Þingtíðindi Alþýðuflokksins - 29.11.1952, Síða 29

kjör að búa. Þessi aðbúð, eða allt að því ofsókn gegn
iðnaðinum í landinu, hefir að sjálfsögðu skapað þar
mikið atvinnuleysi. Táknrænt dæmi um þetta eru upp-
lýsingar frá félagi verksmiðjufólks í Reykjavík, um
fækkun starfandi manna í iðnaði. Telur félagið, að í
13 tilgreindum iðngreinum hafi 744 félagar haft atvinnu
í ársbyrjun 1951, en 376 í lok sama árs.
Skattar og tollar hafa verið hækkaðir, og óðum
þrengir nú að kjörum og kaupgetu almennings í
landinu, enda fá launamenn nú löngu eftir á, aðeins
greiddan hluta af framfærsluvísitölunni á kaup sitt.
Þannig er umhorfs í þjóðfélaginu í dag, eftir tæpra
þriggja ára setu núverandi ríkisstjórnar.
Það eru engin undur þótt menn líti dökkum augum á
framtíðina, og verkalýðsfélögin hafi talið sig neydd að
hefja þá baráttu, sem nú er í vændum. — Alþýðu-
flokkurinn hefir, í samræmi við ákvarðanir flokksþings
og flokksstjórnar, barizt eftir mætti gegn þessari
stjórnarstefnu. Hann mun halda þeirri baráttu áfram,
og þá ekki hvað sízt í alþingiskosningum þeim, er fyrir
dyrum standa.
*
Því hefir oft verið haldið fram hér á flokksþingum,
að of mikið hafi verið að því gert, og það dregið úr
vexti flokksins, að hafa stjórnarsamvinnu við hina
borgaralegu flokka. Það kann að vera í því nokkur
sannleikur fólginn. En það er þó víst og áreiðanlegt,
að með þeirri samvinnu hefir flokknum tekizt að
koma áleiðis mörgum merkileg'um umbótamálum og
hindra ýmsan óvinafagnað.
Ég myndi telja, að flokkurinn ætti alls ekki að hverfa
af þeirri braut sinni, að geta átt, ef svo ber undir, sam-
27