Þingtíðindi Alþýðuflokksins - 29.11.1952, Page 5

Þinghald og þingskipun.
Þinghald.
23. þing Alþýðuflckksins var sett í Alþýðuhúsinu
við Hverfisgötu laugardaginn 29. nóvember 1952 kl. 2
síðdegis, og voru allir fundir þess haldnir þar. Forseti
flokksins, Stefán Jóhann Stefánsson, setti þingið með
ræðu. Minntist hann þess í upphafi máls síns, að eftir
þrjár vikur væru 70 ár liðin, frá því er Jón Baldvins-
son fæddist, og lagði hann sveig að mynd af Jóni, sem
var í fundarsalnum. Þá minntist hann jafnaðarmanna,
innlendra og erlendra, sem látizt hefðu, síðan flokks-
þing Alþýðuflokksins var háð síðast, og þá einkum
Finns Jónssonar og Guðnýjar Gísladóttur Hagalín.
Reis þingheimur úr sæti í virðingarskyni við hina
látnu félaga. í setningarræðu sinni ræddi forseti flokks-
ins stjórnmálaviðhorfið og afstöðu Alþýðuflokksins, og
var ræðan birt í Alþýðublaðinu.
Carl P. Jensen, ritari danska Alþýðusambandsins,
sat þingið sem gestur Alþýðuflokksins. Flutti hann á
setningarfundinum kveðju Alþýðuflokksins og Alþýðu-
sambandsins í Danmörku. Steindór Steindórsson flutti
síðan ræðu hans í íslenzkri þýðingu.
Kveðjur og árnaðaróskir fluttu einnig Helgi Hannes-
son, forseti Alþýðusambands Islands, og' Jón Hjálmars-
son, forseti Sambartds ungra jafnaðarmanna.
3