Gátt - 2014, Qupperneq 89

89
F r Æ Ð s L U M i Ð s t Ö Ð A t V i N N U L Í F s i N s
g á t t – á r s r i t – 2 0 1 4
grunngreinarnar, íslensku, dönsku, ensku og stærðfræði. „Ég
hef sjálfur reynt að setjast á skólabekk aftur, fertugur maður-
inn með 16 ára krökkum. Það er ekkert grín. Kennararnir eru
að vísu ánægðir með mann því maður segir krökkunum að
þegja. Í skólanum lýkur þessum fögum með þessum skelfi-
legu prófum.“ Síðar um haustið skráði Haraldur sig í Nám og
þjálfun í almennum bóklegum greinum sem var kallaður iðn-
grunnur við Farskólann. Vorið 2011 lauk Haraldur því námi
og útskrifaðist auk þess úr vélvirkjun frá Farskólanum.
Fékk hæstu einkunn á sveinsprófi á landinu
Sama haust gekkst Haraldur undir sveinspróf í vélvirkjun á
Akureyri. Er skemmst frá því að segja að hann og tveir aðrir
fengu mjög góða einkunn, sömu einkunn, þá hæstu sem
gefin var á sveinsprófi í vélvirkjun á Íslandi haustið 2011.
Annar hinna hafði farið sömu leið í náminu og Haraldur.
Samhliða lauk Haraldur prófi til þess að fá vélstjórnarréttindi
B. Það er ekkert sérstaklega mikil viðbót við vélvirkjun en til
þess að ljúka því þurfti hann meðal annars að bæta við sig
tveimur áföngum í stærðfræði. Hann tók frumkvæði að því
að Farskólinn byði upp á kennslu í stærðfræði 202. Það var
gert í samstarfi við Fjölbrautaskólann og luku tveir hópar, allt
fullorðið fólk, þeim áfanga þar. En það var ekki allt búið enn.
bænaskjal
Haraldur og tveir aðrir einstaklingar áttu enn eftir að ljúka
stærðfræði 303. Hann hafði forgöngu um að sent yrði
bænaskjal til Farskólans um að bjóða upp á kennslu í þeim
áfanga haustið 2013. Fjölbrautaskólinn var ekki tilbúinn til
að samþykkja að Farskólinn tæki verkefnið en fékk undan-
þágu frá mennta- og menningarmálaráðuneytinu til þess að
kenna áfangann á sömu forsendum og gert hefði verið í 202
í Farskólanum. Haraldur þakkar starfsfólki og kennurum Far-
skólans og Fjölbrautskólans fyrir skilninginn og allan þann
stuðning, utanumhald og hjálp sem hann hefur fengið. „Því
án alls þess góða fólks stæði ég ekki í sömu sporum og ég
geri í dag.“