Ársrit um starfsendurhæfingu - 2024, Síða 4

LILJA K. SÆMUNDSDÓTTIR formaður stjórnar VIRK 2023-2024
MILDA
HJARTAÐ
Eitthvað þarf að segja
VIRK fagnar sextán ára tímamótum á árinu.
Það er víst svo hjá unglingum á þessum
aldri að þá lýkur skólaskyldu og kostur
gefst að hefja nám í framhaldsskóla og
hefja ökunám sem flestir bíða eftir með
mikilli eftirvæntingu og ef tækifæri gefst er
gráupplagt að koma því þannig fyrir að taka
æfingaakstur í eða úr skóla.
Heimurinn opnast og margt breytist
hjá ungu fólki á þessum tímamótum.
Ungt fólk getur nú ráðið sínu trúfélagi
og er orðið sjálfstæður þjónustuþegi í
heilbrigðiskerfinu, er nú gjaldgengt til
starfsendurhæfingu hjá VIRK og jú, skatt-
kortið frá ríkisskattstjóra er komið og þeim
er skylt að greiða skatt eins og aðrir full-
orðnir einstaklingar.
Flest ljúka skólaskyldu, nýr og spennandi
tími er framundan sem og óvissa því
engin veit með vissu hvað framtíðin ber í
skauti. En það er nokkuð víst að það þarf
oft að taka ákvarðanir, breyta áherslum til
að finna sinn veg. Það má sjálfsagt segja
að þetta séu ein stærstu tímamót í lífi
einstaklings.

Við förum stundum eftir hagnýtum ráðum,
leiðbeiningum og fyrirmælum um hvað og
hvernig best sé að gera hlutina. Hreyfum
okkur, borðum, sofum og ef við förum eftir
fyrirmælum þá gengur lífið áfallalaust fyrir
sig. Nema hvað, lífið er ekki svo einfalt og
fæst okkar förum við í gegnum það alveg
áfallalaust. Sum okkar missa heilsuna
tímabundið eða alveg.
Það getur bara verið stundum pínu flókið,
kannski að allt væri einfaldara ef það fylgdi
okkur leiðbeiningarbæklingur þegar við
fæðumst í þennan heim. Við fáum allskonar
4 virk.is