Víðförli - 01.12.1952, Blaðsíða 27

HEILÖG SKÍRN
89
VI.
Það er víðtækt athugunarefni, hvernig postularnir setja áminn-
ingar sínar og leiðbeiningar í samband við skírnina, beint og
óbeint. Hin nýja aðstaða á að koma fram í nýrri afstöðu og athöfn-
um á öllum sviðum. Þér menn, elskið konur yðar, að sínu leyti
eins og Kristur elskaði söfnuðinn og lagði sjálfan sig í sölurnar
fyrir hann, til þess fyrir vatnslaugina með orðinu að hreinsa
hann og helga hann síðan (Ef. 5, 25—26). Hegðið yður ekki eftir
öld þessari (þ.e. hinum „gamla“ heimi), heldur takið háttaskipti
með endurnýjungu (sbr. Róm. 6,4) hugarfarsins svo að þér fáið
að reyna, hver sé vilji Guðs, hið góða, fagra og fullkomna (Róm.
12,2). Því að allir þér, sem skírðir eruð til Krists, hafið íklæðst
Kristi (Gal. 3, 27). Með einum anda vorum vér allir skírðir (1.
Kor. 12,13). Framgangið í andanum (Gal. 5,16). Ef vér lifum
í andanum, þá framgöngum einnig í andanum. En ávöxtur andans
er: Kærleiki, gleði, friður, langlyndi, gæzka, góðvild, trúmennska,
hógværð, bindindi (Gal. 5, 26, 22).
Þetta er líf hins nýja manns, sem er kallaður fram í skírninni til
dauða Krists, líf þeirrar upprisu með honum, sem grundvallast á
sýknuninni, sem skírnin felur í sér og er möguleg vegna þers að
hinn upprisni er fyrir anda sinn starfandi í orði sínu og kirkju,
líf þess ríkis, sem hér er nú í leyndum en opinberast í dýrð, þegar
alheimur hefur verið lagður að fótskör Krists konungs. Fyrst þér
því eruð uppvaktir með Kristi, þá keppist eftir því, sem er hið
efra, þar sem Kristur situr við hægri hönd Guðs. Hugsið um það,
sem er hið efra, en ekki um það, sem á jörðinni er. Því að þér
eruð dánir og líf yðar er fólgið með Kristi í Guði. Þegar Kristur,
vort líf, opinberast, þá munuð þér og ásamt honum opinberast í
dýrð (Kol. 3, 1—4).
Kristur, mitt líf. Það var hvorki meira né minna en það, sem
mér var gefið í heilagri skíro. Líf alkærleikans, sem mín vegna
gekk í dauðann og sté yfir hann og upp frá honum til upprisu og
eilífs drottindóms.
Ég byrja þetta jarðlíf með fæðingu að baki, horfi mínum
óvitaaugum gegn framtíð, sem stefnir í dauða um vegu, sem