Gátt - 2014, Qupperneq 87
87
F r Æ Ð s L U M i Ð s t Ö Ð A t V i N N U L Í F s i N s
g á t t – á r s r i t – 2 0 1 4
að gefast ekki upp þótt á móti blási og halda alltaf áfram.
Hann er fyrirmynd fyrir unga fjölskyldumenn sem hafa horfið
frá námi eftir grunnskóla vegna námserfiðleika með því að
ljúka námsleiðunum og takast á við frekara nám. Hann hefur
styrkt stöðu sína verulega á vinnumarkaði og getur nú sótt
um störf sem voru honum lokuð áður.“
Guðrún Fjóla Kristjánsdóttir
„eR þeTTA L ÍF IÐ SeM éG ÆTLA
AÐ bjóÐA MANNINUM MÍNUM
oG bÖRNUNUM MÍNUM UPP Á?“
Guðrún Fjóla Kristjánsdóttir er 39 ára Vestfirðingur. Hún fór
að vinna strax eftir grunnskóla, það var ekki inni í myndinni
að fara í áframhaldandi nám. Guðrún Fjóla kynntist mann-
inum sínum ung og átti sitt fyrsta barn 21 árs. Fyrir þrítugt
var hún orðin fjögurra barna móðir. 18 ár liðu frá því að Guð-
rún lauk grunnskóla þar til að hún tók þráðinn upp að nýju.
Hún hafði glímt við mikið þunglyndi, kvíða og brotið
sjálfstraust um árabil. Líðan hennar má líkja við jójó, ýmist
upp eða niður. Miklum sveiflum fylgdi lítið sjálfstraust og
félagsleg einangrun. Sumarið 2009 fór hún langt niður og
missti alla lífslöngun, fannst allt vonlaust sá enga framtíð
fyrir sér. En með hjálp læknis, góðra vina, ættingja og ekki
síst fjölskyldunnar komst hún upp úr öldudalnum og reif sig
upp og náði áttum. Í kjölfarið vöknuðu ýmsar spurningar hjá
Guðrúnu Fjólu: „Ætla ég að halda áfram á þennan hátt? Er
þetta það líf sem ég vil bjóða manninum mínum, börnum og
sjálfri mér upp á? Ég komst að þeirri niðurstöðu að ég ætti að
gera eitthvað í málunum því á botninum vildi ég ekki vera.“
Nám sem gerbreytti lífi mínu
Guðrún fékk einn ágústmorgun sama ár sent blað með aug-
lýsingum frá Fræðslunetinu á Suðurlandi, þar á meðal var
kynning á Grunnmenntaskólanum2. „Mér leist strax mjög vel
á og hugsaði með mér að þarna væri mitt tækifæri komið til
að gera eitthvað í málunum.“ Hún ákvað að leita sér frek-
ari upplýsinga og tók upp tólið og hringdi í miðstöðina. Að
símtalinu loknu var henni ljóst að hún var búin að skrá sig í
nám í Grunnmenntaskólanum. „Fyrir mig sem var á þessum
2 Grunnmenntaskólinn er námstilboð hannað af Fræðslumiðstöð atvinnu-
lífsins, einkum ætlað þeim sem hafa stutta skólagöngu að baki. Tilgangur-
inn með 300 stundum er að stuðla að jákvæðu viðhorfi til áframhaldandi
náms og auðvelda fólki að takast á við ný verkefni.
tíma var með lítið sjálfsálit, var feiminn og vildi láta sem
minnst fyrir mér fara, var þetta stór og síður en svo auðveld
ákvörðun. En einhverra hluta vegna tók ég
þetta stóra skref og sé ekki eftir því. Því þetta
nám hefur gerbreytt lífi mínu.“
Guðrún Fjóla var stressuð og með kvíða-
hnút í maganaum þegar fyrsti skóladagurinn
rann upp. En fljótlega varð henni rórra því í
hópinum sem hún var í var einstaklega góður
og skemmtilegur andi ríkjandi. Kennarar og annað starfs-
fólk var líka sérstaklega hjálplegt og gott. Henni gekk vel
og fannst námið afskaplega skemmtilegt en afar krefjandi.
„Fljótlega tók ég þá ákvörðun að mig langaði til að halda
áfram í námi og fór að hugsa um að kannski myndi draumur
minn um að ljúka einhverju námi sem gæti opnað fyrir fleiri
atvinnumöguleika geta ræst. Ég var löngu búin að gera mér
grein fyrir því að það yrði ekki auðvelt að fá vinnu ómenntuð.
Ég tók þá ákvörðun að fara í Nám og þjálfun að loknum
Grunnmenntaskólanum.“
Hvatningin skipti miklu máli
Nám og þjálfun í almennum bóklegum greinum3 var enn
meira krefjandi og þar verða námsmenn að taka próf. Allir
í hópnum voru vel undir þau búin og gekk mjög vel. Hópur-
inn var nánast sá sami og í Grunnmenntaskólanum aðeins
nokkrir nýir höfðu bæst við. „Ég fékk mikla hvatningu frá
starfsfólki Fræðslunetsins um að fara í áframhaldandi nám
og því fór það svo að lokum eftir að ég hafði ráðfært mig
við náms- og starfsráðgjafa Fræðslunetsins að ég skráði mig
í fullt nám við Fjölbrautaskóla Suðurlands á Selfossi , FSU
á sjúkraliðabraut.“ Guðrún Fjóla fékk metið það nám sem
hún hafði lokið bæði í Grunnmenntaskólanum og í Námi og
þjálfun í almennum bóklegum greinum, eins og ensku, stærð-
fræði, íslensku, upplýsingatækni, lífsleikni og dönsku. Það er
líka stórt skref að stíga að fara í framhaldsskóla þar er ekki
eins mikið haldið utanum nemendur eins og hjá Fræðslunet-
inu. „Hjá þeim var maður nánast eins og í bómull,“ segir
Guðrún Fjóla og heldur áfram: „Mér fannst reyndar skrítið
að vera í tímum með krökkum sem ég gat hæglega átt sjálf
en það vandist fljótt og svo sá ég það líka að ég var ekkert sú
eina sem var gömul í skólanum“.
3 Nám og þjálfum er námstilboð þróað af Fræðslumiðstöð atvinnulífsins,
ætlað 23 ára og eldri, eru starfandi á vinnumarkaði og hafa hafið nám á
framhaldsskólastigi en ekki lokið almennum bóklegum greinum með prófi.
Má meta til allt að 24 einingum.