Víðförli - 01.12.1952, Blaðsíða 13

FORNLEIFAFRÆÐI OG BIBLfURANNSÓKNIR
75
sem sprottnir eru með Gyðingum og verða að uppstöðuþráðum
kristinnar trúar, er kenningin um Messías. Kristur leit á sjálfan
sig sem Messías. Hann kenndi, að Messíasarvonir Gyðinga hefðu
rætzt í sér. Enn fremur taldi hann sig vera Mannssoninn, sem
með Gyðingum var enn hærra heiti en Messías. Þá hefur Jesús án
efa skoðað líf sitt í Ijósi 53. kapítulans hjá Jesaja, ljóðsins um
þjáningu hins réttláta þjóns Jahve og friðþægingu hans. Þannig
standa meginstoðir kristinnar trúar rótum í Gamla testamentinu,
og til þess að skilja þær verðum vér að líta yfir liðna sögu.
Nú er í trúarritunum, sem fundust ásamt Jesajastranganum,
minnst á einhvern Meistara Réttlætisins eða hinn Réttláta Meist-
ara. Hann virðist vera liðinn leiðtogi hreyfingarinnar og háfa
liðið píslarvætti. í kringum dauða hans hafa skapazt Messíasarhug-
myndir, flokkurinn virðist skoða hann sem Messías, enda þótt
hann væri ekki sigrandi Messías heldur hafi verið tekinn af lífi.
Þetta mál hefur enn verið lítt kannað og er hvergi nærri tíma-
bært að gera sér nokkrar hugmyndir um það, hvað sú könnun
muni leiða í ljós. En það er vitaskuld ómetanlegt til fróðleiks,
að nú skuli gefast ný innsýn inn í trúarheim aldarinnar fyrir
Krists burð, sem líkleg er til þess að varpa nýju ljósi á margar
þær trúarhugmyndir, sem oss eru fjarlægastar og torskildastar.
Nú eru liðin tæp fjögur ár síðan vísindamenn komust fyrst
yfir þennan merka fund. Samt er málið enn á því stigi, að segja
verður, að rannsóknir séu rétt að hefjast. Sérfræðingar um heim
allan vinna að rannsóknum handritanna jafnóðum og þau eru
gefin út. Það er ekkert efamál, að handritafundurinn við Dauða-
hafið verður þungamiðja umræðna og kannana guðfræðinga og
fornfræðinga mörg komandi ár. Fyrstu bækurnar eru að koma út,
sem gefa yfirlit um fundinn og þýðingu hans. Dupont-Sommer
prófessor við Sorbonne í París hefur gefið út litla en ágæta
bók um handritin, sem gefur glögga lýsingu á fundi þeirra og
sögu þess tíma, er þau eru runnin frá. Hún mun um þessar
mundir vera að koma út í enskri þýðingu og er titill ensku út-
gáfunnar „The Dead Sea Scrolls.“ Vísa ég öllum, er vilja kynna
sér þetta nánar, á þessa bók.