Þingtíðindi Alþýðuflokksins - 29.11.1952, Page 49

deilum við samninga, eins og verið hefir, stritast íhalds-
öflin þó enn á móti. En áfram mun haldið í þessu máli,
unz sigur vinnst.
Þingflokkurinn hefir borið fram ítarlega tillögu rnn
skipun nefndar, til þess að endurskoða orlofslögin, með
það fyrir augum, að lengja orlofstímann upp í 3 vikur,
tryggja að orlofsfé sé greitt á löglegan hátt, og tryggja
framkvæmd ódýrra og hentugra orlofsferða. Allsstaðar
á Norðurlöndum, utan Islands, er nú orlofstíminn
lengdur í 3 vikur. Island er nú orðið eftirbátur. En
stjórnarflokkarnir virðast ætla að hundsa þessa tillögu.
En málefnið er svo gott, að það er aðeins spurning um
tíma, hvenær þessar umbætur fást, með illu eða góðu.
Þingflokkurinn hefir einnig flutt tillögu um undir-
búning löggjafar um atvinnuleysistryggingar. Eru þar
færð fram skýr rök fyrir nauðsyn þessa máls. En
stjórnarflokkarnir hafa þau rök að engu.
Þá hefir þingflokkurinn flutt nú í þriðja sinn frum-
varp um aukin lán til bygginga verkamannabústaða, og
er þar gert ráð fyrir, að útvegaðar verði árlega 30
milljón króna lán í þessu skyni, sem nægi til byg'ginga
200 íbúða. Það eru færð fram skýr rök fyrir því, að
þetta sé framkvæmanlegt, og um nauðsynina á aukn-
um byggingum verkamannabústaða, efast enginn. En
þetta mál mætir sama skilningsleysi, áhugaskorti eða
jafnvel beinum fjandskap úr herbúðum stjórnarliðsins,
eins og önnur umbótamál.
Flokkurinn hefur flutt á þingi frumvarp um greiðslu
mæðralauna til ekkna, fráskilinna kvenna og ógiftra
mæðra, sem hafa 2 börn eða fleiri innan 16 ára aldurs
á framfæri. Þetta nauðsynlega nytsemdarmál, á því
miður fáa formælendur í stjórnarfylkingunni.
47