Gátt - 2014, Page 54

54
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
Fræðslusetrið Starfsmennt býður
opinberum starfsmönnum starfs-
tengda símenntun og veitir stofn-
unum heildstæða þjónustu á sviði
starfsþróunar og mannauðseflingar.
Starfsmennt er í eigu fjármála- og efnahagsráðuneytisins og
flestra stéttarfélaga innan BSRB. Starfsemin felst í að bjóða
margvísleg námskeið sem styrkja persónulega hæfni fólks
og getu í starfi, auk mannauðsráðgjafar til stofnana. Með
því að veita starfsfólki tækifæri til að auka þekkingu sína og
færni leitast vinnustaðir við að byggja upp hæfni og auka
þannig starfsánægju, fagmennsku og gæði starfseminnar.
Stjórnendur og einstaklingar, sem leggja í kostnað við starfs-
tengt nám, gera kröfu um að það bæti árangur. Námið þarf
því fyrst og fremst að vera hagnýtt. Beita þarf aðferðum við
þjálfun og kennslu sem hámarka líkur á að þátttakendur geti
á auðveldan hátt nýtt nýja þekkingu og færni í starfi. Auk
þess þarf að bjóða upp á sérsniðið nám og sveigjanleika sem
hentar þörfum ólíkra starfshópa. Í þessu samhengi er mikil-
vægt að fræðsluaðilar hugi að gæðum náms og framboði,
greini reglulega þarfir markhóps og leggi mat á ávinning
þjónustu sinnar fyrir starfsfólk og vinnustaði.
þ j ó N U S T U K Ö N N U N S T A R F S -
M e N N T A R
Rafræn þjónustukönnun var send á tæplega 7.700 þátttak-
endur. Könnunin var send á mjög breiðan hóp, þátttakendur
námskeiða allt aftur til ársins 2005, forstöðumanna ríkis-
stofnanna og annarra markhópa setursins. Um 3.000 manns
svöruðu könnuninni og var svarhlutfall 38%. Flestir voru
félagar í SFR (59%), 21% var félagsmenn annarra stéttar-
félaga BSRB og 20% tilheyrðu stéttarfélögum utan BSRB. Um
70% svarenda voru konur og 30% karlar. Svarendur voru á
aldrinum 20 til 82 ára. Könnunin náði til landsins í heild en
flestir (63%) voru búsettir á höfuðborgarsvæðinu. Svarendur
höfðu menntun af öllum skólastigum, rúmlega 30% höfðu
lokið grunnskólaprófi eða styttra starfsnámi, tæp 40% höfðu
lokið námi á framhaldsskólastigi og um 30% háskólaprófi.
Greint verður frá helstu niðurstöðum en auk þeirra komu
fram mjög gagnlegar tillögur og ábendingar sem Starfs-
mennt mun nýta í starfsemi sinni.
M e I R I Á H U G I M e Ð A L K V e N N A e N
K A R L A
Svarendur höfðu almennt mikinn áhuga (81%) á að sækja
starfstengd námskeið til að efla færni sína í starfi (sjá mynd
1). Munur var á áhuga fólks eftir, kyni, aldri og menntun.
Konur höfðu almennt meiri áhuga á að sækja sér starfs-
tengda menntun en karlar. Yngri svarendur höfðu meiri
áhuga en eldri og háskólamenntaðir höfðu meiri áhuga á
að afla sér viðbótarmenntunar á vinnumarkaði en svarendur
með grunn- eða framhaldsskólamenntun.
Þrátt fyrir mikinn áhuga töldu eingöngu 47% aðspurðra
starfsfólk á sínum vinnustað vera hvatt til að sækja starfs-
tengt nám og þjálfun en um fjórðungur (26%) taldi slíka
hvatningu ekki til staðar (sjá mynd 2). Sérstaklega skorti
eldra fólk og svarendur með menntun á grunn- eða fram-
haldsskólastigi hvatningu. Stjórnendur þurfa að vera með-
MArtA gALL jØrgENsEN
S T A R F S T e N G T N Á M – S P U R T o G S V A R A Ð
Síðastliðið ár gerði Fræðslusetrið Starfsmennt, í samstarfi við Félagsvísindastofnun Háskóla
Íslands, viðamikla þjónustukönnun meðal þjónustuþega og annarra hagsmunaaðila. Mark-
miðið var að afla upplýsinga um viðhorf til þjónustunnar og starfsþróunar og varpa ljósi á
ávinning af starfstengdu námi. Auk þess að greina eftirspurn, væntingar og þarfir notenda,
stjórnenda og annarra markhópa setursins. Margt fróðlegt kom í ljós sem Starfsmennt mun
nýta til að bæta þjónustu, námsframboð og gæði. Niðurstöður nýtast einnig öðrum fræðslu-
aðilum og vinnustöðum til að ákveða með hvaða hætti efla megi menntun og þjálfun starfs-
manna og hverju þurfi að huga að í þeim efnum.
Marta Gall Jørgensen