Víðförli - 01.12.1952, Side 11

FORNLEIFAFRÆÐI OG BIBLÍURANNSÓKNIR
73
strangarnir væru skrjfaðir á sýrlenzku. Nokkur hluti þeirra komst
að lokum í eigu sýrlenzk-kristna klaustursins í Jerúsalem eftir
ýmsum krókaleiðum, og annan hluta eignaðist hebreski háskól-
inn í Jerúsalem. Enn var engum ljóst hið eiginlega innihald þess-
ara ómetanlega verðmiklu handrita og réði því tilviljun ein,
að hið merkasta handritanna komst í hendur sýrlenzk-kristna
klaustursins. Sá strangi er handrit af öllum Jesaja, hinu merk-
asta trúarriti Gamla testamentisins, sem ávallt hefur staðið næst
hjarta kristinna manna, frá því að Jesús las upp úr því í sam-
kunduhúsinu, eins og guðsspjöllin segja frá, og Filippus boðaði
Krist hirðmanni Etíópadrottningar, er hann las upphátt Jesaja í
vagni sínum, og fram til þessa dags. Þetta handrit varpar nýju
Ijósi á áreiðanleik Massóretatextans og gefur oss mikilsverðar
upplýsingar um textasögu Gamla testamentisins. Vitaskuld eru
í því mörg frávik frá Massóretatexta Jesajaritsins, en í öllum eða
allflestum aðalatriðum er textinn hinn sami.
Svo að ég fari fljótt yfir sögu, þá var komið með einn handrita-
stranganna í Ameríska skólann í Austurlandarannsóknum í Jerú-
salem, og reyndist þá strangi sá vera Jesajahandritið, er ég drap
á. Prófessor Albright í Johns Hopkins háskólanum í Baltimore
voru sendar ljósmyndir, en hann er jöfur könnuða í fornleifa-
fræði Austurlanda hinna heimari, og óskaði hann í svarskeyti til
hamingju með merkasta fornleifafund vorrar kynslóðar. Allt þetta
gerðist haustið 1948 og tveim árum síðar var hafið að gefa hand-
ritin út í Bandaríkjunum, en þangað voru þau lánuð með það
fyrir augum. Var farið myndarlega af stað með útgáfu Jesaja-
strangans og skýringarrits yfir Habakuk.
Nú var hafizt handa um að rannsaka betur hellinn og grafa
þar eftir brotum, er finnast kynnu. Það var ekki auðhlaupið
að því að komast þangað, því að í þann mund geysaði stríð milli
Araba og Gyðinga. Að lokum tókst að fá hervernd og lagði leið-
angur upp til þess að rannsaka hellinn. Fundust þar ker frá hell-
enistíska tímabilinu, um það bil öldinni fyrir Krists burð, og
rómverskur lampi. Einnig fundust í jarðvegi í gólfi hellisins ýmis