall
þeirra sem ekki sinna sí- og endurmenntun er hátt í yngsta
aldurshópnum, eða í hópi þeirra sem eru þrítugir eða yngri,
þ.e. um 50%. Að þessum hópum hlýtur athyglin að beinast
sérstaklega. Huga þarf að því hvort, og þá hvernig, má ná til
þessara hópa og koma til móts við þarfir þeirra, með hliðsjón
af ástæðum þeim sem þátttakendur nefndu fyrir lítilli þátt-
töku. Hér er greinilegt að endurmenntunarmiðstöðvar þurfa
meðal annars að huga að námsframboði sínu og námsfyrir-
komulagi. Einnig er mikilvægt að fyrirtæki og stofnanir hugi
að því á hvern hátt þau geti komið til móts við sitt starfsfólk
til að það geti betur sinnt sí- og endurmenntun og veitt því
stuðning. Samkvæmt könnuninni á þetta meðal annars við
um kostnað við þátttökuna, tíma sem varið er í sí- og endur-
menntun og fjölbreytileika.
Skortur á fjölbreytni í námsframboði er einn þeirra þátta
sem nefndir eru og þótt Eyjafjarðarsvæðið, með rúmlega
24.000 íbúa, geti vart talist fámennt á íslenskan mælikvarða
setur það þó fjölbreytni af ýmsu tagi ákveðnar skorður sé
miðað við höfuðborgarsvæðið. Til að bregðast við þessu
atriði má spyrja hvort aukið samstarf milli sí- og endurmennt-
unarstöðva geti verið liður í að auka fjölbreytni og framboð.
Einnig má spyrja hvort stofnanir eða fyrirtæki geti komið hér
að í auknum mæli, svo sem með því að leggja til sérhæfða
starfsmenn sem geta leiðbeint á þeim sviðum þar sem eftir-
spurn er eftir námi eða þjálfun.
Óskir um hagnýtt nám eða þjálfun virðast renna sem
rauður þráður gegnum svör þátttakenda, svo sem þjálfun til
að verða hæfari til að sinna núverandi starfi. Þá var einnig
áberandi að ýmislegt sem varðar tölvunotkun var nefnt
og sjálfsagt má álykta sem svo að innreið tölvutækninnar
í flest störf hafi reynst fjölmörgum á vinnumarkaði umtals-
verð áskorun. Þessu tengt er val þátttakenda á fyrirkomulagi
náms. Stærsti hlutinn vildi sjá verklega kennslu en segja má
að bóknám hafi fengið falleinkunn hjá þátttakendum.
Þörf og markaður er fyrir stutt, hagnýt og að mestu verk-
leg námskeið. Skapandi greinar eru einnig nefndar í könnun-
inni. Námið sem sótt er (boðið er upp á) verður helst að veita
einhver réttindi og jafnvel vera tengd launum. Einnig kemur
fram að samstarf við atvinnulíf er mikilvægt þannig að hægt
sé að sinna námi með starfi. Námið og kennsluna þarf einnig
að sníða að þörfum nemenda og atvinnulífs og innihalda
verkefni og kennslu sem efla viðkomandi í núverandi starfi
eða auka möguleika á hreyfanleika á vinnumarkaði. Einhvers
konar tölvutengt nám virðist vera ofarlega hjá þátttakendum
úr öllum stéttum og greinum, þó einna síst þeim sem koma
úr iðngreinum.
Frá því að niðurstöður rannsóknarinnar sem hér er til
umfjöllunar litu dagsins ljós hefur SÍMEY kappkostað að
bæta fleiri verklegum námskeiðum við námskeiðaframboð
miðstöðvarinnar. Talsverð eftirspurn hefur verið eftir opnum