Ársrit um starfsendurhæfingu - 2024, Síða 7

VIRK
Á síðasta ári komu 2.303 einstaklingar í
þjónustu til VIRK. Um er að ræða svipaðan
fjölda nýrra þjónustuþega og hefur verið
undanfarin fjögur ár. Talsverðar sveiflur eru
þó í umsóknum á milli mánaða og ára og
hefur heildarfjöldi einstaklinga í þjónustu
VIRK á undanförnum árum sveiflast frá
því að vera um 2.200 og upp í um 2.600
manns. Þegar þetta er skrifað í mars 2024
eru um 2.600 einstaklingar í þjónustu VIRK
auk þess sem 524 beiðnir um þjónustu eru
í vinnslu.
Flókin og viðkvæm þjónusta
Þjónusta á sviði starfsendurhæfingar er
bæði viðkvæm og flókin. Um er að ræða
þjónustu við einstaklinga með heilsubrest
auk þess sem margir þjónustuþegar
VIRK glíma einnig við félagslegan og/eða
persónulegan vanda á ýmsum sviðum.
Auk heilsubrests er ekki óalgengt að
einstaklingar glími við erfiðar fjölskylduað-
stæður, fjárhagserfiðleika eða eru með
umfangsmikla áfallasögu. Auk þess
skiptir verulegu máli hvaða réttindi
einstaklingurinn hefur bæði hjá hinu
opinbera og á vinnumarkaði. Í mynd 1 er
gerð tilraun til að gefa yfirsýn yfir ýmsa
áhrifaþætti í starfsendurhæfingarferlinu.
Í starfsendurhæfingunni þarf að taka tillit
til og vinna með alla þessa þætti með það
að markmiði að auka getu einstaklingsins
til þátttöku á vinnumarkaði. Þjónustan er
því í eðli sínu margþætt og flókin og krefst
samstarfs við marga og ólíka aðila.
Á margan hátt má segja að starfs-
endurhæfingarferli sé breytingaferli
þar sem unnið er markvisst með bæði veik-
leika og styrkleika einstaklinga í flóknu
umhverfi nútímans.
Breytingaferli
Á margan hátt má segja að starfsendur-
hæfingarferli sé breytingaferli þar sem
unnið er markvisst með bæði veikleika og
styrkleika einstaklinga í flóknu umhverfi
nútímans. Þjónustan þarf að vera markviss
og fagleg og taka mið af aðstæðum hvers og
eins þjónustuþega. Setja þarf skýr markmið
og mikilvægt er að einstaklingurinn taki þátt
og axli sína ábyrgð í ferlinu.
Starfsendurhæfingarferli er þannig ekki
alltaf auðvelt fyrir einstaklinginn því breyt-
ingar eru í eðli sínu stundum erfiðar. Þeir
sem ljúka starfsendurhæfingu hjá VIRK
hafa því oft á tíðum náð að yfirstíga miklar
hindranir og fara út á vinnumarkaðinn
með aukna sjálfsþekkingu og ný verkfæri
sem gerir þeim kleift að takast betur á við
fjölbreyttar áskoranir lífsins. Þetta eru því oft
sterkir einstaklingar sem atvinnurekendur
ættu svo sannarlega að gefa aukin tækifæri
á vinnumarkaði.
Mynd 1
Fagleg þróun
Til að geta mætt öllum þeim fjölbreyttu
áskorunum sem við stöndum frammi fyrir
í þjónustu VIRK er nauðsynlegt að vera
vakandi fyrir sífelldum breytingum og
áskorunum í umhverfi okkar og aðstæðum
einstaklinga. Þjónusta VIRK þarf stöðugt
að þróast og breytast í takt við samfélagið
á hverjum tíma. Þetta gerir kröfur til þess
að við séum ávallt tilbúin til að hlusta og
breyta, að við séum dugleg að afla okkur
nýrrar þekkingar og taka þátt í rannsóknum
og þróun.

Starfsemi VIRK gekk vel á árinu 2023.
Mikil fagleg þróun átti sér stað á árinu og
starfsemin efldist á mörgum sviðum. Við
höfum náð því fyrst íslenskra velferðar-
stofnana að öll starfsendurhæfingar-
þjónusta okkar er m.a. byggð á grundvelli ICF
flokkunarkerfisins og upplýsingakerfið okkar
tekur mið því. Í kerfinu er því haldið utan
Flækjustig og áskoranir í starfsendurhæfingarferli
Opinber
stuðningskerfi
Framfærsla í veikindum
Heilbrigðisþjónusta
Félagsþjónusta
Lög og reglur
Sveigjanleiki
Stuðningur
Félagslegt
umhverfi
Fjölskylda
Vinir
Menning
Hvatning
Stuðningur
Einstaklingur
Andleg heilsa
Líkamleg heilsa
Persónueiginleikar
Geta og trú á eigin getu
Hvatning
Þekking og færni
Áhugasvið
Viðhorf
Lífsreynsla
Samskiptafærni
Tengsl við aðra
Réttindi á
vinnumarkaði
Kjarasamningar
Veikindaréttur
Sjúkrasjóðir stéttarfélaga
Önnur aðstoð frá aðilum
vinnumarkaðarins
Vinnuumhverfi
Aðstæður
Menning
Sveigjanleiki
Hvatning
Öryggi
7virk.is