Gátt - 2014, Page 84

84
F R Æ Ð S L U M I Ð S T Ö Ð A T V I N N U L Í F S I N S
g á t t – á r s r i t – 2 0 1 4
Einnig voru kynntir möguleikar til að sækja um styrk fyrir
prófgjöldum og boðin var fram aðstoð við umsóknarferlið.
Promennt bauð fram aðstöðu til þess að nemendur gætu
tekið æfingapróf og aðstöðu til próflestrar fyrir þá sem þess
óskuðu. Haft var samband við Specialisterne til að athuga
hvort og hvernig aðstaða og starfsfólk hjá þeim gæti komið
að stuðningi við þá nemendur sem höfðu nýtt sér þjónustu
þeirra.
Þessum stuðningi og eftirfylgd er ekki enn lokið. Ljóst er
að flestir hafa áhuga á að taka fyrrnefnt alþjóðlegt próf og
einn hefur þegar tekið það. Aðrir tveir eru nú þegar komnir
vel af stað í undirbúningi og tveir nemendur hafa hlotið styrk
fyrir prófgjöldum.
Ásamt því sem fram kom í viðtölunum um mat nem-
enda á námskeiðinu var sérstakt matsblað lagt fyrir. Nem-
endur greindu frá ánægju með námskeiðið og nefndu að
þekking þeirra hefði aukist og áhugi vaknað um möguleg
störf á sviðinu í framtíðinni. Þeir nefndu að helst hefði skort
á verklega þjálfun og að þeir hefðu fullan hug á að sækja
slíkt verklegt námskeið yrði það í boði síðar. Mikil ánægja
var með kennsluna og námsefnið sem þeim fannst hæfilega
krefjandi. Þó hefði mátt gæta að meiri nákvæmni í fram-
setningu á glærum.
Ein úr hópnum kvaðst hafa farið á annað tölvunámskeið
á sama tíma sem hún hefði aldrei gert nema út af þessu nám-
skeiði. Hún sagði þetta hafa gert mikið fyrir sig, hún hefði
“lifnað við” og væri orðin hún sjálf aftur. „Þetta breytti lífi
mínu og … gerði miklu meira fyrir mig en ég bjóst við.”
L o K A o R Ð
Að mati okkar tókst framkvæmd þessa verkefnis afar vel.
Augljóst er að leggja þarf vel í undirbúning fyrir námskeið
sem þetta og ekki síður eftirfylgd fyrir þá nemendur sem vilja
nýta sér námið til lokaprófs og eða atvinnu á þessu sviði.
Mikilvægt er að tengja slíka eftirfylgd stuðningskerfi eins og
félagsþjónustu sveitarfélaga og atvinnu með stuðningi.
Enn er ekki útséð um það hve margir muni fara í prófið
en ljóst er að það yrði mikill ávinningur fyrir viðkomandi aðila
og þróunarverkefnið í heild ef fleiri gerðu svo og myndu við
það öðlast alþjóðlega gráðu í tölvuviðgerðum. Námið er
góður undirbúningur fyrir frekara nám á tölvutæknisviði og
er það von okkar að hægt verði að halda fleiri slík námskeið
í nánustu framtíð. Hugmyndir eru uppi um að hanna fram-
haldsnámskeið þar sem áhersla yrði lögð á verklega þjálfun
og að auki að bjóða aftur samskonar fræðilegt námskeið
sem fyrst.
U M H Ö F U N d A N A
Jarþrúður Þórhallsdóttir starfar sem einhverfuráðgjafi hjá
Fjölmennt og réttindagæslumaður fatlaðs fólks á vegum
velferðarráðuneytisins. Hún er sjúkraþjálfari að mennt og
hefur einnig lokið MA-prófi í fötlunarfræðum. Hún hefur til
allmargra ára, ásamt öðrum, stutt einhverft fólk í að hittast
og deila áhugamálum og reynslu í hópi sem nefnist Út úr
skelinni og er á vegum Einhverfusamtakanna. Hún er höf-
undur bókarinnar Önnur skynjun – ólík veröld: Lífsreynsla
fólks á einhverfurófi.
Kristín Eyjólfsdóttir hefur verið verkefnastjóri þróunarverk-
efnisins Nám með stuðningi og kennt á ýmsum námskeiðum
í tölvu- og upplýsingatækni hjá Fjölmennt, símenntunar og
þekkingarmiðstöð, frá árinu 2002. Hún hefur lokið BA-gráðu
í þroskaþjálfafræðum og er einnig með diplóma í tölvu-og
upplýsingatækni frá KHÍ.
Með námsbókina sér við hlið.